बर्वे हे गेली कित्येक वर्षे विधिमंडळात आहेत, आणि मी त्यांच्या थोड्याफार मुलाखती (नीट लक्ष न देता*) ऐकल्या आहेत. मुलाखतीत किंवा वर्तमानपत्रातल्या बातम्यांत त्यांच्या वंशाचा उल्लेख झालेला मी ऐकलेला नाही. (जसे की बॉबी जिंदलच्या बाबतीत वंशाचा उल्लेख जवळजवळ प्रत्येक बातमीत होतो, तसा तर मुळीच नाही.)

पण आता स्थानिक बातम्यांवर जरा लक्ष ठेवून ऐकेन. कधी कधी शब्द नाही तरी शब्दाच्या सुरावरून काही ढोबळ अंदाज करता येतो. काही नवीन ऐकले तर कळवतो.

*फार लक्ष याकरिता देत नाही, कारण मेरीलँड राज्याच्या विधिमंडळात बहुतेक राजकीय संघर्ष वैयक्तिक चढाओढीबद्दल असतात, त्यामुळे मुद्द्याचे प्रश्न, उत्तरे मुलाखतींमध्ये कमीच विचारतात.

>>पण लगेच बेड्या ठोकून त्यांची वरात काढणे हे जरा वांशिक भेद आहे का असे मला वाटले.

जर बर्वे याना सामान्य मेरिलॅंडकरापेक्षा वेगळ्या रीतीने वागवले गेले असेल तर ...

१. जर वागणूक/शिक्षा जास्त वाईट/कठोर असेल तर तो रेसिझम् चा परिणाम आहे असे म्हणायला जागा निर्माण होते.
२. जर वागणूक/शिक्षा इतरांपेक्षा सौम्य असेल तर त्यांच्या राजकीय वजनाचा फायदा त्याना झाला असण्याची शक्यता दिसते.

मी आज सकाळी पोस्ट्" मधे ही बातमी वाचली. मला वरीलपैकी कुठल्याही शक्यतेबद्दलची कसली माहिती त्यातून मिळाली नाही. (त्यांचा फोटो बाकी मी या निमित्ताने पहिल्यांदा पाहिला.)

बातमीत बर्व्यांची गाडी पिवळ्या दुहेरी विभाजक रेषेवरून चालत असल्याने त्यांना थांबवण्यात आल्याचे म्हटले आहे. याला बेजबाबदारपणा म्हणता येईलच. मद्यतपासाणीच्या परीक्षेत अशारितीने पकडले गेल्यास सर्वांनाच बेड्या ठोकून तुरुंगात नेले जाते काय? तसे असल्यास, बर्व्यांना कोणत्याही प्रकारची सूट देणे योग्य वाटत नाही. त्यांची वरात काढली गेली असेही म्हणता येऊ नये.

माझ्या आठवणीप्रमाणे गेल्यावर्षी सुपरबोव्ल जिंकून इंडीत परतलेल्या आमच्या संघातील एका प्रसिद्ध खेळाडूला पार्टीनंतर पहाटे हायवेवर ८० मैलाच्या* वेगाने गाडी चालवण्याबद्दल पकडले गेले होते आणि बेड्या घालून तुरुंगात रवानगी झाली होती. त्याच्या रक्तातील अल्कोहोलची पातळी केवळ ०.०९ (म्हणजे अगदी .०१ ने जास्त) होती. तेव्हा कायदा प्रत्येकाला, कोणत्याही प्रसंगी समान असावा.

* दिवसा माणसे ८५-९०च्या वेगाने सहज गाड्या हाकतात.

बर्वे हे गेली कित्येक वर्षे विधिमंडळात आहेत, आणि मी त्यांच्या थोड्याफार मुलाखती (नीट लक्ष न देता*) ऐकल्या आहेत. मुलाखतीत किंवा वर्तमानपत्रातल्या बातम्यांत त्यांच्या वंशाचा उल्लेख झालेला मी ऐकलेला नाही. (जसे की बॉबी जिंदलच्या बाबतीत वंशाचा उल्लेख जवळजवळ प्रत्येक बातमीत होतो, तसा तर मुळीच नाही.)

वर धनंजयने म्हणल्याप्रमाणे, मी काही त्यांच्या मुलाखती वगैरे ऐकलेल्या नाहीत, पण बॉबी जिंदलसारखा त्यांचा उल्लेख झाला नाही हे सत्य आहे.

मी काही घडलेल्या घटनेत कारस्थान आहे असे म्हणत नाही पण एखादी व्यक्ती अशी असू शकते का असे वाटले. बरं मी काही त्यांना शि़क्षा होणे चुकीचे असेही म्हणले नाही. पण जसे प्रियालीने सुपबोल जिंकलेल्या खेळाडूस (वर्ण?) अटक केले तसे न्यू जर्सीच्या गव्हर्नरला अपघातामुळे अटक नाही पण ९०-१००च्या वेगात गाडी चालवणे याबाबत दोषी अथवा मद्यांशचाचणी वगैरे केल्याचे मी पाहीले नाही. टेड केनडीची तर गोष्ट प्रसिद्ध आहे ज्यात त्याच्यामुळे (तरूणपणी पण राजकारणी असताना) मद्याच्या नादात गाडीचालवताना झालेल्या अपघातात एका बाईस मरण आले (आणि तो "हीट अँड रन" हा किस्सा होता).

मी स्वतः काही कुठे वर्णद्वेष वगैरे बघत नाही. पण काही घटनांच्या वेळेस मात्र असे वाटून जाते. या बाबतीतही मला वाटते ते बरोबर आहे असे म्हणायचे नाही पण वर सांगितलेल्या आणि अजून काही माहीत असलेल्या घटनांमुळे सहज वाटून गेले इतकेच.

बर्वेंनी प्यावेच कशाला आणि पीलेच तर गाडी चालवावी कशाला. खरे तर पिणा-याच्या बाबतीत वांशिक भेद बीद असा विचार करु नये बॉ असे आमचे मत आहे. कारण पिणारे हे कोणत्याच वंशाचे नसतात,असे आमचे मत आहे. :)

अवांतर :) घाटपांडे साहेब, पोलिस खात्यात आपण सेवेत होता, म्हणून आम्ही आपणास विचारतो. महाराष्ट्रात सार्वजनिक ठिकाणी किती (कोणत्या मापापर्यंत )मर्यादेपर्यंत पिण्याची परवानगी आहे, हो !!

आपला.
०.०८ पर्यंतची सिमा पार केलेला.
प्रा.डॉ.दिलीप बिरुटे.

नाव नसते सांगितले तर फोटो बघून हा माणूस मला अमेरिकनच वाटला असता...
असो.

आपला
जरासा वर्णवादी भासणारा
गुंडोपंत

आज वर्तमानपत्रात एक किस्सा वाचला. कोणाएका प्रतिष्ठित व्यक्तिवर खटला चालला होता. काय निर्णय लागेल याच्या साठी बरेच नातेवाईक आणि मित्रमंडळीं न्यायालयात जमा झाली होती. ते पाहताच आरोपीच्या वकिलाचे धाबे दणाणले. त्याने सगळ्यानाच एका कोपर्‍याआड दडवले. कारण इतकी गर्दी पाहिली तर न्यायाधिश हमखास ज्यास्त शिक्षा देतात असा अनुभव आहे. शेवटी एका दिवसाची शिक्षा झाली.

शेवटी पळ्साला पाने तिनच.