तज्ज्ञमंडळी योग्य शास्त्रीय परिभाषेत प्रश्नाचे उत्तर देतीलच. (मी ती विसरले आहे.) परंतु 'लेमॅन'च्या भाषेत सांगायचे झाले तर लोकर उष्णता/ थंडी निर्माण करत नाही तर उष्णतेला/ थंडीला (तापमानाला) केवळ पकडून ठेवते किंवा ती वाहून जाण्याला विरोध करते. (insulation)

लोकरीच्या गुंतलेल्या केसांत हवेचे अनेक कप्पे तयार होतात आणि अडकून राहतात. त्यामुळे लोकरीच्या आतील वस्तूचे तापमान (की आर्द्रता?) शोषून तेच कायम राखण्याचे काम केले जाते. त्यामुळे खोलीचे तापमान २८ डी असेल तर लोकरीच्या कपड्या आत २८च दाखवेल पण त्या कपड्याआत शरीर असेल तर ते बहुधा ३६ अंश से. दाखवेल. - चू. भू. दे. घे.

मध्य आशियातील भटक्या जमाती आपल्या तंबूंना लोकरीचे इन्स्युलेशन देतात. यामुळे उन्हाळ्यात घरात थंडावा जाणवतो तर हिवाळ्यात उब असे वाचले होते. द. अमेरिकेत आढळणारा 'यामा' (किंवा लामा) या प्राण्याची लोकर मेंढीच्या लोकरीपेक्षा अधिक मऊ असते असे आपले मला वाटते. या यामाचे एक चित्र इथे लावते. लांब मानेच्या किंवा चिमुकल्या केसाळ उंटाप्रमाणे दिसणार्‍या या प्राण्याला कुरवाळण्याची अनुभूती लाजवाब असते असा अनुभव आहे.

प्रियालींनी तंबूला लोकरीचे अस्तर लावण्याची दिलेली माहिती वाचून नवल वाटले. धन्यवाद.

या बाबतीत लहानपणी वाटलेले नवल मला आठवतो. आमच्या घरी थर्मास फ्लास्कचा उपयोग प्रवासात चहा कॉफी गरम ठेवण्यासाठी होई. त्यामुळे "थर्मास गरम पेयांसाठी असतो" अशी माझ्या बालमनात कल्पना झाली. पुढे एकदा कोणी बर्फाचे पाणी थर्मासमधून आणले त्याचे नवल वाटले.

पेरेलमानचे 'स्वेटरमध्ये गुंडाळलेले बर्फाचे तुकडे' (आणि प्रियालींचा थंडगार लोकरी तंबू) यांवरून आणखी एक गमतीदार प्रश्न विचारता येईल - स्वेटर जर थंड वस्तू थंड राखतो, तर उन्हाळ्यातल्या गरम दिवशी स्वेटर घालावा का? (उत्तर : नाही) पण का? उत्तर हे यनावालांच्या वरील चर्चाप्रश्नाचेच.

विषयांतर नाही.

एकदा एका सरदाराला त्याच्या मित्राने थर्मास फ्लास्क भेट दिला.
तर सरदार एका दुसर्‍या मित्रासाठी चहा व तिसर्‍या मित्रासाठी लस्सी त्या थर्मासमध्ये घालून घेऊन गेला.
तर त्या मित्राने विचारले अरे तू असे का केलेस?
तर सरदार म्हणाला, ओय तुणेही बताया था की इसमे गर्म चीज गर्म और ठंडी चीज ठंडी रहती है.

मराठी असे आमुची मायबोली तिला बैसवूं वैभवाच्या शिरी |
***********************************
प्रियाली यांनी दिलेली कारणमीमांसा अगदी बरोबर आहे. लोकरीचे कपडे उष्णता निर्माण करू शकत नाहीत. शरीर ती निर्माण करते. लोकर हा पदार्थ उष्णतेचा मंदवाहक असल्याने लोकरी कपडे घातल्यास अंगातील उष्णता चटकन बाहेर जात नाही. टिकून राहाते. त्यामुळे ऊबदार वाटते.
प्रियाली लिहितात,"......कपड्याआत शरीर असेल तर ते बहुधा ३६ अंश से. दाखवेल. - चू. भू. दे. घे." ठीक आहे. पण माझ्यामते यापेक्षा थोडे कमी दाखवील. कारण कारण माणसाच्या शरीराचे सामान्य (नॉर्मल) तापमान ९७.५ अंश फॅ. म्हणजे ३६.४ अंश से. असते. { इथे एक उपप्रश्न : असे कोणते तापमान असू शकेल का की जे फॅ. आणि सें. मधे सारखेच असते? म्हणजे क्ष अंश फॅ.= क्ष अंश सें.}
श्री. धनंजय आणि श्री. टग्या यांनी केलेले विवेचन भौतिकीला (फिजिक्स) धरूनच आहे.

मराठी असे आमुची मायबोली तिला बैसवूं वैभवाच्या शिरी |
***********************************
" एक लांबी फूटपट्टीने मोजली तर क्ष फूट भरते. तीच मिटरपट्टीने मोजली तरी क्ष मीटरच भरते. " हे चटकन खरे वाटत नाही. क्ष ची एक किंमत अशी आहे की क्ष फूट्= क्ष मीटर हे नंतर ध्यानात येते. इथे तर -४० अंश ही शून्येतर किंमत आहे. त्यामुळे प्रथमदर्शनी विस्मय वाटला. (कारण मंदगती विचार). नंतर लक्षात आले.
.. तापमानाची अशी कोणतीही किंमत (व्हॅल्यू) नसावी जी केल्व्हिन आणि सेल्शियस या दोन परिमाणांत सारखीच असेल.
तद्वतच केल्व्हिन आणि फॅ. ही जोडी.