कान आणि आवाज

अर्थातच हा लेख कानगोळ्यां (इयरफ़ोन्स) विषयी आहे. कानगोळे असण्याशिवाय हल्ली जीवन अशक्यच आहे. आयपॉड किंवा एमपी थ्री प्लेयरवर संगित ऐकतांना योग्य ते कानगोळे असणे आवश्यक आहे. नक्की कोणते इयरफोन्स वापरायचे या विषयी माहीती गोळा करत होतो. सापडलेली माहीती येथे देत आहे.

अतिशय मोठ्या आवाजात सदैव संगित ऐकल्याने कायमचा बहिरेपणा येवू शकतो. कानाचे बड्स वापरणे हे हल्ली सर्रास दिसते आहे. वर चित्रात दिसणारे इयर बड्स् आहेत. इयरफोन्स मध्ये बाहेरचे आवाज एका प्रमाणाबाहेर कमी करता येत नाहीत. त्यामुळे संगिताचा आवाज मोठा राखावा लागतो. यासाठी अगदी कानात आता जाणारे इयर बड्स् मिळतात. पण कानाच्या पडद्याच्या अति जवळ नेलेला आवाजाही कान निकामी करण्यास तितकाच कारणीभूत असू शकतो. मग याला उपाय काय?

याला उपाय म्हणजे कानावर बसणारे हेडफोन्स वापरणे. आपण आवाजाच्या ठिकाणी संगित ऐकणार असाल तर कानाला झाकून टाकणारे हेडफ़ोन्स वापरणे उत्तम.
यात दोन प्रकार आहेत. एक बाह्य आवाज बंद (क्लोज्ड) हेडफोन्स व बाह्य आवाज चालू (ओपन) हेडफ़ोन्स. मला आवाज चालू हेडफोन्स रोजच्या वापरासाठी योग्य वाटतात. कारण यात हवेला बाहेर जाण्यास जागा असते. त्यांमुळे कानावर कोणताही ताण नसतो. यात कानावर ताण न येता बाहेरचे आवाज 'कमी' असून संगिताचा दर्जा उत्तम मिळतो. पण बाहेरील आवाज पूर्ण बंद होत नाहीत हे ध्यानात घ्या! या साठी बाह्य आवाज बंद म्हणजेच क्लोज्ड हेडफोन्स वापरणे उत्तम. सर्वसाधारणपणे म्युझीक डिजे हे वापरतांना दिसतात. बाह्य आवाज बंद हेडफोन्स फारकाळ वापरता येत नाहीत असा माझा अनुभव आहे. दिवस उष्णता असेल तर ते नकोसे वाटतात. मात्र ओपन हेडफोन्स मध्ये हा त्रास होत नाही. तसेच कानावर बसणारी गादी जर कापडी असेल तर उत्तम. या शिवाय वायरलेस असल्यास अजून बरे!हे पहा सोनीचे एक वायरलेस मॉडेल.

हे हेडफोन्स खुप मोठे असतात असा त्याचा त्रास मात्र नक्कीच आहे. इयरफोन्स चटकन खिशात टाकून नेता येतात तसे हे नेता येत नाहीत. मात्र काही मॉडेल्स घडीचेही मिळतात. हे पहा एक घडी होणारे मॉडेल. याशिवाय अजून छोटी घडी करता येणारे मॉडेल्स मिळतात.

मी सोनी, टिडीके, सॅन्यो , श्रर आणि शेवटी सेनहायझर हे ब्रँडस वापरले. यात शेवटी मला सेनहायझर हा ब्रँड मला सर्वोत्कृष्ठ वाटला. या शिवाय ए के जी हा पण एक उत्तम पर्याय आहेच.
पण हे वाटणे सर्वस्वी आपआपल्या आवाडीवर व कानावर अवलंबून आहे.
हे हेडफोन्स कसे चालतात व इतर विषयावर इंग्रजी विकिपेडीयावर व्यापक माहीती आहेच.

या शिवाय आपणास नवनवीन मॉडेल्सची अधीक माहीती हवी असल्यास येथे व येथे पहा.