कल्पक गमतीदार रीतीने भौतिकीची तत्त्वे विशद करणे, प्रसिद्ध साहित्यकृतींचे रंजक दाखले देणे, यात "या पेरेलमान" यांची जोड नाही.
हा जिंदादिल बहुश्रुत माणूस आपल्या ओळखीचा आहे, आपण फक्त त्याला अजून प्रत्यक्ष भेटलो नाही असे त्याचे लेखन वाचताना वाटायचे.
यांना दुसर्‍या महायुद्धात लेनिनग्राडच्या वेढ्यात उपासमारीने मरण आले हे पुढे वाचण्यात आले - आपल्या कुटुंबातल्या कोण्या व्यक्तीचे हाल झाल्यासारखे हळहळायला झाले. स्वतःलाच चुचकारायला मी कल्पना करतो की त्या हालाखीतसुद्धा त्याने स्वतःला, आजूबाजूच्यांना हसतमुखपणे धीर दिला असेल.
पेरेलमान जगते तर त्यांच्या प्रखर तेजाने आपण गुणग्राहक चाहते अधिकाधिक उजळून निघालो असतो. वाचन झाल्यानंतर त्यांच्या पुस्तकांइतपत आपलेही ज्ञान झाल्यावर आपल्याला आणखी सुधारता येत नाही. तर्कक्रीडेच्या भरार्‍या मारण्यासाठीची एक गर्भित उर्जा लागते. आता ती अतिरिक्त उर्जा आपण पामर कसे मिळवणार?
टग्या यांच्या खाली दिलेल्या गर्भित सूचनेनुसार रूपक अधिक वाढवले.

श्री. टग्या यांनी लिहिल्यानंतर आणखी काही लिहिण्याची गरज उरलेली नाही. छोट्या उभट भांड्यातल्या पाण्याचे तापमान १०० अंश सेल्सियस पर्य़ंत पोचेल, पण त्या पाण्याला जो पर्यंत प्रतिग्रॅम ५३९.५५ कॅलरी इतकी उष्णता मिळणार नाही तो पर्यंत छोट्या भांड्यातले पाणी दिलेल्या परिस्थितीत उकळणे शक्य नाही.
उष्णतेची देवाणघेवाण होसाठी दोन वस्तूंच्या तापमानात जास्त-ते-कमी असा फरक असलाच पाहिजे हे मात्र तितकेसे खरे नसावे. मातीच्या माठातले पाणी गार होत जाते त्यावेळी आतील पाण्यातली उष्णता बाहेर झिरपलेल्या अधिक तापमानाच्या जलबिंदूंकडे जाते आणि त्यांच्या बाष्पीभवनाला खर्च होते. खरे तर बाहेरील उष्णतेमुळे आतील पाणी गरम व्हायला पाहिजे. --वाचक्‍नवी

मराठी असे आमुची मायबोली तिला बैसवूं वैभवाच्या शिरी |
***********************************
"..... यावर मी विचार करीत होतो. पण आपले एक सदस्य श्री. टग्या यांनी मला सगळे समजावून सांगितले. "
" ते तुम्हाला समजले का?"
"हो. त्यांच्या गुप्त उष्णता (लेटंट हीट) या दोन शब्दांमुळे डो़क्यात लख्ख प्रकाश पडला आणि सगळे समजलेच. लेटंट हीट साठी 'अप्रकट उष्णता, अनुद्भूत उष्णता' असे शब्द ऐकले आहेत. "
"या उत्कलनाच्या संदर्भात आणखी एक प्रश्न सुचला. तो विचारतो."
"विचारा,विचारा. आता मला मुळीच चिंता नाही. माझे मित्र टग्या मला उत्तर सांगतील."
" अरे वा! ते तुमचे मित्रवर्य झाले का? छान. आता प्रश्न ऐका. सुनीता विल्यम्स यानातून पृथ्विप्रदक्षिणा करीत होती. तेव्हा समजा, म्हणजे आपलं समजा हं, तिने गॅस शेगडीवर अथवा विजेच्या शेगडीवर चहा साठी आधण ठेवले असते तर ते पाणी उकळता उकळले नसते. आधण यायला खूप म्हणजे खूपच वेळ लागला असता. याचे कारण काय?"