स्वस्थलनिर्देशक कोडे... कोड्याचे लेखन अत्यंत आवडले.
गाई घरा आल्या| घण घण घंटानाद|
कुणीकडे घालू साद | गोविंदा रे||
गाई घरा आल्या | वासरे हंबरती|
कुठे गेला बालमूर्ती | कृष्ण माझा||
.
.
.
कविता पूर्ण करावी.

मराठी असे आमुची मायबोली तिला बैसवूं वैभवाच्या शिरी |
***********************************
विसुनाना, तुम्हाला कविता आवडली. आनंद झाला. कवि वा.गो. मायदेव यांची ही कविता आहे. पूर्ण कविता देईनच. पण ती इथे लिहावी की तुमच्या खरडवहीत या विचारात आहे.
..........
तुमच्या खरडवहीत पूर्ण कविता लिहिली आहे.मजजवळ असलेल्या "आठवणीतील कविता (भाग ४) या पुस्तकात ती आहे. पूर्वी गाजलेल्या 'अर्धांगी' नावाच्या मराठी चित्रपटात ही कविता गाणे म्हणून घेतली आहे, अशीही माहिती मिळते.

मराठी असे आमुची मायबोली तिला बैसवूं वैभवाच्या शिरी |
***********************************
श्री.पमोदकाका आणि श्री.सहज यांनी या कोड्याचे उत्तर अचूक शोधले आहे. मात्र त्यांनी प्रयत्‍न पमाद (ट्रायल-एरर ) पद्धतीने सोडवले. पंचवीस ऐवजी समजा एकोणपन्नास (४९) गाई आणि सात मुलगे असते तर? ट्रायल एरर ला फ़ार वेळ लागला असता. हे कोडे देण्यामागचा हेतू "भद्रचौरस"(मॅजिक स्क्वेअर्स ) विषयी थोडे लिहावे हा आहे.
श्री.सहज लिहितात "कोड्याचे साहित्यिकमूल्य हे गणिती मूल्याहून अधिक आहे. " त्यांना कोड्याचे लेखन आवडले. "गणिती मनोरंजन" या विषयाचा हा एक प्रमुख भाग आहेच.

मराठी असे आमुची मायबोली तिला बैसवूं वैभवाच्या शिरी |
***********************************
श्री.वाचक्‍नवी आणि मृदुला यांनी यांनी उत्तरे पाठविली आहेत. ती बरोबर आहेतच.
मृदुला यानी हे कोडे सोडविण्याची एक वेगळीच (मला अपरिचित) रीत दिली आहे.
..........................................................................
काही दिवस मला इथे लॉग ऑन होता येत नव्हते. त्यामुळे व्यनि वाचू शकलो नाही. तरी क्षमस्व. शेवटी श्री. आजानुकर्ण यांच्या सहाय्याने मी पुनःश्च इथे येऊ शकलो.
..........................................................................

मराठी असे आमुची मायबोली तिला बैसवूं वैभवाच्या शिरी |
***********************************
या कोड्याचे मृदुला यांनी पाठविलेले उत्तर पुढील प्रमाणे:
गाईंची वाटणी अशी केली.

भाऊ१ = १, ७, १३, १९, २५ = ६५
०१ ०२ ०३ ०४ ०५
०६ ०७ ०८ ०९ १०
११ १२ १३ १४ १५
१६ १७ १८ १९ २०
२१ २२ २३ २४ २५

भाऊ२ = २, ८, १४, २०, २१ = ६५
०२ ०३ ०४ ०५ ०१
०७ ०८ ०९ १० ०६
१२ १३ १४ १५ ११
१७ १८ १९ २० १६
२२ २३ २४ २५ २१

असेच
भाऊ३ = ३, ९, १५, १६, २२
भाऊ४ = ४, १०, ११, १७, २३
भाऊ५ = ५, ६, १२, १८, २४

थोडक्यात गाईंना अनुक्रमे गोलात उभे करून पाच सोडत सोडत गाई निवडत जायचे.

मृदुला

१-२५ हे गाईंचे बिल्ले एका ५बाय५ च्या चौरसात मांडायचे आहेत म्हणा. या कोड्यासाठी चौरसाच्या पंक्तींची बेरीज सारखी आली तर पुरते, स्तंभांच्या बेरजेचा ताळा करायची काही गरज नाही. असा चौरस मृदुला यांनी उत्तरात मांडला आहे. गंमत म्हणजे मृदुला यांच्या पद्धतीत अगदी मामूली बदल करून स्तंभांचीही बेरीज सारखी येते (म्हणजे जवळ जवळ भद्रचौरस!). तो मामूली फरक अन्यत्र मीरा फाटक यांनी विषद केलेला आहे.
या कोड्याच्या उत्तरासाठी पाच श्रेणीचा कुठलाही भद्रचौरस चालेल असेही कोडे सोडवता येईल. (शिवाय भद्रचौरस नसलेली कितीतरी अधिक उत्तरे आहेत, ते आलेच.)

पुढे यनावालांनी भद्रचौरसाबद्दल लेख लिहिला त्याचे विचारचक्र मृदुला यांनीच सुरू केले असे म्हणावे काय?