एकदा मी आणि माझा मोठा मुलगा गप्पा मारत बसलो होतो, तेव्हा माझा धाकटा मुलगा तिथे आला आणि त्याने खेळण्याच्या पत्त्यांच्या आकाराची काही कार्डे खिशातून काढली. पुढे म्हणाला "प्रत्येक कार्डावर एका बाजूला वर्तुळ आहे आणि दुसऱ्या बाजूला त्रिकोण आहे. ह्यापैकी काही आकृत्या लाल रंगात तर काही निळ्या रंगात रंगवलेल्या आहेत." नंतर त्याने ती कार्डे टेबलावर मांडली. आता आम्हाला प्रत्येक कार्डाची एकच बाजू दिसत होती.

१. काही कार्डांवर लाल वर्तुळ होते.
२. काही कार्डांवर निळे वर्तुळ होते.
३. काही कार्डांवर लाल त्रिकोण होता.
४. काही कार्डांवर निळा त्रिकोण होता.

धाकटा मुलगा म्हणाला "मला वाटतं सगळ्या लाल वर्तुळांच्या मागे निळा त्रिकोण आहे. बघा बरं माझं म्हणणं बरोबर आहे का?" त्यावर मी प्रत्येक कार्ड उलटून पहायला सुरुवात केली. मोठा मुलगा म्हणाला "आ‌ई, सगळी कार्डं उलटून बघायची गरज नाही." मी म्हटलं "असं कसं हो‌ईल?" त्यावर तो म्हणाला "जरा विचार कर, म्हणजे कळेल की कोणकोणती कार्डं उलटावी लागतील." मला काही कळेना.

कोणकोणती कार्डे उलटून पहायची ते तुम्ही सांगाल मला?

(उत्तरे व्यनिने पाठवावीत.)