1. "असे राष्ट्राध्यक्षा"च्या उमेदवारावर चिखलफेक करणे म्हणजे जणू काही राष्ट्राच्या "इभ्रतीचा प्रश्न आहे" म्हणून ते "पावित्र्य" टिकवत काही टिकात्मक बोलू नये.

मूर्खपणा आहे. इतक्या गंभीर आरोपांखाली अडकलेल्या आणि बुवाबाजीमध्ये गुंतलेल्या बाईंकडून उत्तरे मागण्याचा जनतेचा अधिकारच नाही तर कर्तव्यही आहे. श्रीमती रजनी पाटील यांची खुनाला वाचा फोडण्याच्या धडपडीमागे (जी आजची नाही) राजकारण कमी आणि तडफडाट जास्त वाटतो.

2. तसेच जर या निवडणूकीत "प्रतिभा पाटील" निवडून येणार हे बहुतांशी नक्की असेल तर भैरवसिंग शेखावत यांनी माघार घ्यावी आणि प्रतिभाताईंना अविरोध निवडणून द्यावे. त्यातच "राष्ट्रपतीपदाची शान राहील"

निवडणूक न लढता बिनविरोधाचे खूळ आजचे नाही. सर्वच राजकीय पक्ष कमी अधिक प्रमाणात याला बळी पडतात.

3. वगैरे वगैरे...

(१) कलाम साहेबांनी राजकीय प्रक्रियेस नकार दिला. त्यांच्या प्रकृतीस एकवेळ ते रुचणारे असेल. पण जनतेच्या मनात स्थान मिळविलेल्या ह्या राष्ट्रपतींनी बिनविरोध हा आग्रह सोडून खुलेपणाने राजकीय लढाईत बलिदान दिले असते तर कदाचित भारताच्या राजकारणाला बरे दिवस आले असे म्हटले असते.
(२) शेखावत साहेबांनी हे अपक्षचे घोडे का दामटले ह्याचा राजकीय लाभातोट्याचा विचार केला तरीही हा कोठेतरी भारतीयांना अतिप्रिय अशा बिगरराजकीय मुखवट्याची गरज भासविण्याचा फसलेला प्रयोग दिसतो आहे.
(३) इ... इ.. इ.

(स्वमताधिकारी) एकलव्य