भारतातील जनमानसातील समृद्धीच्या चुकीच्या कल्पना, खाण्याच्या अयोग्य सवयी, नियमित व्यायामाबाबत जात्याच आळशी वृत्ती व भारतीयांचा जनुकीय दोष यामुळे मधुमेहाची सर्वात मोठी बाजारपेठ भारत होत आहे.
स्टीव्हिया हा नक्की काय प्रकार आहे? कॅलरी फ्री शुगर पेक्षा हा प्रकार वेगळा कसा?

कोरफड, शतावरी, ब्राम्ही, सफेद मुसळी यांच्या लागवडीतून लक्षाधीश व्हा अशा जाहिराती अद्यापही मराठी वर्तमानपत्रांत दिसतात. यांतून एकरी दोन लाख-तीन लाख रुपये उत्पन्न मिळवलेल्या शेतकर्‍यांच्या मुलाखती, हसरे फोटो वगैरे सगळे असते. फक्त अशा एका यशस्वी शेतकर्‍यामागे किती अयशस्वी प्रयोग झाले ही आकडेवारी नसते.
स्टिव्हियाची नक्की बाजारपेठ कुठे आहे याविषयी एकमत नाही. स्टिव्हियाच्या अर्काला जपानमध्ये मागणी आहे ही ऐकीव बातमी. भारतातील मधुमेह्यांची सध्याची आणि भविष्यातील संख्या लक्षात घेता भारतात पुरेल इतकेही स्टीव्हियाचे उत्पादन घेणे शक्य होणार नाही.पण ही सर्व बाजारपेठ अनऑर्गनाईज्ड् सेक्टरमध्ये आहे. आज बाजारात उपलब्ध असलेल्या पर्यायांशी (सॅकरीन, अस्पार्मेट, शुगर अल्कोहोल) स्पर्धा करण्यासाठी स्टीव्हियाचा विचार करायचा झाला तर त्यासाठी कुठलेही ठोस धोरण नजरेसमोर नाही.
मला कुणावरही टीका करायची नाही. अशा बातम्या वाचून भारावून जाऊन लोकांना रातोरात लक्षाधीश होण्याची स्वप्ने पडू लागतात. ते तितके सोपे नसते हे कळावे म्हणून हा प्रतिसाद. आयुष्यात स्टीव्हियाचे पीक घ्यायचे, स्टीव्हिया पावडर, अर्क एक्स्पोर्ट करायचा आणि लखपती व्हायचे असे माझ्या एका विद्यार्थ्याचे ( बी.एस्.सी.,एम.बी.ए.) स्वप्न होते. त्याने त्यात तीन वर्षे घालवली. आता तो एका सरकारी खात्यात नोकरी करतो.
सन्जोप राव

एक कप कॉफी प्यायल्याने साधारण ५-१०अंकांनी(नेमका शब्द आठवत नाही) उच्च रक्तदाब(सिस्टॉलिक) वाढतो असे वाचनात आले होते. तेव्हा कॉफी देखिल जरा जपूनच प्या. थोडक्यात म्हणजे 'अती सर्वत्र वर्जयेत'! हे एक जरी नियमितपणे पाळलेत तर काहीही खायला हरकत नसावी. उठसुठ कॅलरी कॉन्शस राहाणेही चांगले नाही.त्याच बरोबरीने व्यायामाच्या बाबतीत नियमितपणा असू द्या.

बाकी प्रभाकर साबळे ह्यांचे अभिनंदन! त्यांचे हे उत्पादन जागतिक पातळीवर पोचवण्यासाठी त्यांनी गुंडोपंतांचा सल्ला जरूर घ्यावा.
ही माहिती इथे दिल्याबद्दल शिल्पाजींचे अभिनंदन!

चर्चा माहितीपूर्ण वाटते आहे. आणि मुख्य म्हणजे प्रथमच शिल्पाताईंच्या लेखात कुठेही दारुचे गुत्ते बंद पाडल्याचा उल्लेख नाही हे पाहून जरा चुकल्याचुकल्यासारखे वाटले! :)

साबळेशेठचे अभिनंदन, परंतु रावशेठचा प्रतिसादही मला महत्वाचा वाटतो!

असो, सुदैवाने अजूनपर्यंत तरी आम्हाला मधुमिया नाही. गेला दिवस आपला असं म्हणून भरपूर एन्जॉय करायचा,काय चाहेल ते खायचंप्यायचं, उद्याचं माहीत नाही!

असो. शिल्पाताईंचे आभार..

तात्या.

संत तात्याबा सध्या हा माहितीपूर्ण लेख वाचत आहेत!

स्टिव्हियाबद्दल माहिती करुन दिल्याबद्दल आभार. याबद्दल अधिक संशोधन होणे आवश्यक.
आमच्या मालकीची शेती नाही, आणि बहुधा कधी विकत घेताही येणार नाही, पण 'जरबेरा लावून फायदा कमावणे', 'स्ट्रॉबेरी ला. फा. क. , 'करंज्या(बायोडिझेल इ.) ला. फा. क.','ऑर्किड/कार्नेशिया ला. फा. क.' अशी स्वप्ने आम्ही कधीकधी पाहात असतो. त्यात आता 'स्टिव्हिया ला. फा. क.' ची भर पडली आहे.
नीट ज्ञान मिळवून पावले उचलली आणि थोडी लागवड करत करत जास्त असे केले तर स्वप्ने तुटणारही नाहीत आणि मोजून मापून जोखीम(कॅलक्युलेटेड रिस्क) घेता येईल असे वाटते.