बारबालांसाठी वेगळ्या वसाहती असाव्यात व त्यांवर तसे निर्देशित केलेले असावे.

अहो, कोणाकोणासाठी वेगळ्या वसाहती करायच्या? अभ्यंकरांच्या गोष्टीत येणार्‍या बोटीवरील नवर्‍यांच्या बायका, ती मराठी अभिनेत्री आणि अशा अनेक स्त्रियांच्या वेगळ्या वसाहती कराव्या, यांना व्यवसायाला लावणारे बारमालक, त्यांच्याकडे जाणारी गिर्‍हाईके यांच्याही वेगळ्या वसाहती कराव्यात. काय म्हणता?

-राजीव.

तात्या

तुझ्या अनुभवावर आधारित लेख वाचायला आवडेल.

विनायक

आत्तापर्यंत, राजीव८२ यांचा प्रतिसाद वगळल्यास लेखांतील मुद्द्यांवर एकही प्रतिसाद नाही.

प्रश्न वाचून खालील विचार मनात आले.
१. भारतीय नागरिकांना भारतात कुठेही राहण्याचा, व्यवसाय (कायदेशीर) करण्याचा अधिकार आहे.
२. जात, धर्म, व्यवसाय या आधारावर एखाद्याला राहण्याची जागा (घरापुरती नव्हे, एका वस्तीत) नाकारणे असंवेधानिक वाटते.
३. बारबाला असणे किंवा पूर्वाश्रमीची बारबाला असणे गुन्हा आहे काय?
४. गुन्हा असलेल्यास दहशतवाद्यांना घर भाड्याने देता येत असेल तर बारबालांना देता येऊ नये काय?
५. आर्थिक गुन्हेगारांना, शिक्षा भोगून आलेल्या गुन्हेगारांना आपण अशी वागणूक देतो का?
६. इतर गैरव्यवहारांच्या अमिषाचे काय?
७. सभ्य वस्ती म्हणजे नक्की काय? उच्चभ्रू वस्ती सभ्य असते का? असल्यास अशा वस्तीतील लाडल्यांचे प्रताप सभ्य म्हणवता येतात काय? नसल्यास किती प्रकरणात 'वसाहतीतील संगत' कारणीभूत असते?
८. सभ्य वस्तीतील तरुणाईचा वावर, पोषाख, विचारधारा अशा संपर्काविना किती शुद्ध आहेत? कॉलेजातील संगतीचे काय?

अशी घरे नाकारण्याचा हक्क घरमालकाला आहे. (भाड्याने दिलेल्या घरातून हुसकावायचा मात्र नाही :) त्यासाठी खास कलमेच लागू आहेत. काम दिसते तितके सोपे नाही..). फारतर सोसायटीला आहे. शिवसेनेला नाही.

कोर्डेसाहेब्,

बारबाला जर देहविक्रय् राहत्या जागेत करत् असतील् तर् त्यांना वेगळ्या जागी राहायला जाणे बंधनकारक् असावे. ज्या जागी वेश्यांचा वावर् वाढतो; म्हणजे जिथे त्या गिर्‍हाईके शोधण्यासाठी फिरतात् तिथे देहविक्रय न करणार्‍या स्त्रियांना वा वेश्यांगमन न करणार्‍या पुरूषांना किती त्रास सहन् करावा लागतो याची कल्पना केवळ तिथल्या रहिवासींनाच येउ शकते. आज अनेक् ठिकाणे अशी आहेत् जिथे संध्याकळनंतर बायका-मुलींना जर कोणाची वाट् पाहत थांबायचे असेल् तर ते अयक्य ठरते.

त्याचप्रमाणे अमुक् एक इमारतीत देहविक्रय चालतो हे समजलयावर इच्छुक् लोक् देहविक्रेती व्यतिरीक्त इतर सर्व दरवाजे ठोठावण्याची शक्यता असते. या इमारतीतून् बाहेर पडणार्‍या कोणत्याही स्त्रीला वेश्या समजून 'येतेस् का' असे विचारले जाणे अनेक ठिकाणी घडले आहे. चर्चबट स्थानकाबाहेर बस थांब्यावर संध्याकाळी उशीरा बस ची वाट पाहत् असलेल्या अनेक् स्त्रियांना अशा मानहानीला सामोरे जावे लागले आहे.

मात्र जर एखादी बारबाला एखाद्या इमारतीत सर्वसामान्य रहिवाशांसारखीच् राहत् असेल, ती जर त्या जागेचा वापर् कोणत्याही प्रकारे जर देहविक्रयासाठी करत नसेल, आपल्या गिर्‍हाईकांना तिथे आणत् नसेल्, तिच्या जागेत् कसलाही धिंगाणा घालत् नसेल्, वा इमारतीतील इतर मुलिंना आपल्या व्यवसायात खेचायचा प्रयत्न करत् नसेल तर तिला तिथे राहण्यास विरोध करायचे कारण् नाही. जो पर्यंत ती बारबाला त्या जागेत अन्य रहिवासींपमाणेच राहते आहे, तो पर्यंत जरी ती बारबाला असली त्या जागी ती केवळ् एक् रहिवासी असते. तरुण् मुलांना वेश्यागनमन करण्यासाठी वा दारु पिण्यासाठी शेजारी बारबाला राहणे आवश्यक नाही. निदान बोभाटा होइल या भितीने ती तरुण् मुले त्या बारबालेशी कसलाही संपर्क ठेवणार नाहीत. बाकी बाहेर त्यांना जे करायचे ते करतीलच, भले इमारतीत सर्वच्या सर्व सज्जन् कुटुंबे राहत् असोत्.