जाती आणि धर्म यांच्या संदर्भाने असणारे प्रक्षोभक धागे उपक्रमावर असावेत काय? हे स्थळ माहितीपूर्ण लेखनासाठी आहे असा आमचा समज आहे. त्याचा वापर जर चुकीचा होत असेल तर ते योग्य नाही.

सरकारांचे महत्व वादातीत आहे. पण म्हणून त्यांच्या तपशिलात चुका नाहीत असे आजिबात नाही. आणि कर्वे-आंबेडकर वगैरेंच्या लायनीत हरी नरके यांना बसवल्याचे पाहून सखेद आश्चर्य वाटले. चालू द्या.

<इथे थोर इतिहासकार जदुनाथ सरकार यांच्याबद्दल जाणून बुजून खोटी माहिती दिलेली पाहून वाईट वाटले.>

'इथे' म्हणजे कोठे? संदर्भ कळला तर बरे वाटेल आणि कही साधकबाधक लिहिताहि येईल

<खरे म्हणजे सर सरकार आपले म्हणणे नेहमी पुराव्यानिशीच मांडतात.>

ह्यावर एक सूचना. इंग्रजी पद्धतीनुसार 'सर जदुनाथ सरकार' हे योग्य आहे अथवा 'सर जदुनाथ' हे योग्य आहे. मात्र 'सर सरकार' हे पूर्ण चुकीचे आहे. It is either 'Sir Winston' or 'Sir Winston Churchill' but never 'Sir Churchill'. हे मी Fowler's Oxford English Usage येथे बरेच पूर्वी वाचले होते. ह्या खेरीज पहा http://en.wikipedia.org/wiki/Sir.

या भट मंडळीना तर केवळ आपल्या वैदिक धर्माची पडलेली असते. त्यामधूनच काही विकृत इतिहासकार जन्माला घातले गेले आहेत.

अनावश्यक धागा आणि वाक्ये. असे लेख नाही टाकले तर बरे होईल.

उपक्रमवर आपले स्वागत. लेख म्हणून लिहिण्यास येथे किमान शब्दमर्यादा नसली तरी इथे लिहित असलेल्या लेखांपेक्षा मोठे लेख अपेक्षित आहेत (वाचक म्हणून.).

जदूनाथांचा शिवाजी या लेखावर आपली ही प्रतिक्रिया आली होती. त्याचा स्वतंत्र धागा करण्यात आलेला दिसतो.

पहिल्यांदा हा एक जुना लेख तुम्ही डोळ्याखालून घातला आणि त्यावर प्रतिक्रिया दिलीत याबद्दल आभार.

आपल्या लेखाची सुरुवात इथे थोर इतिहासकार जदुनाथ सरकार यांच्याबद्दल जाणून बुजून खोटी माहिती दिलेली पाहून वाईट वाटले अशी झाली आहे. यातील 'इथे' शब्दाचा अर्थ मी त्या लेखासंबंधी घेतो. माझ्या लेखात आणि त्यावर आलेल्या प्रतिसादात नेमकी कुठली माहिती आपणास खटकली हे दिले असते तर बरे झाले असते. एकतर त्यावर कुणास प्रतिवाद करता आला असता किंवा झाली चूक सुधारता आली असती.

जदूनाथांचे कुठलेही पुस्तक हा लेख लिहिण्यापूर्वी मी वाचले नव्हते. त्यांच्या या पुस्तकाबद्दल सेतुमाधव्रराव पगडी यांनी लिहिलेले (बहुदा श्र्रीमान योगीच्या प्रस्तावनेत) वाचले होते. पण त्याशिवाय त्याबद्दल एकंदरित टीकात्मक उल्लेख जास्त वेळा यायचे. पुस्तक वाचल्यावर त्यातील भावणारा भाग मला इतरांना सांगावासा वाटला.

महाराष्ट्राबाहेरच्या इतिहासकाराने हे चरित्र लिहिले असल्याने या चरित्रात काही मोकळेपणा आला आहे. या मोकळेपणातून आलेले काही कयास आजही सर्व जातींच्या मराठी इतिहासकारांना (जातीचा उल्लेख आपण केल्याने मी असे म्हणतो.) बहुदा पचनी पडणारा नसावा. जदुनाथांचे शिवाजी निरक्षर असण्याचे विवेचन, आग्र्यातील मुत्सद्देगिरीबद्दलचे लिखाण, सूरत मधील लुटीची हकिकत इत्यादी मुद्दे खटकणारे असू शकतात.

आपल्यामते जदूनाथ हे थोर इतिहासकार होते. असा अन्वयार्थ आपल्या लेखावरून मी लावला. आपणास त्यांचे म्हणणे एकंदरित पटते असा त्याचा अर्थ धरतो. शिवराज्याभिषेकाबद्दल त्यांनी जे लिहिले आहे त्यात फारशी 'तत्कालीन भट' मंडळींची निंदा आढळली नाही. (आपणास काही नेमके मांडायचे असल्यास त्यावर लिहावे.). या राज्याभिषेकानंतर दुसर्‍या गटाने अजून एक राज्याभिषेक करविला असा उल्लेख वाचल्याचे आठवते. यासर्वांवर जदुनाथांच्या या पुस्तकाच्या पुराव्यानुसार आपल्याकडून लेखन यावे अशी मी अपेक्षा करतो.

प्रमोद