तसा में भा ज पा चा मतदार. पण गेले काही वर्ष ह्या लोकांची डोकी फिरली आहेत असे स्पष्ट मत झाले आहे. हे संघचालक आणि भाजपाचे कोणीतरी अजून कसे विदुषकी बोलले नाहीत हा माझ्या मनात विचार आलाच होता. म्हणजे आधी कोंग्रेस वाल्यांनी मुक्ताफळे उधळली आणि त्यावर कडी साक्षात सरसंघचालकांची केली म्हटल्यावर धन्य जाहलो . ह्या सगळ्या धेंडांना आता घरी बसवायची वेळ आली आहे. ५८/६० व्या वर्षी शासकीय कर्मचारी निवृत्त होतात तसेच ह्या सगळ्या लोकांना ५८-६० व्या वर्षी संसदीय घटने मधून घरी बसवायची सोये करावी बुवा. बाकी संघचालकांना कोण घरी पाठवणार हा प्रश्नच आहे.

द्रौपदीवर बलात्कार झाला नव्हता (नाही म्हणून केस विक होत नाही) पण जनता इतकी बिथरली आहे की बलात्कार्‍यांचा गुणगौरव करू लागली आहे.

फेबुवर मी एक कविता टैप काहीतरी वाचलं त्यात "रावण आमचा भाऊ हवा कारण त्याने आपल्या बहिणीच्या अपमानाचा बदला घेतला पण परस्त्रीला भ्रष्ट केले नाही" असे गुणगान होते.

म्हणजे यांना रावणाचे पूर्वी आपल्या सुनेवर केलेल्या बलात्कारामुळे (शापातून) केमिकल कॅस्ट्रेशन झाले होते आणि तो परस्त्रीला हात लावू शकत होता हेच माहित नाही.

किंवा, आधी आपापल्या भावांनी केमिकल कॅस्ट्रेशन करून नपुंसक व्हावे अशी काहीशी इच्छा असावी... नेमके कळले नाही. असो.

बलात्काराच्या बातम्या, चर्चा आणि त्यावर राजकारण्यांची मुक्ताफळे यांचा आता वीट आलाय. एका घटनेचा राजकिय स्वार्थासाठी किती वापर होतो याचे एक उत्तम उदाहरण. पक्ष संघटना कोणतीही असो, काही प्रश्न पडतात ते असे.

1. एका किळसवाण्या प्रकारे झालेल्या घटने बद्दल लोकांच्या प्रतिक्रिया आणि राग एवढा आहे हे सरकारला पहिल्यांदा कळले का?
2. हेच लोकं महिला विधेयकासाठी, लोकपाल इत्यादी कायद्यांसाठी का चिडत नाहीत? त्यावेळी गप्प का बसतात?
3. मान्य घटना भयानक आहे, पण महत्व कशाला जास्त द्यावे? बलात्काराठीच्या कायद्याला की अतिरेकी हल्ल्यांमध्ये मरणार्‍या निरपराध लोकांच्या सुद्धा सुरक्षेला? तिथे फक्त पुरुषच मरतात का? तिथे ही महिला असुरक्षित नाहीत का?
4. स्त्रियांना जेंव्हा स्वतःच्या शिलाची भिती वाटली तेंव्हा हि चिड समोर आली का? (मी कोणत्याही गोष्टीला कमी लेखत नाहीये. फक्त एकच मुद्दा अधोरेखीत करायचा आहे.) की जेंव्हा भिती प्रत्येकाच्या कल्पने बाहेर जाऊन असुरक्षित वाटते तेंव्हा नागरीक जागा होणार आहे?
5. मोठ्या आणि छोट्या पडद्यावर उघड उघड चाळवल्या जाणार्‍या भावना पाहून उघडपणे व्यक्त न होण्याचा हा एक परिणाम आहे का?
6. एक स्त्री शिकली की घर शिकते म्हणतात. आज सुद्धा चांगला, सुशिक्षीय आणि सुसंस्कारीत समाज घडवण्याचे कार्य एका स्त्री पासून सुरु होऊ शकते हे आपण मान्य करावे काय?
7. बलात्कार आणि तत्सम घटनांचा विदा घेतल्यास काय निरिक्षणे येतील? या घटनेने प्रत्येकाचा भारताच्या म्हणजेच स्वतःच्या संस्कृती बद्दलचा बुरखा फाटला आहे का? आणि त्याचा त्रास जास्त होतो आहे का?
8. वर काही लोकांची नावे दिली आहेत ज्यांनी अक्कल पाजळली आहे. पण त्याच सोबत मिडीया स्कोअर सेटल करायचे काम करते आहे का?
9. "त्या" मुलीच्या अंत्यसंस्काराला सोनिया, मन-मोहन यांच्या उपस्थितीची खरच गरज होती का? त्याची प्रसिद्धी मिडियामधून का केली गेला?
10. ज्याच्याकडे आजचा युवकांचा नेता आणि उद्याचा पंतप्रधान म्हणून पाहिले जाते, ते राहूल गांधी अशा प्रत्येक प्रकरणात गप्प का असतात? त्यांना या बद्दल काही मत नाही का? कि ते व्यक्त करायला घाबरतात?
11. या घटनांना कायद्याची गरज जास्त आहे की समाज शिक्षणाची?

भागवत महोदयांनी पुन्हा तोंड वाजवून अजून मुक्ताफळे उधळली. ह्यांना आता नारळ द्यावा महावास्त्र देवून सत्कार करून वान्प्रस्थाश्रामाला पातःवा बुवा. असे केल्याने कदाचित अर्थात काही लोकांचे किंबहुना मीडीया वाल्यांचे जरा नुकसानच होएईल हो. ह्यांना अशी विनोदी आणि हमखास टी.आर. पी वाढवून देणारी लोक कशी मिळतील मग.

http://ibnlive.in.com/news/women-should-be-just-a-housewife-and-men-an-e...

अशी मुक्ताफळे येतील आणि लवकरच बायकांनी घराबाहेर पडू नका अशी सुचवण झाली तर आश्चर्य नाहीच. ब्लॉगवर एक तुकडा लिहिला होता तो येथे देते.

-------------

"मुलींनी रात्री आठनंतर घराबाहेर पडू नये."

"बरोबर आहे. ही सावधगिरीची सूचना आहे. मुंबई किंवा शिकागो-न्यूयॉर्कच्या वाईट भागांत पुरुषांनीही रात्री बेरात्री एकटे दुकटे फिरू नये. जर कायदा रक्षण करू शकत नसेल तर आपण सुरक्षेचे सर्व उपाय अवलंबवायला हवेत."

“हो पण एखाद्या कुप्रसिद्ध एरियात न जाणे आणि राजरोस सर्वत्रच आठनंतर बाहेर न पडण्याची सक्ती येणे यांत काहीतरी फरक आहे ना.”

“असला तरी सावधगिरी बाळगण्यात काही चूक आहे का?”

"खरंय पण मला कॉल सेंटरमध्ये नाइट ड्यूटी असते."

"मग दुसरा जॉब बघ."

"पण माझी मैत्रिण डॉक्टर आहे. तिलाही नाइट शिफ्ट्स असतात."

"हॉस्पिटलने त्यांची रात्री राहण्याची सोय करावी. ते शक्य नसल्यास तिनेही हा जॉब करू नये. सुरक्षितता नाही ना तिथे."

"पण माझी तिसरी मैत्रिण पत्रकार आहे. तिलाही रात्री बेरात्री न्यूज कवर कराव्या लागतात."

"मला वाटतं या परिस्थितीत तिने या जॉबला तिलांजली द्यावी किंवा रात्रीबेरात्री ज्या न्यूज कवर कराव्या लागतात त्यांची जबाबदारी घेऊ नये."

“म्हणजे?”

“पाककृती, फ्याशन, मुलांचे संगोपन, मुलाखती, अनाथाश्रम-वृद्धाश्रमांना भेटी असे विषय तिला कवर करता येतीलच की.”

"पण माझ्या आणखीही मैत्रिणी आहेत. काही आयटीत आहेत. त्याही रात्री बेरात्री प्रोजेक्ट्ची डेडलाईन पूर्ण करतात, एक सिरिअल्समध्ये कामं करते. तिचीही शूटींग्ज दिवसात उशीरा असतात आणि एक तर आयपीएस आहे."

"हो हो पण मी म्हणालो ना आधी की या परिस्थितीत रात्री आठनंतर घराबाहेर पडणे योग्य नाही. मध्यंतरी महिला कॉन्स्टेबल्स सोबत काय झाले होते ते विसरलीस का? स्त्रिया या देशात सुरक्षित नाहीत ही सत्य परिस्थिती आहे. आपण परिस्थिती बदलू शकत नाही तेव्हा काळजी घेतलेली बरी एवढेच मला म्हणायचे आहे."

"म्हणजे रात्री आठनंतर लांडगे रस्त्यांवर फिरतात असे समजायचे?"

" दुर्दैवाने तशी परिस्थिती निर्माण झालीये खरी."

"पण मग आता रात्री आठनंतर बायका दिसत नाही म्हटल्यावर लांडगे संध्याकाळी सहालाच सावज शोधायला बाहेर पडले तर? जंगली श्वापदे नाही का... त्यांचे नैसर्गिक अन्न कमी झाले की रानाबाहेर पडून इतरांवर हल्ले करत... तसेच."

"हम्म! माहित नाही बुवा. मध्ययुगीन पडदापद्धती कशी वाटते? नाही सुरक्षिततेसाठी अशा पर्यायांचाही विचार करून ठेवू सध्या."
“असे असेल तर स्त्रीभ्रूणहत्येचा मार्गच काय वाईट आहे? सशा आणि लांडग्यांच्या दुनियेत बायांनी जन्मच तरी का घ्यावा?”

---------------------------------------

आम्ही सर्व काळजीपोटीच सांगतो आहे म्हणणारे कोठे जाऊन थांबणार कळत नाही. असो.

पुरूषी नजरेतून सुशिक्षित स्त्री
* अती विद्येने स्त्रिया व्यभिचारी होतील
* स्त्रियांस सोङचिठ्ठी द्यावयाची असेल तरच स्त्री शिक्षणाविषयी अनुमोदन करावे.
* अनेक स्त्रिया करण्याची पुरूषांना आज मोकऴीक आहे. आपल्या हातून कदाचित परद्वारी गमन होते. स्त्रिया शिकल्या की त्या प्रश्न करतील “आम्हांला मोकळीक का नसावी ”
* स्त्रियांस शिकवून भाक-या भाजाव्या काय ?
* स्त्रिया विद्वान झाल्यातर भ्रतार, आप्तपुरूष, वङील माणसे त्यांचा वचक बाळगणार नाहीत.
* स्वंयवर, पुर्नविवाह, पुरषासारखे अधिकार मागणे याकरिता स्त्री बंड करेल.
* बायका शिकू लागल्या तर त्यांचे नवरे मरतात.
* बायकांना शाळेत पाठवले तर पुरुषांच्या दर्शनाने भीड मर्यादा राहणार नाही
* शाळेमध्ये कलावंतीण/हीन जातीच्या संसर्गाने पवित्रता व सदाचार जाईल.

स्त्रियांना शिक्षण देऊ नये यासाठी अट्टाहास करणारे वर उल्लेख केलेले मुद्दे ‘ज्ञान प्रसारक‘ या मराठी मासिकाच्या जानेवारी 1852 च्या अंकात प्रसिद्ध झाले होते. यावरुन स्त्रियाबद्दल, स्त्री शिक्षणाबद्दल त्याकाळी व्यक्त होत असलेली घृणा, तिरस्कार यांचा अंदाज येईल. गेल्या दीडशे वर्षात पुलाखालून भरपूर पाणी वाहून गेले आहे. टोकाच्या मतांची धार बोथटली आहे. परंतु पुरुषी मनाच्या कोप-यात यातील अनेक अवशेष अजूनही शिल्लक आहेत. याचा प्रत्यय प्रसार माध्यमाद्वारे आपल्याला पदोपदी येत असतो. पारंपरीक पुरषांना स्त्रीची सतत लाजरी, बुजरी, संकोची, वर मान करुन न बोलणारी अशीच प्रतिमा आवडते. सुशिक्षित, जागृत स्त्री मात्र त्या प्रतिमेला धक्का देत असते. पुरुषांच्या जगात स्त्रीचे नेमके काय स्थान आहे? याविषयी मोठ्या प्रमाणात अभ्यास होत असून वर्तनशास्त्राच्या संशोधकांनी याविषयीच्या अनेक मिथकांचा भांङाफोड केला आहे.

अधिक माहितीसाठी

किटी पार्टी नावाचा एक विरंगुळ्याचा प्रकार असतो ज्याची व्याख्या अशी सांगतात "अनेकांनी एकत्र येवून जे उपस्थित नाहीत त्यांची टिंगल, ती पण थिल्लर स्वरूपाची, करणे". यातून काही निष्पन्न होत नसते, जसे - काही वैचारिक मंथन वगैरे काहीही होत नसते. निव्वळ औट घटकेची मौज - बघा तो/ती कसा/कशी मूर्ख आहे - एवढेच या टिंगलीचे raison de etre (असण्याचे कारण) असते. या व्याख्ये प्रमाणे या धाग्याचा मथळा "किटी पार्टी" अधिक योग्य होता.

राजकारणी अनेकदा मूर्खा सारखे बोलतात यात नवीन काहीच नाही. "आठच्या आत घरात" हे अव्यव्हार्य आहे हे तर आपल्याला सगळ्यांना माहीत आहेच, पण त्या कोण्या ब्लोग लेखकाला हे ही लक्षात आलॆलॆ दिसत नाही कि बलात्कार रात्री आठच्या नंतरच होतात असे ही नाही. तर, असली मुक्ताफळे कोणी उधळण्याची चूक केली व आपण ती उगाळण्याची चूक करीत आहोत. ('ध' चा 'गा' केला :-)

दिल्लीच्या घटने नंतर जेंव्हा पोलिसांवर टीका होत होती तेंव्हा दिल्ली पोलिस आयुक्त यांनी असे म्हंटले कि ९५% बलात्कार हे ओळखीच्या व अनेकदा तर घरच्या व्यक्तींकडून होत असतात. मला माहीत नाही हे खरे आहे का, पण या वक्तव्याला अजून कोणीही challenge केलेले माझ्या वाचनात आले नाही, तेंव्हा खरे असावे. तसे असेल तर परिस्थिती फारच भयानक आहे. सुरक्षा यंत्रणेत जे काही बदल सुचविले जात आहेत - रात्रीच्या बस मध्ये होम गार्ड, यत्र तत्र सर्वत्र CCTV , वाहनांच्या काळ्या काचा काढून टाकणे, बस चालक, कंडक्टर यांची पोलिस तपासणी, वगैरे - हे सर्व उपाय फक्त ५% बलात्कार रोखू शकतात. बाकी ९५% चे काय?

तेंव्हा, राजकारण्यांची / ब्लोग्यांची टिंगल करणे सोडून काही अशी चर्चा व्हावी, ज्याने बलात्कार थांबले नाहीत तरी किमान आपले प्रबोधन काही वैचारिक मंथन तरी होईल.

हा खरच चांगला लेख आहे. पण गम्मत अशी आहे की असा एखादाच लेख येतो आहे. सगळे फक्त कायदा कडक करा ह्याच्याच मागे आहेत. पण मुदलात कितीही कायदे केले तरी शरीराचे काय करायचे आणि असलेल्या कायदे कोण राबवणार. मुळात ह्याला काहीही सोपे उत्तर आणि एकच उत्तर मिळेल असे मला वाटत नाही. पण सध्या सगळ्यांनाच आणि जास्त करून मिडियावाले ह्यांनी सर्व चर्चा ह्या फक्त टी.आर.पी साठीच केल्याने कोणीच खोलात जात नाहीये. मला दुसरी गम्मत कळत नाही चर्चा करणारे ज्येष्ठ आणि स्वतःला शहाणे समजणारे लोक चर्चेचेत हे मुद्दे का मांडत नाहीत? ह्यांना कोणी रोखले आहे.

एका संकुचित विषयावर व्यापक स्वरुपाची चर्चा केल्याबद्दल उपक्रमींचे हार्दिक आभार. थोडासा वेगळा विषय चर्चेला घेतला आहे कृपया मते कळवा.

http://mr.upakram.org/node/3922