उपक्रमला ड्रुपलच्या सुधारीत आवृत्तीवर नेण्याचे काम सुरू आहे. त्यात होणार्‍या प्रगतीविषयी या धाग्यावर वेळोवेळी माहिती दिली जाईल.

उत्तम. प्रकल्प यशस्वी होवो.

सदस्यांचे सध्या असलेले व्यक्तिगत निरोप नव्या आवृत्तीत नेता येणार नाहीत, त्यामुळे सर्व सदस्यांना विनंती आहे की त्यांनी आपले महत्त्वाचे निरोप साठवून ठेवावेत.

खरडवह्यांचे कसे? त्यातील मजकूर मायग्रेट होणार का की त्याही साफ होणार? निरोपांपेक्षा खरडवह्यांतून दुवे वगैरे दिलेले अधिक असतात.

सदस्यांचे सध्या असलेले व्यक्तिगत निरोप नव्या आवृत्तीत नेता येणार नाहीत, त्यामुळे सर्व सदस्यांना विनंती आहे की त्यांनी आपले महत्त्वाचे निरोप साठवून ठेवावेत.

निरोप साठवून ठेवण्यासाठीची मुदत कळेल का?

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

बॅक अप्प कसा घ्यायचा?
काही उपाय आहेत का?
आपल्या इ मेल ला फॉर्वर्ड करता येतात का? असल्यास कसे?

-निनाद

बदलांसाठी सदिच्छा !!

निरोप नव्या सिस्टिममध्ये नेता येणार नाहीत हा धोरणात्मक निर्णय आहे का? कारण तशी तांत्रिक अडचण नसावी असे शेजारच्या संस्थळांच्या इतिहासावरून वाटते.

असो. धोरणात्मक निर्णय असेल किंवा नसेल तरी तर निदान आठवड्याची मुदत द्यावी अशी विनंती.

नितिन थत्ते

दम खा की जरा.
सध्या अतिव्यस्त आहे. विरोपांचा ब्याकप घेणेही दोनेक दिवसात जमेलच असे नाही.
जरा सबुरीनं घ्या की राव.

--मनोबा

उपक्रमाला ड्रुपलच्या सुधारीत आवृत्तीवर नेण्याच्या निर्णयाबद्दल संबंधितांचे अभिनंदन.
हे कार्य सुलभतेने होवो ही सदिच्छा.

व्यक्तिगत निरोप नव्या आवृत्तीत नेण्यात असणार्‍या तांत्रिक अडचणींवर काही उपाय करता येईल का याची चाचपणी सुरू आहे. जर ते शक्य झाले नाही तर व्यक्तिगत निरोप साठवण्यासाठी पुरेशी पूर्वसूचना दिली जाईल; सदस्यांनी काळजी करू नये.

खरडवह्या नव्या आवृत्तीवर नेण्यात काही अडचण दिसत नाही आहे.

प्रस्तावित बदलासाठी शुभेच्छा.

अवांतर -
कशाला हव्यात जुन्या खरडी आणि निरोप? नव्याने सुरवात करा की डावाची. :)

तांत्रिक चाचणी सुरु असल्याने व्यक्तिगत निरोप सदस्यांना तात्पुरते अनुपलब्ध राहतील याची नोंद घ्यावी. निरोप सुरक्षित आहेत आणि लवकरच पुन्हा उपलब्ध होतील.

सर्व सदस्यांना कळवण्यास आनंद होतो आहे की उपक्रम नव्या आवृत्तीवर उपलब्ध झाले आहे. पूर्वीचा सर्व मजकूर, व्यक्तिगत निरोप, खरड नोंदी इ. नव्या आवृत्तीत उपलब्ध आहे. त्याशिवाय काही नव्या सोयी-सुविधा दिलेल्या आहेत.

संकेतस्थळ बांधणीचे काम अद्याप पूर्ण झालेले नाही आणि ते येते काही दिवस सुरू राहील. सदस्यांना कमीतकमी गैरसोय होईल याची काळजी घेण्याचा आमचा प्रयत्न राहील. अडचणी, सूचना यांची कृपया या धाग्यात नोंद करावी.

या दरम्यान उपक्रमवरील लेखन सुरक्षित राहील तसेच सदस्यांना नवे लेखन (लेख, चर्चा, प्रतिसाद इत्यादी) करता येईल.

-उपक्रम व्यवस्थापन

आज मला चित्रे आणि जालीय दुवे आपल्या लेखनात टाकता आले नाहीत. प्रयत्न केल्यावर ReferenceError: insertImage not defined' असा संदेश आला. हे सध्याच्या उपक्रमला ड्रुपलच्या सुधारीत आवृत्तीवर नेण्याच्या प्रक्रियेशी संबंधित असावे असा माझा (अडाणी) तर्क आहे.

मी एक नवा लेख नुकताच टाकला तो गायब झालेला आहे. हा काय प्रकार आहे? कृपया, तपासावे.

बॅक टू टॉप टाकले ते चांगले केले. ते जरा मराठीमध्ये टाकाता येईल का?

धाग्यावर नवीन प्रतिसाद आले तर ते अनुक्रमणिकेत दिसत नाहीयेत (उदा २५ प्रतिसाद २ नवीन असे दिसत नाही).

"नवे लेखन" या दुव्यावर दिसतात. "लेख" किंवा "चर्चा" या दुव्यावर दिसत नाही.

नविन रुप छान आहे. नव्या सुविधा समजुन घेत आहे. पुर्वीचा टंक दिसत नाही. तो पुर्ववत करावा हि विनंती.

खरडवहीत लिंक देण्याची सोय करता येईल का?

प्रतिसाद 'पाठवा' ऐवजी 'save' असे इंग्रजीत दिसत आहे.

मी अनेकदा केलेल्या मागणीची दखल घेऊन वाचनखुणांची सोय दिलीत त्याबद्दल अनेक आभार!

"माझे लेखन" कसे बघावे? माझे अलिकडील लेखन मध्ये मी प्रतिक्रीया दिलेले लेखही दिसताहेत. केवळ मी लिहिलेले लेख कोठून बघावेत?

प्रतिसाद पूर्वपरीक्षणा नंतर सेव्ह चे मराठीकरण राहिले आहे.

ज्यांच्या प्रयत्नांमुळे ही सुधारीत उपक्रम आवृत्ती पहायला मिळत आहे अशा सर्वांचे आभार.
उपक्रमाचे बोधवाक्य केवळ मुख्य पानावर दिसते आहे..
"जरी उद्धरणी व्यय न तिच्या हो साचा | हा व्यर्थ भार विद्येचा|"

ते सर्वत्र (सर्व पानांवर) दिसले तर बरे वाटेल.

उपक्रमाने प्रतिसादांचा व्यू दिल्याबद्दल विशेष धन्यवाद. कधी कधी लेखांपेक्षा प्रतिसाद कोणते, कोणाचे आले हे बघणे मजेशीर असते. किंबहुना, आलेल्या प्रतिसादांवरून (त्यांच्या शीर्षक आणि लेखक) लेख वाचायचा की नाही हे ठरवले जाते.

तूर्तास, या व्यूमध्ये नवीन (न वाचलेले) प्रतिसाद दिसत नाहीत ते वेळ मिळाल्यावर करून देता येईल का? घाई नाही.

अक्षररंगांसाठीच्या पॅलेटमध्ये करड्या रंगाच्या छटा नाहीत. त्या मिळाल्या तर बरे. [सगळं जग करड्या रंगाचं असतं म्हणून ;-) ]

नविन उपक्रम फारसे आवडले नाही, फेसबूक वगैरे प्रकार तर फारच वाईट, जुळवून घेतो आहे, पण जुने बरे होते असे म्हणावे वाटते आहे निदान.

३ नविन व्यनि आले आहेत असे डावीकडचा समास दाखवत आहे, प्रत्यक्षात एकंही नवा व्यनि नाही.

अ‍ॅ चा प्रश्नही सुटला आहे.

काही कारणांस्तव प्रतिसादांचा व्ह्यू रिफ्रेश होत नाहीसे दिसते. काही प्रतिसाद तेथे दिसतात तर काही दिसतच नाहीत. काहीतरी घोळ आहे.