जरा थंड घ्या हो ;) ईशकणाशी सिमिलर असा कण सापडला आहे, पण ५ सिग्मा ऐवजी ४.९ सिग्मा चे रिझल्ट्स मिळालेत. शिवाय तो प्रचंड जड् आहे, त्यामुळे नक्की हिग्सच आहे की नै ते नै कळाले. पण कैतरी मोठ्ठा माल गावलाय् हे नक्की :) आजच कळेल बहुतेक सर्वकाही.

दुष्टारी पुरता भारी | अवतरला गॉथम शहरी|
वाल्गुदेय हा निर्धारी| विदूषका जाण पां||

"असावे की नसावे" च्या शंकांतून सापडलेली नवी माहिती अभिनंदनपात्र आहे. अधिक विस्तृत माहिती लवकर पुढे येईलच. सध्या बातमी नवी आहे ती खात्रीशीर आहे की नाही हे जाणून घ्यायला थोडा अवधी हवा.

असो. मोजक्या शब्दांतील उत्तम बातमीसाठी धन्यवाद.

अवांतरः नानावटी सत्येंद्रनाथ बोसांवर लेख कधी लिहिणार?

काहींनी ह्या येऊ घातलेल्या शोधाची तुलना आइनस्टाइनच्या सापेक्षतावादाच्या सिद्धांताशी केली आहे. ह्या महाप्रयोगातून आलेला विदा वगैरे तपासायला, अभ्यासायला आणि त्यातून ठोस असा/असे निष्कर्ष काढायला थोडा वेळ जाऊ द्यायला हवा. पण ही नव्या युगाची नांदी ठरू शकते.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

सब ऍटोमिक पार्टिक्ल्सची दुनिया म्हणजे किती अतिसुक्ष्म आहे हे दाखवणारे स्केल ऑफ युनिवर्स हे एक उत्कृष्ट ऍप्लिकेशन आहे. ते पाहिल्यावर लक्षात येते किती सुक्ष्मस्तरावर हे संशोधन सुरू आहे.
(ऍप्लिकेशन ब्राउजर मधे पुर्ण लोड झाल्यावर खाली असलेला स्क्रोलबार हलवुन गंमत पाहता येते)

चला आता देव नाही असे सांगत फिरता येईल.

वरील भयंकर बौद्धिक वगैरे चर्चेतील ईशकणाइतकेही न कळाल्याने नाईलाजाने चेहरा पाडून 'पास' असे म्हणतो आहे. पण जे आपल्याला अगम्य असते ते ( उदाहरणार्थ माधव आचवल, धों.वि. देशपांडे, भालचंद्र नेमाडे यांचे समीक्षात्मक लिखाण ) बहुदा खूप दर्जेदार असते अशी खात्री असल्याने एक टाळी वाजवून पास असे म्हणतो आहे. उसके दुष्मन है बहोत, आदमी अच्छा होगा....
सन्जोप राव
हम तुझे वली समझते, जो ना वादाखार होता

प्रयोगातुन लवकरच इतर चांगले परिणाम पुढे येतील अशी आशा करतो.

:) हिग्स-बोसॉन कणांना गॉड्स् पार्टीकल म्हणण्यासारखे दुर्दैव वैज्ञानिकांसाठी दुसरे नाही.

हिग्ग्ज् बोसॉनच्या शोधामुळे क्वांटम थिअरी आणि गुरुत्वाकर्षण यांच्यात दुवा साधण्यास मदत होईल का?

नितिन थत्ते

यावर उपक्रमींचे मत जाणून घ्यायला आवडेल. :)

The tao of physics

[इमेजचा दुवा देताना त्या दुव्याच्या अखेरीस .jpg, .png, .gif ह्यापैकी एखादे एक्सटेन्शन आहे की नाही हे तपासून बघावे. ते नसल्यास इमेज दिसणार नाही. ऑल साइझेसवर क्लिक केल्यावर जे चित्र दिसले तिथून वरील दुवा मिळवला आहे. शक्य तिथे इमेजवर राइट क्लिक केल्यावर येणाऱ्या डायलॉग बॉक्समधून 'कॉपी 'इमेज यूआरेल' हा पर्याय निवडून तो दुवा वापरावा. -- संपादन मंडळ ]

मराठी असे आमुची मायबोली तिला बैसवूं वैभवाच्या शिरी |
***********************************
ईशकण
..हिग्ज-बोसोन् पार्टिकलचा शोध लागला.आता त्यावर चर्चा झडतील. भवति-न भवति होईल.विश्वनिर्मितीचा सुधारित सिद्धान्त येईल.पण विश्वनिर्मितीपूर्वी काहीच अस्तित्वात नव्हते.अवकाश(स्पेस)सुद्धा नव्हता.काळही नव्हता.हे माझ्या तर्काला पटतच नाही.ते खरे असायला हवे हे कळते. सिद्धान्ताचा शाब्दिक अर्थ समजतो.पण बुद्धीला आकलन होत नाही.माझ्या बुद्धीची झेप तेवढी जात नाही.जे बुद्धीला पटत नाही ते मानणे अप्राणिकपणाचे ठरेल.म्हणून विश्वनिर्मितीविषयी मी विचारच करत नाही. अवकाश तसेच काळ अनादि-अनंत आहे.त्या अवकाशात विश्व अनादि काळापासून अस्तित्वात असे मानतो झाले.त्यात (म्हणजे विश्वात) परिवर्तने झाली.होत आहेत.
.....आपली सूर्यमाला अडीच-तीन अब्ज वर्षांपूर्वी अस्तित्वात आली.नंतर साधारणपणे १ अब्ज वीस कोटी वर्षांपूर्वी समुद्राच्या पाण्यात एकपेशीय जीव निर्माण झाले.पुढे डार्विनच्या उत्क्रान्तिवादानुसार सजीव सृष्टी अस्तित्वात आली .हे सर्व बर्‍यापैकी समजण्यासारखे आहे.ते मला पुरेसे वाटते.आपल्या सूर्यमालेपासून किमान ४५०००अब्ज किलोमिटर अंतरापर्यंत अवकाशात काहीही नाही.पुढे नक्षत्रे,तारे आहेत.इतक्या दूर अंतरावर असलेल्या उर्वरित विश्वाविषयी मला औत्सुक्य नाही.(बुद्धीच्या आवाक्यात येत नाही तर केवळ शाब्दिक माहितीचा काय उपयोग? असे वाटते.)

आइन्स्टाइन आणि बोस ह्यांच्यामधील संबंधावरचा हा लेख न्यूयॉर्क टाइम्समध्ये कालच आला आहे आणि अतिशय वाचनीय आहे.

बोसांच्या शोधाबरोबरच इतरहि अनेक गोष्टींवर तो प्रकाश टाकतो. ब्रिटिश सत्ताधार्‍यांच्या हाताखाली काम करणे हा किती नाउमेद करणारा अनुभव असला पाहिजे, युरोपीयनांपुढे 'काला आदमी' किती दबून असे असे अशा गोष्टी आपणांसारख्या संपूर्ण स्वातन्त्र्यात वाढलेल्यांना ह्या लेखातून कळतात. त्याहि परिस्थितीत हार्डी-रामानुजनसारखे आइन्स्टाइन आणि बोस ह्यांचेहि friend-philosopher-guide अशा प्रकारचे संबंधहि लक्षात येतात.

ब्रिटिश नोकरशाहीच्या अगुणग्राही वर्तनाचा असाच एक नमुना वाचल्याचे आठवते. सी.व्ही. रामन् ह्यांना नोबेल पारितोषिक मिळाल्यावरहि त्यांना कलकत्त्यात हवे तसे काम त्यांच्या वरिष्ठांनी देऊ केले नाही आणि त्यांना कलकत्ता सोडावा लागला.