>> दरवाढीसाठी वर्षातून एकदा इ. असे निश्चित वेळापत्रक हवे का?

वर्षातून एकदा म्हणजे दरवाढ आणखी मोठी असू शकेल.

>> रुपयाचे अवमूल्यन आणि इतर जागतिक कारणे या दरवाढीस कारणीभूत आहेत की सरकारची बदलती धोरणे?

रुपयाचे अवमूल्यन हे एक कारण आहे. जागतिक बाजारातील क्रूड तेलाचे भाव हे मुख्य कारण आहे.

>> पेट्रोलसोबत कुकिंग गॅस आणि डिझेलचे दर लवकरच वाढतील असे वाटते का?

कल्पना नाही.

>> या दरवाढीची झळ मध्यमवर्गाला नाकाला फेस आणेल अशी आहे का?

नाही. नाकाला फेस वगैरे तर अतिशयोक्तीच.

>> फिस्कल डेफेसिट कमी करण्यासाठी दुसरे काही उपाय आहेत का?

कल्पना नाही. (मुळात गॅस आणि रॉकेलवरील सबसिडी एकूण जीडीपीच्या किती टक्के आहे?)

एक तुलनात्मक तक्ता.

जितक्या प्रमाणात क्रूड तेलाची (रुपयातील) किंमत वाढते तितक्या प्रमाणात पेट्रोलची किंमत वाढत नाही असे दिसते.

नितिन थत्ते

दरवाढीसाठी वर्षातून एकदा इ. असे निश्चित वेळापत्रक हवे का?
नको.

रुपयाचे अवमूल्यन आणि इतर जागतिक कारणे या दरवाढीस कारणीभूत आहेत की सरकारची बदलती धोरणे?
ह्याबाबतीत अनेक मते आहेत. ती वाचून एवढे माझ्यासारख्याला एवढेच वाटले की जागतिक कारणे, रुपयाचे अवमूल्यन आणि सरकारचे मिसमॅनेजमेंट ह्या सगळ्या गोष्टी कारणीभूत असाव्यात. भारत जगापासून इन्सुलेटेड नाही हे खरे.

पेट्रोलसोबत कुकिंग गॅस आणि डिझेलचे दर लवकरच वाढतील असे वाटते का?
श्रीमंतांच्या चार चाकींसाठी डिझेलचे दर वाढवायला हवे. कुठलेही दर वाढवताना गरीबी रेषेखाली जगणाऱ्यांचा विचार करायला हवा.

या दरवाढीची झळ मध्यमवर्गाला नाकाला फेस आणेल अशी आहे का?
थत्त्यांशी सहमत आहे. फेसबुकीय/संस्थळीय आक्रोश अजून जाऊन बघितलेला नाही. ती मजा वेगळीच. पण ही दरवाढ न केल्यास सरतेशेवटी महागाई आणखी मोठ्या प्रमाणात वाढेल असेही एक मत आहे. खरे खोटे थत्त्यांना माहीत.

फिस्कल डेफेसिट कमी करण्यासाठी दुसरे काही उपाय आहेत का?
सरकारचा खर्च कमी करायला हवा, सगळ्या सबसिड्या कमी करायला ह्व्यात असे तज्ज्ञ म्हणतात. त्यात तेलावरील सबसिडीही आली. अर्थात खरे खोटे थत्त्यांना माहीत.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

1.दरवाढीसाठी वर्षातून एकदा इ. असे निश्चित वेळापत्रक हवे का?

वर्षातून एकदा इतक्या कमीवेळाचे नाही मात्र एक ठोस फ्रिक्वेन्सी असावी. जसे आठवड्यातून दर शनिवारी, किंवा दररोज रात्री १.०० वाजता किंवा महिन्यातल्या चौथ्या शुक्रवारी इत्यादी. त्यामुळे नियोजन करणे सोपे जाईल.

2.रुपयाचे अवमूल्यन आणि इतर जागतिक कारणे या दरवाढीस कारणीभूत आहेत की सरकारची बदलती धोरणे?

हे सर्व. त्याच बरोबर पर्यायी इंधनाचा अभाव आणि अपारंपरिक उर्जास्त्रोतांच्या वापराचा आणि त्यावर आधारित आर&डी चा अभाव

3.पेट्रोलसोबत कुकिंग गॅस आणि डिझेलचे दर लवकरच वाढतील असे वाटते का?

राष्ट्रपती निवडाणूकांपर्यंत वाढणार नाहीत असे म्हणता यावे.

4.या दरवाढीची झळ मध्यमवर्गाला नाकाला फेस आणेल अशी आहे का?

शहरी मध्यमवर्गाला झळ बसेल. फेस येईल इतकी निश्चित नाही

5.फिस्कल डेफेसिट कमी करण्यासाठी दुसरे काही उपाय आहेत का?

दुसरे उपाय स्वतःहून सांगण्याइतका अभ्यास नाही.

समांतरः पेट्रोलची दरवाढ ही तुमच्या गाडिची वहनक्षमता किती (किती व्यक्ती) याच्या व्यस्त प्रमाणात असावी असे वाटते. स्कूटरर्स, रिक्षा साठी सर्वाधिक दरवाढ त्यानंतर कार वगैरे आणि सर्वात कमी दरवाढ बसेससाठी

ऋषिकेश
------------------
<<स्वाक्षरी निद्रीस्त आहे>>

>>दरवाढीसाठी वर्षातून एकदा इ. असे निश्चित वेळापत्रक हवे का?
नको, ते यदृच्छीक असावे, अनिश्चिततेमूळे काळाबाजार कमी होईल.

>>रुपयाचे अवमूल्यन आणि इतर जागतिक कारणे या दरवाढीस कारणीभूत आहेत की सरकारची बदलती धोरणे?
भारत आणि चीन फार तेल पितात म्हणून आंतरराष्ट्रीय दबावातून दर वाढले असावेत (संदर्भ - "माझी कॉन्स्पिरसी थेअरी")

>>पेट्रोलसोबत कुकिंग गॅस आणि डिझेलचे दर लवकरच वाढतील असे वाटते का?
रुपया वधारला नाही तर जास्त वाढतील अन्यथा कमी वाढतील.

>>या दरवाढीची झळ मध्यमवर्गाला नाकाला फेस आणेल अशी आहे का?
पेट्रोल दरवाढीमुळे, मध्यमवर्गीय पित असलेल्या बिअरचा फेस कमी होऊन नाकापर्यंत येणार नाही.

>>फिस्कल डेफेसिट कमी करण्यासाठी दुसरे काही उपाय आहेत का?
सरकारने निदान २% काळा पैसा(स्विस वगैर वाला) मार्केट मधे ओतावा.

1. दरवाढीसाठी वर्षातून एकदा इ. असे निश्चित वेळापत्रक हवे का?
वर्षातून एकदा शक्य वाटत नाही पण महिन्याच्या एका निश्चित तारखेला वर्षातून किमान चारवेळा तरी असे करणे शक्य आहे.
पण जे सरकार अनेक वरिष्ठांच्या जन्म तारखेची, प्रलंबित खटल्यांच्या तारखांची, घोटाळ्यातील नेमक्या रकमांची, किमान स्वताच्या अस्तित्वाची शाश्वती देऊ शकत नाही ते सरकार जनतेला इंधन दरवाढीच्या एका निश्चित तारखेचे काय वेळापत्रक देणार?

2. रुपयाचे अवमूल्यन आणि इतर जागतिक कारणे या दरवाढीस कारणीभूत आहेत की सरकारची बदलती धोरणे?
रुपयाचे अवमूल्यन मुळात एवढे जलद का होते आहे, त्याचे परिणाम कोणते ह्याबद्दल कोण सांख्यिकीय तज्ञ किंवा अर्थ तज्ञ संशोधन करीत आहेत?
कदाचित ह्या देशात तज्ञांची मते कधी विचारात घेतली जात नाहीत किंवा घेतली जात नसतील यास्तव कोणी तज्ञ उपायांबाबत ब्र काढत नसतील.
कदाचित बहुतेक तज्ञ आपल्या स्वताच्या portfolio ला वाचवण्याचा जास्त विचार करीत असतील?
(मंदीच्या काळात किती सांख्यिकी / अर्थ तज्ञांनी स्वताचा portfolio वाचविला, किमान टिकविला ह्याबद्दल माहिती मिळाली तर ज्ञानात भर पडेल)

असे कोणते जागतिक कारण उरले आहे, लहान किंवा मोठे, ज्याचा भारतावर परिणाम होत नाही, जगात कुठेही काहीही झाले कि कदाचित आपल्या इथेच जास्त प्रतिकिया उमटत असतील. आपल्या देशातील बातम्यांबद्दल विचारशून्य होणे आणि इतर देशातील बातम्यांबद्दल अतिविचारी होणे ह्याची सध्या फ्याशन आहे.

ज्या देशाला आपल्या संविधानातील किमान मूलभूत धोरणांची किमान अंबलबजावणी करण्यास साठ वर्षे गेली आणि त्यातील बहुतेक वर्षे ह्याच पक्षाचे सरकार होते ते काय आता धोरण बदलणार. (पक्षाबद्दल/सरकारबद्दल कोणताही वैयक्तिक आकस नाही)

3. पेट्रोलसोबत कुकिंग गॅस आणि डिझेलचे दर लवकरच वाढतील असे वाटते का?
डिझेलचे दर तर वाढतीलच, कुकिंग गॅसचे देखील काही दिवसात वाढतील.
काही पर्याय आहे का आपल्याला मिळेल त्या किंमतीला विकत घेतल्या शिवाय?
आपल्याकडे थोडीच लाल दिव्याची गाडी आहे जनतेच्या पैशातून डिझेल आणि कुकिंग गॅसची चैन करायला तीही विनामूल्य.

4. या दरवाढीची झळ मध्यमवर्गाला नाकाला फेस आणेल अशी आहे का?
आपल्याला सर्वांना असे का वाटते कि ह्याचा त्रास मध्यमवर्गाला होणार नाही. इथे सारे सदस्य अति श्रीमंत किंवा उच्च वर्गातील आहेत कि काय? (मंडईतील वस्तूंचे दर कुठे गेले आहेत ह्याची आपणास अजिबात कल्पना नसेल असे वाटत नाही तरी?)
साऱ्या मध्यमवर्गीयांनी सरसकट बीअर पिण्यास ती एवढी स्वस्त आहे कि काय (मला माहित नाही) कि दर वाढीने काही फरक पडणार नाही.

5. फिस्कल डेफेसिट कमी करण्यासाठी दुसरे काही उपाय आहेत का?
उपाय ढीगभर असतील आणि आहेत पण त्यांना कोण अंमलात आणणार. राष्ट्रीय काय किंवा महाराष्ट्रीय काय कोणताही पक्ष ह्यावर तटस्थ दृष्टीने विचार करणे शक्य नाही.

(विनंती - जे सुचले ते विचार करून पण स्पष्टपणे लिहिले, कोणास दुखावण्याचा हेतू नाही. धन्यवाद)

दरवाढीसाठी वर्षातून एकदा इ. असे निश्चित वेळापत्रक हवे का?
नसावे. सरप्राईजमधे मजा असते.

रुपयाचे अवमूल्यन आणि इतर जागतिक कारणे या दरवाढीस कारणीभूत आहेत की सरकारची बदलती धोरणे?
'जागतिक बाजारात तेलाच्या किंमती' असे एक कारण आम्हाला वारंवार सांगण्यात येते.
'सोनिया/मनमोहन सरकारचा मनमानी / भ्रष्टाचारी / नियोजनशून्य कारभार' असे एक दुसरे कारणही वारंवार कानी पडते.

पेट्रोलसोबत कुकिंग गॅस आणि डिझेलचे दर लवकरच वाढतील असे वाटते का?
असे वाटत नाही. पण समथिंग इज कुकिंग असे कानी आले आहे.

या दरवाढीची झळ मध्यमवर्गाला नाकाला फेस आणेल अशी आहे का?
जनरली तोंडाला फेस येतो, नाकाला फेस येण्याची फारशी उदाहरणे ऐकली नाहीत. त्यामुळे येणार नाही असे वाटते.

फिस्कल डेफेसिट कमी करण्यासाठी दुसरे काही उपाय आहेत का?
'फिस्कल डेफिसिट' शब्द अद्याप गुगल केला नाही, त्यामुळे कल्पना नाही.

मी काल ३.७२ डॉ/गॅ ने पेट्रोल (गॅस) भरले म्हणजे लिटरची किंमत झाली ९८ सेन्ट. अर्थात, तीही आम्हाला जास्त वाटते हा भाग वेगळा.

जितक्या प्रमाणात क्रूड तेलाची (रुपयातील) किंमत वाढते तितक्या प्रमाणात पेट्रोलची किंमत वाढत नाही असे दिसते.

या थत्त्यांच्या तक्त्यावरून काढलेल्या अंदाजाशी सहमत.

असो. किंमती वाढल्या की एक सोपा उपाय करावा -

• गॅस स्टेशनवर जाऊन क्रेडिट कार्ड वापरावे.
• डू यू वाँट रिसिट? या प्रश्नाचे उत्तर "नो" द्यावे.
• पेट्रोल/गॅस भरायला सुरुवात करावी आणि डोळे गच्च मिटून घ्यावे.
• खट्ट असा नोझलचा आवाज आला/ टाकी फुल्ल झाली की इथे तिथे न बघता धूम ठोकावी.

त्रास कमी होतो असा माझा अनुभव आहे. ;-) ह. घ्या.

प्रस्तावात विचारलेले प्रश्न म्हणजे 'महागाई वाढली की घराचा खर्च कसा आटोक्यात आणायचा?' असा प्रकारचा आहे.
आपले उत्पन्न वाढवत नेणे हाच उपाय लांब पल्ल्यासाठी योग्य वाटतो.

तसेच 'कच्च्या तेलाचे भाव का वाढतात?' ह्या प्रश्नाचं उत्तर मिळाल्यानंतर येथे विचारलेल्या प्रश्नाची उत्तरे देणे सोपे वाटते.

इलेक्ट्रॉनिक वस्तू ह्या गरजेच्या नाहीत तरी त्यांचे भाव जास्त असतात. श्रीमंत देशांना व तेलसाठा असणार्‍या अरब लोकांना धान्य-भाजीपाला-मांस-मच्छी-कपडालत्ता ह्या गोश्टी जास्तीत जास्त दरांत विकणं हा उपाय योग्य वाटतो. कारण तेल काय फक्त भारतच वापरतो असे नाही. तेलसाठा नसलेले इतर देश अन्नधान्य-भाजीपाला-मांस-मच्छी-कपडालत्ता निर्यात करतातच की.

अमेरिकेच्या दबावाला न जुमानता भारत इराणकडुन तेल घेत होता, पण मध्यंतरी दबाव फारंच वाढल्याने इराणकडुन तेल घेणे कमी/बंद केले आहे असे वाचले होते. अचानक झालेल्या वाढीचे ते ही एक कारण असू शकते.

शेल गॅसची मुबलकता आणि अमेरिकेत (रॉम्नी निवडुन आल्यास) होऊ घातलेला कीस्टोन पाइपलाईनचा प्रकल्प ह्यामुळे अमेरिकेची तेलाची मागणी कमी होऊन तेलाचे भाव भविष्यात उतरण्याची शक्यता आहे.