उपक्रमावर अधिक लेख व प्रतिसाद यावेत यासाठी संपादकांच्या संख्येत वाढ होणे आवश्यक आहे. म्हणजे निष्ठावंत कार्यकर्ते निर्माण होतील. त्यातही ग्यानबाची मेख अशी काहीजणांना संपादकपद चिल्लर वाटते तेथे सल्लागार मंडळ नेमावे व त्यावर अशा सदस्यांची नेमणूक करावी. एकंदर सदस्यांच्या मेडिऑक्रिटीपासून आपण वेगळे आहोत अशी भावना संपादकांना जपता येते. शिवाय शक्यतो सदस्य नेहमी संपादकांवर आरोप करत असतात. त्यामुळे संकेतस्थळाच्या अधिकारीपदावर राहूनही शिवीगाळीपासून मुक्तता होण्याचे समाधान सल्लागार मंडळातील सदस्यांना मिळते. कुटुंबातील पती व पत्नी दोघांनाही संपादकपद द्यावे भले मग त्या जोडप्यातील 'पिगी बॅक' करणार्याचे साहित्यिक वा इतर काहीही योगदान नसले तरी! - म्हणजे फ्यामिली अटॅचमेंट होते.

संपादक व सल्लागार या ओसाडगावच्या जहागिरीला कोणी विचारत नसले तरी आपण 'कमावलेले' तेवढे एकच मानाचे पद असल्याने इतर कोणी देवो न देवो पण संपादक व सल्लागार नित्यनेमाने प्रतिसादांचा रतीब घालताना दिसतात व अशा मानाच्या गणपतींकडे आशाळभूतपणे पाहणारे सदस्यही प्रतिसाद देऊ लागतात.

जमल्यास विचार व्हावा. काही संकेतस्थळांवर अशा 'आधिकारिक' धोरणामुळे अधिक ट्राफिक पाहण्यात येते असे खात्रीलायकरीत्या कळते.

नीट चर्चा करत बसण्यापे़क्षा मंडळी एकमेकांवर दुगाण्या झाडत असलेली पाहून मौज वाटली.