पांडुरंगरावांची व्यंगचित्रे आवडली. विशेषतः पाणी वाचवण्याबाबतची.

व्यंगचित्रे आवडली.

ह्यांचा प्रोफाईल बघितला असता हे गृहस्थ १-२ किंवा १०-२०नव्हे तब्बल ६२ ब्लॉग चालवतात/लिहितात /त्यांच्या व्यंगचित्रांनी रंगवतात हे बघितल्यावर आश्चर्य चकित होऊन आपोआपच तोंडात बोट जाते.

अरे बापरे! :-)

चित्रे आवडली. पाणी वाचवण्याबाबतची आणि विशेषतः तोंडात तापमापी धरलेल्या आणि उत्तर ध्रुवावरचे बर्फ वितळून सांडणार्‍या पृथ्वीचे चित्र विशेष आवडले. ह्या व्यंद्यचित्रांचे मराठीकरण कोणी केले आहे? (पांडुरंगराव कानडी आहेत असा उल्लेख लेखामध्ये असल्याने हा प्रश्न पडला.)
____________________________________
माझ्या अनुदिनी - वातकुक्कुट आणि विवस्वान

त्या सर्व व्यंगचित्रांचे मराठीकरण मी स्वतःच केले आणि श्री.पांडुरंगाराव ह्यांना त्यांच्या पूर्वपरवानगी करिता विचारणा केली आणि विशेष म्हणजे त्यांनी मी "मराठीकरण" म्हणजे नक्की काय करणार हे त्यांना निश्चित माहित नसताना देखील मला ग्रीन सिग्नल देऊन नंतर तेथे भेट दिली त्याचे कौतुक करून आपला अभिप्राय नोंदवला.एका मोठ्या कलाकाराचा मला आलेला हा एक सुंदर अनुभव.स्व प्रसिद्धी किंवा कौतुका पेक्षा निव्वळ "उपक्रम"च्या माध्यमातून फक्त ह्या ज्येष्ठ व्यंगचित्रकाराची ओळख जास्तीत जास्त मराठी वाचकां पर्यंत पोहोचावी ह्या सद्हेतूनेच हे पोस्ट मी येथे पुनर्प्रसिद्ध केले."व्यंगचित्र कला हि आजच्या काळात दुर्मिळ होत चाललेली कला आहे,आजच्या तरुणांना हि किंवा अशा प्रकारची चित्रे पाहून जर काही स्फूर्ती मिळाली तर आपल्या सारख्या वाचकांच्या चेहेऱ्यावर ह्या धकाधकीच्या जीवनात किमान स्मित रेषा उमटलेली आपल्याला नक्कीच आवडेल.. नाही का?

श्री.बी.व्ही.पांडुरंगराव यांच्याविषयी अत्यंत आदराने तसेच प्रेमाने लिहिलेला लेख वाचल्यानंतर मी एका आनंदाला केवळ वेळ नाही म्हणून कसा मुकलो याची तीव्रतेने आठवण झाली. तीन-चार वर्षापूर्वी बंगलोरस्थित भाचीकडे घरगुती कार्यक्रमासाठी मुक्कामाला होतो आणि तिच्या नवर्‍याने जाण्याच्या अगोदर एकच दिवस "मामा, तुम्हाला आज एका वन मॅन शो कार्यक्रमाला घेऊन जाणार आहे" अशी आगावू सूचना दिली असूनही केवळ गाडीचे रिझर्व्हेशन त्या अगोदर हातात आले म्हणून त्या कार्यक्रमाला जाऊ शकलो नाही. तिथून निघण्यापूर्वी काहीशा नाराज झालेल्या भाचीच्या नवर्‍याने 'निदान कार्यक्रम सादर करणार्‍या व्यक्तीविषयीतरी गाडीत वाचा" म्हणून एक लीफलेट दिले आणि ते होते नेमके श्री.बी.व्ही.पांडुरंगराव यांच्या या क्षेत्रातील थक्क करणार्‍या प्रवासाविषयीच. भारतातच नव्हे तर बाहेरील कित्येक देशातून त्यांच्या कलेचा झालेला गौरवाचा त्या लीफलेटमध्ये उल्लेख होता - विशेषतः कोरियामध्ये तर त्यांच्या नावाने फॅनक्लब आहेत असे दिसत्ये. हल्ली वयोमानानुसार श्री.पांडुरंगराव यानी ते वन मॅन शो थांबविल्याचे समजते, खात्री नाही.

(श्री.मायनॅक यानी वानगीदाखल निवडलेल्या कार्टून्सचे अत्यंत चपखलपणे मराठीकरण केल्याचे जाणवले.)

एका चांगल्या कलाकाराची इथे ओळख करून दिल्याबद्दल धन्यवाद.

अशोक पाटील

पाटील साहेब ,
आपली "ती" संधी हुकली हे वाचून नक्कीच वाईट वाटले.खरे तर त्यांची व्यंगचित्रे बघितल्यावर त्या खालील"पांडुरंग"हे मराठी नाव वाचूनच,त्यांच्या विषयीची माझी उत्सुकता वाढली आणि मागोवा घेण्याचा योग आला.आपल्या प्रतिक्रियेबद्दल धन्यवाद.