उपक्रमराव,

अनवधानाने सदर लेखाचे शीर्षक 'बाजारागप्पा' असे झाले आहे ते कृपया बदलून 'बाजारगप्पा' असे करावे,

धन्यवाद.

आपला,
(वेंधळा) तात्या.

बदल केले आहेत. - उपसंपादक.

Market is always supreme having its own rules & regulations!

हे मार्केट रॅशनल कि इरॅशनल नियमात चालते? यात फिक्सिंग चालते का? कुणीतरी कमावत असते तेव्हा कुणीतरी गमावत असते. शेअर मार्केट व ज्योतिष या विषयावर पुण्यात भाग्यसंकेत नावाचा दिवाळी अंक निघतो.सुनंदा राठी या ज्योतिषी व दलाल बाई चालवतात, आम्हाला शेअर विषयातले केवळ प्राथमिक ज्ञान असल्याने भाष्य करता येत नाही. पण ज्योतिष वा शेअर हे दोन्ही अनिश्चितता या भांडवलावर फोफावले आहेत. काही शहाणे लोक मात्र संयम व निरिक्षण यावर यातूनही कमाई करतात.

प्रकाश घाटपांडे

शेअरबाजारात दोन्ही चालते.फिक्सींगही चालते आणि संशोधन करून आणि अंदाज बांधून गुंतवणूक करूनही फायदा कमावता येतो. इथे योग्य वेळी योग्य तो निर्णय घेण्याची क्षमता असणारी माणसेच यशस्वी होतात. जेव्हां एकजण कमावतो तेव्हा दुसरा कुणी तरी गमावतो हा तर दुनियेचा नियमच आहे. एकीकडे खड्डा तेव्हा दुसरीकडे भर हे ठरलेलेच आहे.
भाबड्या आशावादावर जगणार्‍या लोकांचे इथे काम नाही. अशी माणसे नेहमीच 'गिर्‍हाईके' ठरतात.
इथे बर्‍याच प्रमाणात सट्टा चालतो. एकाने चढवायचे आणि दुसर्‍याने उतरवायचे अशी चढाओढ चालते. भाव चढवणार्‍यांना 'बैल'(बुल) आणि भाव उतरवणार्‍यांना 'अस्वल'(बेअर) असे म्हणतात.

समभाग बाजारशी अधिक ओळख करून घेऊ इच्छिणार्‍यांच्या माहिती करता आम्ही खाली निफ्टीच्या टर्मिनलचे आमच्या संगणकावरील प्रिन्ट स्क्रीनचे चित्र येथे दाखवत आहोत. याला बाजाराच्या भाषेत 'बोल्ट' असेही म्हणतात.

आत्ता बाजार सुरू असल्यामुळे बाजाराचे हे प्रत्यक्ष (लाईव्ह) चित्र आपण पहात आहात. या चित्रात आपल्याला रिलायन्स, ओएनजीसी, इन्फी, विप्रो, टीसीएस, स्टेट बँक, भेल, लार्सन ऍन्ड टुब्रो, आदी निफ्टीवरील महत्वाच्या कंपन्या दिसत आहेत.

तर मंडळी, वरील चित्रात आपण जर नीट पाहिलेत तर आपल्याला लार्सन ऍन्ड टुब्रो ही कंपनी दिसेल. आम्ही सध्या या कंपनीकडे डोळे लावून बसलेलो आहोत. आज सकाळी बाजार सुरू झाल्यावर आम्हाला या कंपनीत बर्‍यापैकी हालचाल दिसली. आज दिवसभरातला २००५ चा उच्चांक गाठून तिचा भाव १९६० ला स्थिरावला होता. आम्ही १९६० च्या भावाने या कंपनीचे २५ समभाग खरेदी केले. अर्थात सट्ट्यासाठी म्हणून नव्हे. जर भाव वर गेला नसता तर आम्ही हे समभाग पूर्ण पैसे देऊन ताब्यात घेतले असते. पण आमच्या सुदैवाने भाव वधारला! आता हे २५ समभाग आम्ही १९९९ च्या भावाने विकावे अशी सूचना आमच्या संगणकाला दिली आहे. बघुया १९९९ च्या भावाने हे समभाग विकले गेल्यास आम्हाला दलाली कापून प्रति समभाग ३७ रुपये फायदा होईल! ;)

अवांतर -

उपक्रमराव, आपल्या ध्येयधोरणाला जागून आम्ही समभाग बाजार या विषयावर माहितीपूर्ण लेखन करण्याचे अत्यंत सिरियसली ठरवले आहे व त्याप्रमाणे आम्ही ते करतही आहोत. पण आता जरा आम्हाला थोडा विरंगुळा करण्याची सूट द्यावी.
मंडळी, आज बुधवार आहे. नियमानुसार आज सायंकाळी विदेशी व्हिस्कीचे दोन पेग आणि मासळीचं जेवण करण्याकरता आम्हाला लार्सनचे पैसे उपयोगी पडतील असे वाटते! ;) साधना ही आमची नेहमीची कोळीण सध्या गावाला गेली आहे. म्हणून आज आम्ही एका दुसर्‍याच कोळणीकडून मासळी विकत घेणार आहोत. जाता जाता आम्ही तिचेही चित्र येथे देत आहोत! ;) बघा तरी पापलेट किती ताजं आहे ते! ;)

कळावे,

आपला,
(मत्स्यप्रेमी!) तात्या.

बघा मंडळी! काल आम्ही १९६० च्या भावाला घेतलेल्या लार्सनने आज बाजार उघडल्यावर २०६० हा भाव गाठला! जर आम्ही तो काल १९९९ च्या भावाला न विकता आज विकला असता तर?? ;)

पण मंडळी, बाजारात 'जर-तर' ला काहीही अर्थ नसतो. आपल्या नशीबात असतं तेवढंच आपल्याला मिळतं हा तर जगाचा नियम आहे. मग त्याला बाजार कसा काय अपवाद असणार! ;)

आज लार्सनने २०६० चा भाव दाखवला म्हणून आम्ही तो आज विकायला हवा होता, असं म्हणणे म्हणजे उत्तर पाहून गणीत सांगितल्यासारखे होईल! ;)

आणि समजा लार्सनने आज २०६० ऐवजी १८६० चा भाव दाखवला असता तर??
तर .. तर.. तर... ?;))

तेव्हा बाजारातील नवख्या मंडळींना आम्ही असे सांगू इच्छितो की बाजारात भावनेला आणि 'जरतर' ला जागा नसते. जिचे बाजारी समभाग मूल्य ५६०८४ करोड रुपये आहे (!) अशी लार्सन ऍन्ड टुब्रो ही कंपनी कुणा एका साधना कोळणीला १०० रुपयांची मासळी घेताना तिला 'फार् महाग आहे, वीस रुपये कमी कर' असं सांगणार्‍या तात्या अभ्यंकर करता चालत नाही एवढं लक्षात ठेवलं पाहिजे! ;))

मंडळी, यातला मजेचा भाग सोडा, पण या लहान लहान गोष्टींना शेअर बाजारात खूप महत्व असतं एवढंच आम्ही सांगू इच्छितो. निदान आम्ही तरी याच गोष्टी महत्वाच्या मानल्या आणि शिकलो त्या आपल्यापुढे मांडत आहोत इतकंच! आणि कदाचित म्हणूनच आम्ही या मायावी बाजारात इतके वर्ष सुखसमाधानाने टिकून आहोत.

मंडळी, शेअर बाजार हा कुणाच्या बापाचा नाही. म्हटलं तर ती एक आगच आहे. तिच्याशी कधी कुणी खेळू नये व तिला कधी कुणी ऍन्टिसिपेट करू नये!! नाहीतर कळवा येथील छत्रपती शिवाजी रुग्णालयात रात्री एक वाजता एका आठशे रुपये पगार असलेल्या वॉर्डबॉयला कधीकाळी बिगबुल म्हणून नावाजल्या गेलेल्या हर्षद मेहताच्या एकाकी डेड बॉडीला घेऊन जाताना आम्ही पाहिले नसते!

आज की ताजा खबर - आज झी टीव्ही आम्हाला थोडा आकर्षक वाटतो आहे. पण अद्याप आम्ही त्यात सौदा केलेला नाही!

असो! 'बाजारगप्पा' हे तात्या अभ्यंकरांच्या अनुभवाचे बोल अहेत. पटले तर घ्या नाहीतर सोडून द्या! ;)

तात्या.

--
धन कमाविले कोट्यानुकोटी, संगे न ये रे लंगोटी! ;)

तुम्हाला लार्सन कडून जसा फायदा झाला तसा आम्हालाही होऊ शकतो का?
आमचं डीमॅट अकाउंट आहे आणि ७-८ कंपन्यांचे समभाग ही आहेत आमच्याकडे

------------------------------------------------
कृपया खिडकीतून पत्रं टाकू नयेत.आमटीत पडतात.चव बिघडते.