'वॉर् माँगरींग'

आजकाल सहज कुण्या २४/७ सबसे तेज् वगैरे न्यूज चॅनलवर नजर फिरवली तरी चिन्यांनी अमुक केले, त्यांनी तमुक केल्याचा पक्का पुरावा आदी बातम्या पहावयास मिळतात. युद्ध हे सर्वाधिक टीआरपी मिळवून देणारी बातमी होऊ शकते हे जरी मान्य केले तरी या प्रकारे भडकाऊ प्रचार प्रकरण चांगले नाही असे वाटते.
या संदर्भात अक्साई चीन बद्दलचा हा धागा वाचून थोडे वेगळे प्रश्नही मनात उभे राहिले.
सद्यस्थितीत कोणत्याही देशाने इतर सार्वभौम राष्ट्रावर आक्रमण करून तेथील भूभाग गिळंकृत करणे, अन् त्या गोष्टीस उर्वरीत जगाने अनुमोदन देणे हे अशक्यच वाटते.
अशा स्थितीत 'वॉर् माँगरींग' प्रकारच्या बातम्या पसरविणार्‍यांबद्दल् काय वाटते?
अशी युद्धे खरीच होऊ शकतात काय?
समजा युद्ध झालेच तर काय परिणाम होऊ शकतील अन् त्या अनुषंगाने कोणती तयारी सामान्य नागरिक म्हणून आपण करणे आवश्यक वाटते?
चीनचा धोका लष्करी दृष्टीने जितका वाटतो त्यापेक्षा अधिक तो 'इकॉनॉमिक' दृष्ट्या जास्त आहे असे वाटते. अन अवांतर म्हणून नॉस्ट्रॅडॅमसच्या भविष्यात् सांगितलेला पूर्वेकडील देश चीनच असावा काय?
इ.इ. बाबी विषयी येथील अभ्यासूंची मते जाणून घेणे आवडेल.
(हा माझा पहिलाच चर्चाप्रस्ताव आहे. हा धागा थोडा विस्कळीत आहे याची जाणीव आहे. या ठिकाणी योग्य वाटत नसेल, किंवा काही अलिखित संकेतांचे अजाणतेपणे उल्लंघन झाले असेल, तर कृपया सरळ उडवून टाकावा ही प्रशासकांना नम्र विनंती.)