पृथ्वी अजूनही थंड होत असल्याने, पृथ्वितच ही सगळी ऊर्जा शोषून घ्यायची. त्यासाठी सर्व पृथ्वी ऊर्जाशोषणासाठी तयार करणे आवश्य आहे. पृथ्वीवर सर्वात जास्त मानवनिर्मीत पृष्ठभाग कोणता? घरांच्या भिंती. त्यांना ऊर्जाशोषणाचे केंद्र बनवले तर ?

अहो पृथ्वी थंड होते आहे म्हणजे ती उर्जा उत्सर्जित करते आहे असेच ना?
एखादी वस्तूने उर्जा ग्रहण केली तर काही वेळा ग्रहण केलेली उर्जा त्या वस्तुचे तापमान वाढवण्यास कारणीभूत होते. आणि एखाद्या वस्तूने उर्जा उत्सर्जित केली की त्या वस्तूचं तपमान कमी होतं असं मी वाचलं होतं.

असं असताना "पृथ्वी अजूनही थंड होत असल्याने, पृथ्वितच ही सगळी ऊर्जा शोषून घ्यायची", हे कसं काय?

"पृथ्वीवर सर्वात जास्त मानवनिर्मीत पृष्ठभाग कोणता? घरांच्या भिंती. त्यांना ऊर्जाशोषणाचे केंद्र बनवले तर?",

अहो आपला हेतू 'पृथ्वीचं तापमान नियंत्रित ठेवणे' हा आहे. त्यासाठी जी उर्जा आपल्याला सुर्यापासून मिळते त्याचा काही भाग पृथ्वी उबदार ठेवण्यासाठी वापरणे आणि उरलेला भाग परावर्तित करणे हेच नैसर्गिक रीत्या होत असते. आता या परावर्तित होणार्‍या उर्जेला अवकाशात जाण्यापसून अडथळा केला तर पृथ्वी गरम होणारच.

तुम्ही घराच्या भिंतींमध्ये उष्णता शोषून घेण्याबद्द्ल बोलता आहात. अहो यामुळे तर घरं आणखीन गरम होतील! घरांचा रंग सफेद असावा हेच पटण्यासारखं आहे.

वैश्विक तापवृद्धी साठी वातावरणातील उष्णता शोषक वायूंचं प्रमाण कमी करणं हाच योग्य उपाय वाटतो.

जंगलांचं प्रमाण वाढवून हे साध्य करता येईल असं वाटत.

अहो उपाय तर अगदी साधा आहे. पण साधे उपाय न वापरण्याचे आपण मनुष्य प्राण्याने मनावर घेतल्यासारखे वाटते.

घरं थंड ठेवायचं आहे तर त्यासाठी एक छानसं झाड लाव घराबाजूला. त्याची सावली पडू दे घरावर! इमारतींची वसाहत असेल तर दोन इमारतींच्यामध्ये, वसाहतींच्या प्रवेशद्वारावर, रस्त्यांवर झाडे लावा. आपोआपच गारवा निर्माण होईल.

तुमचं ते वैश्विक तापवॄद्धी का काय म्हणतात ती घाला चुलीत! तुमचं घर तापवॄद्धी, वसाहत तापवॄद्धी कमी केलीत तरी फार होईल.

(मस्तक तापवॄद्धी झालेला) रम्या