>> चार्जुन -- तू मात्र अलीकडचा ४ जूनचा आहेस ...
भारी !!

---------------------
-धनंजय कुलकर्णी

तुम्ही सुरूवात चांगली केली होती. अचानक काय झाले?

'फक्त' मनोरंजनात्मकपर लेख ललित गणले जावेत का?

उत्तम आधुनिक संदर्भ आहेत. आपले वेद, पुराण आणि धार्मिक ग्रंथ सर्व विद्यांचे आगरे आहेत.
ह्यावरून आठवले, की 'तमसो मा जोतिर्गमय'ह्याचा अर्थ खरे तर तुझी आई जोतिबाला गेली असा आहे. आमच्या महाविद्यालयात हा अर्थ प्रचलित होता.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

हिंदी मध्ये हा अर्थ प्रचलित आहे - तुम सो मा, मै ज्योतीके पास जाता हूं।

मराठी असे आमुची मायबोली तिला बैसवूं वैभवाच्या शिरी |
***********************************
श्री.अरविंद कोल्हटकर यांच्या लेखातील ".....जन्मानि तव चार्जुन.." आणि "सर्वस्य चाहं हृदि संनिविष्टो.." यांची विपरीत अर्थ वि.आ.बुवा यांनी लिहिले असावे(माझ्या समजुती प्रमाणे.मोहित्यांसंबंधीचा किस्सा प्रथमच वाचला.
शाळेत दहावीच्या सहामाही परीक्षेत संस्कृतभाषेच्या प्रश्नपत्रिकेत मराठीत अर्थ लिहिण्यासाठी पुढील सुभाषेत दिले होते.
.........कमले कमला शेते हरः शेते हिमालये|
.........क्षीराब्धौच हरि: शेते मन्ये मत्कुण शंकया|
काही विद्यार्थ्यांनी लिहिलेले अर्थ शिक्षकांनी वर्गात वाचून दाखवले.त्यांतील एक अजूनही स्मरतो तो असा:---
..."कमले गावात कमळाची शेते आहेत.हिमालयावर हिरवीगार शेते आहेत.तसेच कुठल्याशा त्या गावात हरी भरी शेते धो धो (खूप खूप) आहेत.याविषयी कुणाच्या मनात शंका नको."
...पण "पयसा कमलेन विभाति सरः" याचा श्री.सहज यांनी लावलेला अर्थ: --
...पण "पयसा कमलेन विभाति सरः" याचा श्री.सहज यांनी जो अर्थ लावला आहे
"[पयसा कमलेन विभाति सर:। हे राणीच्या बागेत म्हणजे कोणीतरी नव्या इश्टाईल मधे "सर, हे कमळ घेतलेत तर लै पैसा लाभेल व भिती (भय) पण सरेल (जाईल)" असे संस्कृतात सांगत लकी चार्म म्हणून कमळ विकतोय असे वाटते.]

» तो म्हणजे या सर्वांवर कडी आहे.

या कुन्देन्दु तुषार हार धवला .... नि:शेष जाड्यापहा

कदाचीत म्हणूनच, "... कालचा गोंधळ बरा होता", अशी म्हण आली असावी. ;)

बाकी यावरून अजून दोन आठवणी आल्या:

गोट्या मालीकेत "कर्मण्येवाधिकारस्ते" याचा अर्थ तो शाळेत "कर्मावरून रस्त्यात वाद का घालायचा" हे सांगतो.

"आओ बच्चो तुम्हे दिखाए झांकी हिंदूस्थान की, इस मिट्टीसे तिलककरोये धर्ती है बलीदान की" ह्या गाण्याचा अर्थ एकाने सांगता, "ज्या मातीत टिळक रडले..." असे म्हणत सांगायला सुरवात केली आणि मास्तरांकडून मार खाल्ला.

>>> "ज्या मातीत टिळक रडले..." असे म्हणत सांगायला सुरवात केली आणि मास्तरांकडून मार खाल्ला. <<<

~ इथे पु.लं.च्या एका लेखाची लागलीच आठवण झाली. "बिगरी ते मॅट्रीक : एक भारी बिकट वाट". वर्गात भूगोलच्या मास्तरांनी सदैव सुषुम्नावस्थेत असलेल्य पु.लं.च्या वर्गमित्राला हलवून जागे केले आणि विचारले, "मसाल्याची बेटे कोणती ?" त्यावर अजूनही अर्धवट झोपेत असलेला तो मित्र उत्तरला, "बेडेकर आणि कुबल". यावर मास्तरांनी त्यालाच कुबल कुबल कुबलला. वास्तविक पुढील आयुष्यात त्या मित्राला संसारासाठी तीच माहिती उपयुक्त ठरणार होती, पण नाही. मास्तराना त्याचे काही सोयरसुतक नव्हते.

स्त्रियश्चरित्रं पुरूषस्य भाग्यं, देवो न जानाति कुतो मनुष्य:

ह्याचा सरळ अर्थः स्त्रियांचे चरित्र पाहता पुरूष पळून जातात. जिथे देवही जात नाहीत तिथे माणसे जातीलच कशी!