:) तुमचे कौतुक नक्कीच करावे वाटते.असो..ते अवांतर.

'योग्य' आणि 'कौतुकास्पद' या दोन शब्दांचा एकमेकांशी ठाम संबंध नाही.

ब्रिटिशांनी १८५७ साली केलेल्या अत्याचारांची अशीही वर्णने सांगण्यात येतात की जीव वाचविण्यासाठी लोकांना स्वच्छतागृहे स्वच्छ करावी लागली*. ती कृती विवेकी, योग्य होती परंतु निश्चितच कौतुकास्पद नव्हती.

पूर्ण सहमत.

अनप्लँड असूनही 'केवळ' बोटांवर निभावलेल्या पलायनाबद्दल शाहिस्तेखानाला का हसावे? मुळात, दहा हजारी मनसबदारीची आशा बाळगण्यामुळेच फजिती झाली नाही काय?

थोडी गल्लत. अनप्लँड पलायनामुळेच मुळेच फजिती झाली, एवढा फौज-फाटा घेऊन आल्यावर देखील पळावे लागते हि नामुष्कीच, पण आग्र्याहून सुटका हे खुद्द औरंगजेबाला देखील खरे वाटले नसेल, त्यात सुखरूप येणे अगदी दुरापास्त...अशा प्रकारचा video game खेळताना पहिल्या दमात आलात तरी खूप कौतुकास्पद आहे.

मुद्दा हा असू शकतो हि परिस्थिती ओढवू शकते हे माहित असताना राजे तिकडे का गेले???(प्रियाली ह्यावर अधिक प्रकाश टाकतीलच)...पण तिकडे जाणे देखील राजकीय दृष्ट्या अपरिहार्य असावे.

मूळ मुद्दा "पैसा आणि पॉवर" याने सर्व जमते असे नाही अशा अर्थी जे काही ओबामा बोलला त्या संदर्भात होता. त्या संदर्भात मी सोमाली सैनिकांनी पाडलेले ब्लॅकहॉक हेलीकॉप्टरबद्दल बोललो होतो..

तीच अवस्था औरंगजेबाची आणि शाहीस्तेखानाची झाली की पैसा-सत्ता-सामर्थ्य असून शिवाजीला पकडता आले नाही. म्हणून त्यांचे हसे झाले. शिवाजी स्वतःच्या प्रांताची आणि लोकांची काळजी घेत होता म्हणून त्याने ते करताना जे जे काही करावे लागले, जिथे जिंकता आले तिथे जिंकणे आणि हार पत्करावी लागली तेथे तेव्हढ्यापुरती हार (चर्चीलच्या "यशस्वी माघारी"सारखी) पत्करून दाखवले. म्हणून त्याचे कौतुक वाटते, अभिमान वाटतो. असो. चर्चा भरकटत असल्याने माझ्याकडून थांबवतो...

अनप्लँड असूनही 'केवळ' बोटांवर निभावलेल्या पलायनाबद्दल शाहिस्तेखानाला का हसावे?

शाहिस्तेखानाचे हसे झाले कारण तो शिवाजीला पकडायच्या/ मारायच्या उद्देशाने आला होता. त्यासाठी लालमहालात तळ ठोकून बसला होता. त्याच्या समवेत सैन्य होते. म्हणजेच तो तयारीनिशी होता. सबळ होता. शिवाजीच्या राज्यातून प्लॅन्ड किंवा अनप्लॅन्ड पलायन करणे हा त्याचा उद्देश नव्हता. तसा तो त्याने करून आपला जीव वाचवला हे बरे केले पण त्याची जी दाणादाण उडली त्यामुळे त्याचे हसे होते. जर राजांनी त्याला कैदेत टाकला असता किंवा जेरबंद केला असता आणि त्याने तुरी देऊन पळ काढला असता तर त्याचे कौतुकच होते.

दहा हजारी मनसबदारीची आशा बाळगण्यामुळेच फजिती झाली नाही काय?

ही आशा बाळगली होती याला संदर्भ द्यावा.

अवांतरः आपले चुकत असताना किंवा पराभव दिसत असताना माघार घेणे यात कधीकधी शहाणपणा असतो. कदाचित तेव्हा आंतरजाल असते तर शिवाजी पलायन न करता रिकामटेकडे वाद घालत बसला असता की काय असे वाटून गेले. ह. घ्यावे.