दहशतवाद्यांचा शिरोमणी गेला. आनंदाची बाब आहे. अजून चिल्लर खुर्दा बराच बाकी असावा. जितकं लवकर जग शांततेच्या मार्गावर लागेल तितकं बरं.

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

अतिशय आनंददायक बातमी. ओसामा ऍबटाबादमध्ये एका प्रासादात सुखाने गेली ४-५ वर्षे कसा राहात होता? पाकिस्तानचा अप्रामाणिकपणा म्हणायचा की अमेरिकेचा भोळेपणा की आणि की.. असो.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

असं कुणीतरी म्हणणार् याची खात्री आहे, वाट पाहतोय.
पुढील कॉन्स्पिरसी थिअरीवर् शेकडो प्रबंध आणि लाखो पानं खर्च पडणार हे नक्की:-
१.लादेन मेलेलाच नाही.तो मुशर्रफ/झरदारी/मनमोहन/ओबामा ह्यापैकी कुणाच्या तरी घरात सुरक्षित् आहे!
२.लादेन म्हणुन कुणी नव्हतच. निव्वळ एक काल्पनिक व्यक्तिमत्व उभं करण्यात आलं होतं.
३. लादेन मरुन् खरं तर् दहा-बार वर्षे होउन गेली होती, फक्त त्याचा बागुलबुवा उभा करण्यात येत होता.
४.लादेन आणि हिंदुत्ववाद.

--मनोबा

नक्की चकमक केव्हा झाली?
मेरीकेची अर्थव्यवस्था सुधारण्यास ह्या बातमीचा काय उपयोग होणार आहे?
विकीलिक्सवर ह्याबद्दलच्या बातम्या येतील तेव्हा हे खरे मानु.

१. लादेन मेला की लादेनचे अमेरिकेने तयार केलेले "भूत" मेले? आता नवीन भूत कुठले असेल?
२. ओ'सा'मा मेला आणि ओ'बा'मा अजून आहेच की!
३. लादेन असल्याचे फक्त टेप वरून कळत होते, प्रत्यक्ष गुन्हे केलेला त्यापेक्षाही भयंकर(निदान भारतासाठी) असा दाउद अजून सुरक्षित आहे.
४. लादेनच्या कुटुंबाला नुकसान भरपाई मिळणार काय?
५. लादेन मेल्यामुळे ९-११ हे खरेच त्याने केले होते कि अम्येरीकेने केले होते हे सिद्ध होणे अजून अवघड झाले का?
६. लादेन मेल्या दिनी अमेरिका राष्ट्रीय सुटी जाहीर करेल काय? केली काय?
७. अल-कायदाचा नवीन मुख्यमंत्री कोण होणार?

पाकिस्तानातील जीवनमान सुरक्षित नसल्याच्या बातम्या तशा नेहमीच वाचनात येतात पण दहशतवादी बॉसचे जीवनही तेथे सुरक्षित नाही हे आज कळले. ;-)

बातमी ऐकून फारसे काहिच वाटले नाही .. फारतर फार "हुश्श!" झाले :(
ज्या एकामुळे अफगाणिस्तानातील अनेक स्थानिकांचा व अनेक देशांच्या सैनिकांना मृत्यू आला तो एक आता मेलेला बघता इतक्या उशीरा याला पकडून अमेरिका का फुशारली आहे समजत नाही! असो. एक हिंसक आचारांचा व्यक्ती कमी झाला याचे समाधान आहेच

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

या वर्षातली लक्षात राहील अशी ही बातमी आहे.

बिन लादेन बहुधा अलकायदा संघटनेचा दैनंदिन कारभार चालवत असेल. (ते "कंपाउंड" बाहेरच्या जगाशी विद्युत्-प्रसारण साधनांनी जोडलेले नव्हते. फक्त काही थोड्या मनुष्य-दूतांकरवी संदेशांची ने-आण होत असे. त्या दूताचा पिच्छा करत जागा सापडली, असे वृत्तपत्रे सांगतात. अशा प्रकारे ढोबळ धोरणे सांगू शकत असेल, पण दैनंदिन कारभार चालवणे कठिणच.) पण तरी अलकायदाचे चिह्न कोसळले आहे.

प्रचंड साधनसामग्री असलेली गुप्तहेर संघटना आणि सुसज्ज कमांडो असलेली सैन्यव्यवस्था, हे मिळून अशा दहा-वीस वर्षांच्या काळात आजकाल अतिशय गुप्तपणे लपलेला व्यक्ती शोधू शकते असे दिसते. ("कानून के हाथ लंबे हैं ।")

मला वाटते, की अशा प्रकारचा प्रकल्प चालवायला देश श्रीमंत आणि बलशाली असायला पाहिजे. नैतिक अधिष्ठान नसले तरी चालते. मात्र उघड्यावर अमेरिकेबद्दल कटुता बाळगणारे जनसमुदाय जर वळवायचे असतील, तर नैतिक अधिष्ठान हवे. मतलबी धोरणांसह सुद्धा काही प्रमाणात नैतिक अधिष्ठान हवे.

ओबामा यांच्या वक्तव्यात जरी या घटनेचे यश नैतिक अधिष्ठानाला दिलेले आहे, तरी वरील बाब त्यांना ठाऊक असेलच. देशाचा आपमतलब आणि नीती यांचे सुयोग्य मिश्रण करण्यात त्यांचे प्रयत्न पुरेसे होवोत, अशी आशा करूया.

तो पाकिस्तानात मारला गेला या गोष्टीचा काही परिणाम होईल का? भारताच्या बाबतीत.

५ न्यूज वाले काय म्हणताहेत ते ऐका.
काही दृश्य इथे पाहा आणि आपणच ठरवा!

मराठी भाषा हा माझा प्राणवायू आहे

http://www.bbc.co.uk/news/world-south-asia-13259359
BBC News website readers in Pakistan and Afghanistan have been sharing their views on the death of al-Qaeda's founder and leader, Osama Bin Laden.

९/११ च्या हल्ल्यात मृत्युमुखी पडलेल्या जेम्सचे वडील का आनंदसोहळा करत नाहीत?
मला आनंदसोहळा न करण्याचे वरील कारण पटले.