आपल्या माहितीचा संदर्भ काय? म्हणजे लवासाने अमुक केले तमुक केले नाही याचा.
आपण जर त्याच्या अधिकारपदात असला तर तसे कळवा. म्हणजे हे लिखाण अधिकृत म्हणता येईल.

प्रमोद

लवासा प्रकरणात "मोठ्ठा" घोळ झाला असावा, कित्येक "आदर्श" देखील या घोळात सामील असावेत, अशी मला दाट शंका आहे. पुर्वी ट्विटरवर आयबीएन लोकमतचा रीपोर्टर [आशिष दिक्षित] यांनी देखील याबाबत शंका वर्तवली होती.

शीर्षक संपादित.

अंब्रिश हा आयडी असलेली व्यक्ती कोण आहे? त्याचा हा लेख लिहिण्यामागे काय उद्देश आहे हे सगळेच संशयास्पद वाटते. एकूण लेखावरून ही व्यक्ती तेथे काम करणारी तरी असावी किंवा काहीतरी गुंतवणूक केलेली असावी. ही व्यक्ती कोण आहे हे कळल्याशिवाय लेखाच्या विश्वासार्हतेवर विश्वास ठेवणे कठिण आहे.

परंतु हा लेख सत्य आहे असे क्षणभर मानले तर असे म्हणता ये ईल की "हा हा हा! यालाच राजकारण म्हणतात."

काही मंडळींची राजकारणातील सद्दी संपून नवी विटी नवे राज्य येणार असे दिसते. काम करणार्‍यांचे किंवा गुंतवणून केलेल्यांचे नुकसान होऊ शकते. जेंव्हा प्रकल्प चालू झाला तेंव्हा ज्या शेतकर्‍यांच्या जमिनी हडप केल्या गेल्या त्यांचे नुकसान झाले त्यातलाच हा प्रकार आहे.

चन्द्रशेखर
Learning is not compulsory... neither is survival.

लेखक अम्ब्रिश यांनी कदाचित निळू दामले यांच्याकडून Power of Attorney घेतली असावी!

लवासाच्या संदर्भात मी २ सप्टेंबर २०१० ला महाराष्ट्र् टाइम्सला पत्र लिहिलं होतं ते असं :

प्रति
संपादक, महाराष्ट्र् टाइम्स, मुंबई.

विषय : बेजबाबदार आरोप.

महाशय,
आपल्या २ सप्टेंबरच्या अंकातली "आरोप आणि ढळढळीत सत्य" ही लवासाची आपल्यावरील आरोपांचं खंडन करणारी जाहिरात वाचली. त्यावरून असं दिसतं की लवासावर केलेले भ्रष्टाचाराचे व गैर व्यवहारांचे आरोप खर्‍याखोट्याची थोडीसुद्धा शहानिशा न करता करण्यात आले आहेत. लवासाच्या म्हणण्याप्रमाणे हे आरोप प्रसारमाध्यमातल्या काही घटकांनी केले आहेत. थोडी प्राथमिक चौकशी केली असती तर हा वाद निर्माण झालाच नसता. नुसतेच बेछूट आरोप करून प्रसारमाध्यमातल्या घटकांनी काय साधलं? हा सरळसरळ अभिव्यक्तिस्वातंत्र्याचा दुरुपयोग आहे.
प्रत्येक गोष्टीत गैरव्यवहार झाल्याची ओरड करणं ही आजकाल एक फॅशन झाल्ये. बातम्या लक्षवेधी व्हाव्यात म्हणून आकडेवारी फुगवून सांगण्याचे प्रकारही होत असतात. उदाहरणार्थ, लवासानी वरकस ६०० हेक्टर जमीन २ टक्के रक्कम देऊन खरीदली असा आरोप आहे तर लवासाच्या म्हणण्याप्रमाणे ती जमीन दोन टक्के ज्यादा म्हणजे प्रीमियम देऊन खरीदली आहे. आरोप करणारांनी लवासानी दिलेल्या स्पष्टीकरणावर उत्तरं द्यावीत. ती त्यांची नैतिक जबाबदारी आहे.

टीप : १) माझा लवासाशी (कर्मचारी, प्रमोटर, सरकारी अधिकारी, खरेदीदार किंवा इतर कुठल्याही नात्यानी) संबंध नाही.
२) वरील पत्र म टा. नी छापलं नाही.
३) लवासाच्या स्पष्टीकरणावर कोणी उत्तर दिल्याचं माझ्या वाचनात आलं नाही.

ह्याला चावटपणा म्हणतात की काय ?
निर्दयीपणा / मुर्खपणा / शहाणपणा / चूक वगैरे म्हणता येयील फारतर.

---------------------
वाद विवादात "जो शेवटचं वाक्य बोलतो / लिहीतो तो जिंकला" असा समज is = गैरसमज
-धनंजय कुलकर्णी

निसर्गाची "विनाकारण" हानी करणारा लवासा हा प्रकल्प बंद पडावा / पाडावा असे माझे मत आहे. त्यामुळे जयराम रमेश यांचे (तुर्तास) अभिनंदन.

या निमित्ताने इथे लवासावर चर्चा होणार असेल तर आनंद आहे आणि लवासाच्या का व्हावे? हे सांगणार्‍या मतांची वाट पाहतो आहे.

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

प्रतिसादात काय बरं लिहायचं ह्या विशयावरील लेखावर? असा प्रश्न पडतो.

केंद्र सरकारच्या पर्यावरण खात्यानं दि. रोजी लवासाला काम थांबवा नोटीस पाठवली. नोटीसही लवासाला पोचण्याआधी प्रेसकडं पोचली होती.

एकाच वेळी दोन बाजूने म्हणजे - कायदेशीर नोटीस पाठवतानाच जाहिररीत्या एखाद्यावर चिखलफेक करीत हल्ला करणं ही अशी डबलक्रॉस करणारी क्राँग्रेसची नेहमीची खेळी आहे. मग त्यासाठी ते लोकांचे फोनटॅप करणार व ते जनतेसमोर जाहीरही करणार.

लवासा हे शहर हे भव्यदिव्य स्वप्न पहाणार्‍यांचे, ते अमलात आणण्यासाठी पैशाचे प्रचंड पाठबळ असणार्‍यांचे प्रॉडक्ट आहे. जसे आयपीएल हे एक भव्य प्रॉडक्ट आहे. अगदी तसेच. पण अशा भव्य प्रॉडक्टचे स्वप्न प्राथमिक अवस्थेत राज्यकर्त्यांकडे घेवून येणार्‍यांना रोकायचे कसे? प्रकल्पाला हिरवा झेंडा दाखवत सही करून 'आपले भले पाहणं' हा उपाय योग्य कि विरोध करून, दिरंगाई करीत तो प्रकल्प रोखणं योग्य?
वरील उदाहरणांमध्ये प्रकल्पाला हिरवा झेंडा दाखवत कागदपत्रांवर सही करणं ह्यात पवारसाहेबच होते.
एन्रोन ला हिरवा झेंडा देखील पवारांनी दाखवला.
त्यामुळे एव्हाना प्रकल्प योग्य वेळी पूर्ण झाला असता तर महाराश्ट्रात वीजेचा तुटवडा दूर झाला असता. पण इतर पक्शाने खोडा घालून ही प्रकल्पला उशिर लावला.
जे व्ह्यायचे आहे ते होणार! जे व्ह्यायचे आहे त्यासाठी सुस्पश्ट प्रयत्न करीत रहायचे हा मार्ग आहे स्वप्न पूर्ण करणार्‍यांचा. ती स्वप्न पूर्ण होण्यासाठी त्यात राजकिय नेतृत्वाने होकार द्यायचा कि रोडा घालायचा हे दोनच मार्ग त्यांच्याकडे आहेत.
भविश्यातील प्रकल्पांना, नव्हे! स्वप्नांना, नव्हे! 'पैशाचे पाठबळ असलेल्यांच्या भव्य स्वप्नांना' वेसण कशी घालायची? हाच प्रश्न आहे.

लोकमान्य टिळक आज जिवंत असते तर त्यांनी सवाल केला असता- सरकारचे डोके ठिकाणावर आहे काय?
लोकमान्य टिळक लवासात कुठुन आले?