बाकी सगळे मान्य आहे पण भारतभर हेल्मेटसक्ती (=केवळ तांत्रिक गुन्ह्याला शिक्षा) करणार्‍या सिंबायोसिसबद्दल माझ्या मनात आकसच आहे. झाले ते बरेच झाले.
शिवाय, या प्रिसिडंटमुळे "आपल्याला ध्वनिप्रदूषण करायला मिळणार नाही" अशी असुरक्षिततेची भावना पार्टीप्रिय लोकांच्या मनात निर्माण झाली तर धार्मिक कारणांनी ध्वनिप्रदूषण करणार्‍यांविषयी त्यांना असूया वाटण्याची शक्यता आहे. त्यामुळे, ध्वनिप्रदूषणाविरुद्ध 'आवाज' उठविणार्‍यांची संख्या वाढेल अशीही शक्यता आहे. पोलिसांवर ध्वनिप्रदूषणाविरुद्ध कारवाई करण्यासाठी त्यातून दडपण येऊ शकेल.

बातमीची चित्रफीत पाहिली. हल्लीच्या तरूण पिढीचे किती नैतिक अधःपतन झाले आहे, असा बातमीदाराचा अविर्भाव होता!

ज्या काही बेकायदा गोष्टी झाल्या असतील त्याची शिक्षा संबंधितांना मिळाली पाहिजे, हे खरेच. पण हे तथाकथित नैतिक अधःपतन आणि आपण ते शोधून काढून फार मोठे काम केल्याचा आव आणण्याची गरज नव्हती.

Doing what you like is freedom. Liking what you do is happiness.

(चंद्रशेखरजी, आणि मित्रांनो पुढील मजकूर टाईमपास आहे. सगळ्यांनी हसावे म्हणून टाकला आहे. उपरोध न समजत मिश्किली मानावी . कृपया हलके फुलके घ्यावे.)

नमस्ते,
आज मी तुमच्यासमोर 'धडपडणारी मुले' ही नाट्यछटा सादर करुन दाखवणार आहे.
अहो! धडपडणारी मुले म्हणजे कोण? म्हणून काय विचारता? तीच ती साने गुरुजींच्या कल्पनेतील काहीतरी करण्यासाठी धडपडणारी निरागस लेकरे. काय वेळ आली हो त्या अजाण लेकरांवर? पोलिस, मिडिया आणि पुण्याच्या संस्कृतीचा पुळका आलेले लोक अगदी हात धुऊन मागे लागलेत. बदनामी तरी किती करायची ती? छे! छे! छे! अगदी कहरच झालाय.

आता बघा. त्या दिवशी थेऊर इथे मुलांनी जमून सांस्कृतिक महोत्सवाचे आयोजन केले होते. त्यात काही चुकलं का? ज्युनियर मुलामुलींचा सिनियर मुलामुलींशी घनिष्ट परिचय व्हावा, एवढाच हेतू. दिवसभर मुले अभ्यासात गर्क असतात म्हणून रात्री हा कार्यक्रम ठेवला. काय म्हणता? थेऊरच का निवडले? अहो. थेऊर हे अष्टविनायकातले महत्त्वाचे गाव. विद्येची उपासना करायची ती त्या गणरायाच्या साक्षीने. चिंतामणीचे दर्शन घेऊन त्याला आवडणारे संगीत-नृत्य-नाट्य आणि इतर कला सादर करणार होती मुले-मुली. जमलंच तर रात्रीच जाऊन पेशव्यांची समाधी आणि सती रमाबाईंचे तुळशी वृंदावनही पाहायचे होते त्यांना. खाण्यापिण्याचे कार्यक्रम रात्री उशिरा का ठेवले म्हणून काय विचारता? अहो, मंगळागौरीला नाही का मध्यरात्रीनंतर खेळ खेळत? कोजागिरीला तर दूध पिऊन रात्र जागवायची असते. मग ते चालते आणि हे चालत नाही का? आजूबाजूच्या लोकांचे काही सांगू नका. गणपती-नवरात्रात खुशाल लाऊडस्पीकर लाऊन रात्रभर धिंगाणा घालतात. आमच्या मुलांची बालगीते तेवढी खुपतात त्यांना.

दारु काय? तोकडे कपडे काय? काय वाटेल ते आरोप करताहेत. मला तर काल आयबीएन लोकमतवर निखिल वागळे पुन्हापुन्हा सांगत होते ते अगदी पटलं. प्रत्येकजणच आपल्या तरुणपणात गंमतजंमत करत असतो आणि दुसर्‍यांना मात्र नैतिकतेचे धडे देत असतो. आता हीच बातमी बघा ना. आंबोली घाटात धबधब्याखाली परवा आठजणांच्या टोळक्याने धिंगाणा घातला. त्यातले चारजण तर सगळे कपडे काढून नाचत होते. कुटूंबवत्सल लोकांनी लाजेने माना खाली घातल्या. तिथे नाही पोलिसांनी त्या मवाल्यांना धरले. पण आमची लहान मुले नुसती नाचायला लागली तर आले काठ्या घेऊन. अशाने मुले बुजली आणि त्यांनी अभ्यास करणेच सोडून दिले तर जबाबदारी कुणाची? सांगा ना. आता का गप्प झालात?

बरं तुमच्याशी काय बोलत बसलोय मी. आमची शेफाली (मी लाडाने तिला शेफारली म्हणतो) अजून आली नाही घरी. रात्रीचे दहा वाजून गेले. ही पोरं म्हणजे अगदी खोडकर झालीयंत नुसती. जातो मी.

काही घरगुती कारणांमुळे पुनश्च हिंदी वाहिन्यांशी संबंध आला आहे. आज तक, समय वगैरे अशा वाहिन्या पाहण्यात आल्या. तद्दन टाकाऊ आणि बाजारू वाहिन्या आहेत. अशा वाहिन्या आणि त्यावर बातम्या गोळा करणारे त्यांचे वार्ताहर यांच्याकडून अधिक अपेक्षा ती काय करणार?

बायदवे, अशा ठिकाणी पोलीस आधी पोहोचतात आणि वार्ताहर नंतर की वार्ताहर आधी, पोलीस नंतर की दोघे एकत्र हे कळलेले नाही.

असो. याचा अर्थ नियम, कायदा-सुव्यवस्था धाब्यावर बसवून पार्ट्या करणार्‍यांची भलावण करणे असा नाही.

अवांतरः

विशी-बावीशी मधल्या या तरूण तरूणींचा आयुष्याबद्दलचा उत्साहच एवढा ओसंडून वाहत असतो की त्यांना मदिरा प्राशनाची गरजच काय आहे?

आपण "कूल" आहोत हे दाखवण्यासाठी माणसांना कोणकोणते मार्ग घ्यावे/ स्वीकारावे लागतात यावर वेगळी चर्चा करता येईल असा मोठा विषय आहे.

सहमत आहे. जे वाचले त्यावरून गुन्हे म्हणजे मद्यवितरणाचा परवाना नव्हता आणि शांततेचा भंग. दोन्हीही ज्या प्रमाणात प्रसिद्धी दिली गेली तितके गंभीर नव्हते. इतकी शांतताभंगाची काळजी आहे तर सगळे उत्सव, लग्नाच्या वराती (+ १०००० फटाक्यांची माळ क्ष वेळा, क्ष पैसे आणि उत्साह यावर अवलंबून), जयंत्या, नेत्यांचे वाढदिवस या वेळी हीच तत्परता का दाखवत नाहीत?

बाकी मद्यधुंद तरूणाईचा स्वैराचार वगैरे भंपकपणा आहे. जे असे म्हणतात त्यांनी स्वतः कितव्या वर्षी प्यायला सुरूवात केली होती ते आठवून बघावे. बिअर पिणे आज आपल्या समाजात इतके निषिद्ध झाले आहे का? हे म्हणजे मिडल इस्टच्या वर झाले.

--
अनुदिनी : http://rbk137.blogspot.com

पार्टीविरूद्ध आणि पार्टी करणार्‍यांच्या बाजूने दोन्हीप्रकारे बोलता येईल.

माझ्यामते पोलिसांनी या मुलांना पकडले ते चांगले केले का वाईट केले असा मुद्दा नाही. स्थानिक पोलिस वेगळे असू शकतात, स्थानिक (थेऊरला) लोकांची सहन करण्याची, सीमा वेगळी असू शकते. आपल्या गावात बाहेरच्या मुलांनी येऊन दारू पिणे, आणि पार्टी करणे ( मला वाटते प्रत्येकाला आवडते असे नाही). पार्टीत गांजा,अफू मिळाली नाही, हे खरे असेल, पण बाहेरून बघणार्‍यांना आत काय चालले आहे त्यात गांजा, अफूही असावेत असे वाटले तर आश्चर्य वाटायला नको. येणार्‍यांनी परिसरातील लोकांना त्रास होऊ नये याचा विचार करायला हवा होता. बर्‍याचदा बाहेरगावाहून येणार्‍या लोकांना स्थानिक लोकांची पद्धती विशेष माहिती नसते, गैरसमज वाढत जातात.

पार्टी ही काहि आज चालु नाहि. गेल्या अनेक पिढ्या आधीच्या पिढीपेक्षा वेगळ्या व अधिक मोकळ्या प्रकारे "पार्टी" करत आहेत. तेव्हा ती व्हावी की नाहि हा मुद्दाच मला मान्य नाही.
सार्वजनिक नुकसान न होणे / स्थानिकांना त्रास न होणे वगैरे गोष्टी ह्या पार्टी करणार्‍यांपेक्षा त्याचे आयोजन करणार्‍यांची जबाबदारी असावी असे वाटते.

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

काही प्रतिसादांमुळे आणि लेखावरुनही मुलांचे काही चुकले नाही असा अर्थ निघत आहे. कालपरवा मी चिपळूणला जाऊन आलो. जाताना येताना अर्थातच ताम्हिणी घाटातून जावे लागले. शनिवारी सकाळी लवकर जाताना काही त्रास झाला नाही मात्र येताना रविवारी संध्याकाळी वाहतुकीची भलीमोठी कोंडी झालेली होती. कालेजातल्या पोरापोरींचे बरेच घोळके होते. गाड्यांमधले टेप लावून कपडे काढून घोळक्याने नाचगाणे चालू होते, कित्येकांच्या हातात बियरच्या बाटल्या होत्या, मक्याच्या कणसाचा, गुटख्यांच्या पुड्यांचा भरपूर कचरा झालेला होता. या वर्तनाला काय म्हणता येईल? का इथेही या मुलांना सज्ञान आहेत, करु द्या एंजॉय असे म्हणून त्याबद्दल काहीच वाटू देऊ नये?

दुसरे असे की पार्टीत पोलिस आले, कॅमेरेवाले आले की तोंड का लपवले जाते? करतानाचे धाडस नंतर कुठे जाते? एवढे प्यायचे आहे तर सरळ परवाना काढून का ठेवत नाही? याचा अर्थ आम्हाला दारु प्यायची तर आहे पण परवाना काढायला लागणारे धाडस आमच्यात नाही असाच होतो ना?

-सौरभ.

==================

फायरफॉक्ससाठी एकपर्सोना.

नैतिक अधःपतन झाले, आता भारताचे कसे होणार वगैरे मला म्हणायचे नव्हते. ज्याच्या त्याच्या एंजॉय करण्याच्या पद्धती वेगळ्या असू शकतात आणि मला हे आवडत नाही म्हणून इतरांनी तसेच वागण्याची अपेक्षा करावी हा निव्वळ मूर्खपणा आहे हे मान्य. पण या मुलांचे तोंड लपवणे मला जास्त विचित्र वाटले. मला जर असे काही करायचे असते तर मी सरळ परवाना काढून मनसोक्त धांगडधिंगा घातला असता. शिवाय पोलिस, कॅमेरे आले असते तर तोंड लपवण्याचे कष्ट घेतले नसते. जेव्हा तुम्ही परवानगी नसताना दारु वगैरे पिता, परवानगी नसताना एवढ्या मोठ्या पार्ट्या आयोजित करता, त्यात सहभागी होता मग नंतर जे काय होऊ शकतील त्या परिणामांना पण तसेच सामोरे जा. म्हणजे पिताना वगैरे स्टाईल मारणार, कुल आहे असे दाखवणार आणि मग पोलिस आले की हाताने तोंड लपवायचा (केविलवाणा) प्रयत्न करणे हे हास्यास्पद वाटते. हे असले ढोंग बघितले की कसे तरी व्हायला लागते. आणि भारतीयांचे हे असले ढोंग तर सगळीकडेच दिसते. (पोलिसांचेही दिसते तसे, एकीकडे कानाडोळा आणि दुसर्‍याला प्रसिद्धी)

दुसरे म्हणजे तुम्हाला जे करायचे आहे ते केले तरी त्याचा त्रास इतरांना कशाला? असल्या पार्ट्यांपासून ते सणसमारंभापर्यंत साजरे करताना तुमच्या आनंदापायी इतरांची डोकेदुखी का वाढवावी? धबधब्यांच्या पार कचराकुंड्या करणे, वाहतुकीचे तीन तेरा, ध्वनिप्रदूषणे हे तुमच्यामुळे इतरांनी का सहन करत राहायचे? हा सेन्स भारतातल्या लोकांना कधी येणार?

==================

फायरफॉक्ससाठी एक पर्सोना.

रस्त्यावर दारु पिऊन गोंधळ घालणारे सार्वजनिक कार्यकर्ते आणि ही मुले यांची तुलना चुकीची आहे. रस्त्यावर गोंधळ घालणारे लोक हे 'तसेच वागणार' म्हणून समाजाने मोकाट सोडून दिलेले असतात. कदाचित त्यांना त्यांचा आनंद व्यक्त करण्यासाठी व शारीरिक ऊर्जेचे दमन करण्यासाठी दुसरे सोपे पर्याय उपलब्ध नसतात. याऊलट पुणेकरांवर कायदेशीरपणाच्या नावाखाली सक्तीच्या हेल्मेटसक्तीचा जुलूम लादणाऱ्या सिंबायोसिसच्या विद्यार्थ्यांकडूनही कायदेशीर वर्तन अपेक्षित आहे. परवाना नसताना दारु पिणे हे हेल्मेट न घालता वाहन चालविण्यापेक्षा क्षम्य आहे का?

इंडिया सॉफ्ट टारगेट बिरगेट काही नाही. इंडियातील लोक भारतातल्या लोकांच्या वागणुकीला नेहमी शिव्या देत असतात तेव्हा भारतातल्या लोकांनीही त्यांना त्यांच्या औषधाचा एकदा डोस दिला इतकाच याचा अर्थ आहे.