बोमडीला हे शहर समुद्रसपाटी पासुन ८००० फुटावर हिमालया च्या बर्फाच्छादित पर्वत रांगांनी वेढलेले निसर्गरम्य ठिकाण आहे. येथे जाण्याचा मार्ग मात्र अतिशय खडतर तितकाच मनाला सुखावणारा आहे. मी १९ जुलै २०१० ला अरुणाचल च्या नहरलहगुन येथुन मिनी बस ने प्रवास सुरु केला. संध्याकाळी ६ वाजता निघणारी ही बस बोमडीला येथे सकाळि ७ ला पोचते. वाटेत निमुळत्या रस्त्यावर् पावसामुळे फुटभर माती तुडवत बस जेव्हा मार्ग आक्रमित असते तेव्हा आपल्या काळजाचा ठोका चुकतो. आणि हा मार्ग केवळ ५ कि.मी असुनही त्याला २ तासाचा कालावधी लागतो आणि तो ही रात्री २ वाजता तेव्हा आपल्या मनात केवळ परमेश्वराचाच धावा सुरु असतो. परतीच्या प्रवासात मी मुद्दाम या भागाचे फोटो काढले ते देत आहे.

त्यात हा भाग म्हणजे वेस्ट कामेंग जिल्हा. हा जिल्हा महाराष्ट्रात नुकताच प्रसिध्दिस आला तो बुलढाण्याचे जंगल अधिकारी श्री बर्डेकर यांच्या बोडो अतिरेक्यांनी केलेल्या अपहरणामुळे. आज ही त्यांच्या बद्द्ल अधिकृत माहिती मिळालेली नाही हे अजुन दुर्दैव.

बोमडिला येथे मला घ्यायला श्री राजेश राठोड आले होते. ते त्या भागात गेल्या १२ वर्‍शापासुन कार्यरत आहेत्. ते बुलढाणा जिल्यातील नांदुरा या गावातील आहेत. मी नांदुरा येथे शाखापबंधक म्हणुन २ वर्षे कार्यरत होतो. हे कळल्यावर आमची चांगली गट्टी जमली. बोमडीला येथे उतरलो तेंव्हा तेथील तापमान १५ से.होते. तेथे कायमच अशी थंडी असते हे माझ्या ३ दिवसांच्या वास्तव्यात मला समजले.

पहिल्याच दिवशी आम्ही तेथील तिबेटी बुध्दिझम चा मठ पहावयास गेलो. हा मठ जवळ जवळ ८० पायर्‍या चढुन गेल्यावर एका उंच सखल अशा विस्तिर्ण भागात अतिशय सुंदर रित्या बांधलेला आहे. ह्या मठातर्फे शाळा चालविल्या जाते. मठाधिपती हे ३ दा आमदार राहुन या कार्यासाठी वाहुन घेतलेले अतिशय प्रभावी व्यक्तिमत्व आहे. त्यांनि आम्हाला भोजनाचा आग्रह केला तेंव्हा अशा महंताबरोबर भोजनाचा योग आल्या बद्दल आम्ही कृतकृत्य झालो. या मठाचे व परिसराचे फोटो खास आपल्या साठी.

Shri Rajesh Rathod and his office

मठाकडे प्रस्थान

The beautiful Himalayan ranges on way

View of Bomdilla from monastry

अस्मादिक मठाचे परिसरात खाली बोमडीला

मठाचे परिसरातील चित्रे

Ascending staircase to Monastry

The Main building of Monastry

Residential quarters

School Building in Monastry

महाराष्ट्राचे लाडके गायक सुधिर फडके यांचा मानस पुत्र दिपकजी यांची भेट बोमडिला येथे होणे हा एक दुग्ध सर्करा योग. त्यांच्या घरी जेवण व अण्णा(बाबुजी) यांच्या प्रतिभा आणि प्रतीमा मध्ये झालेल्या कार्यक्रमाची १ तासाची बैठक पहावयाला मिळाली ही तर मला मेजवानी च होती. दिपक जी हे शुध्द मराठी बोलतात हे वेगळे सांगणे न लगे. ते राज्य सरकारात उद्योग विभागात जॉइंट डायरेक्टर आहेत् व २ वर्‍शात निवृत्त् होऊन त्यांच्या मुळ गावी तवांग येथे राहणार आहेत. त्याचे तवांग ला त्यांच्या घरी येण्याचे निमंत्रण मी घेतलेले आहे आणी निश्चीतच जाणार आहे. त्यांच्याच घरी पुण्याचा ह्रुषिकेश दिवेकर या तरुणाची भेट झाली. हा तिथे गेल्या ३ वर्‍शांपासुन हिन्दी शिकवतो व ९ आणि १० वि च्या विद्यार्थ्यांचे निषुल्क गणिताचे वर्ग घेतो.

With Shri Dipakji/ Lekhi Phuntso

ह्रुषिकेश दिवेकर् सोबत प्रतिभा आणि प्रतिमा कार्यक्रम पहातांना

बोमडिलातील ३ दिवस म्हणजे निसर्गानी भरभरुन दिलेल्या सौंदर्याचा आस्वादाची मेजवानीच होती.

श्री निरि फोन्ग्रोजु, बि.जे.पी चे जिल्हा अध्यक्षांचे घरी त्यांच्या बगिच्यात.