न्यू होरायझन मिडीया या कंपनीने एनएचएम रायटर (NHM Writer) या नावाचे बरहासारखे सॉफ्टवेअर विकसित केले आहे.

http://software.nhm.in/products/writer

हे वापरायला बरहाइतकेच सोपे आहे पण बरहात नसणार्‍या २-३ महत्त्वाच्या गोष्टी यात आहेत.

१) विंडोजमधील "रिजनल लैंग्वेज सपोर्ट" एनेबल करणे म्हणजे डोक्याला एक ताप असतो. तो यात "आपोआप" सेट केला जातो. भल्याभल्यांना क्रमवार मार्गदर्शनही पुरत नाही.
http://in.hindi.yahoo.com/FAQ_English.htm#Enable_Indic_for_Windows_XP_&_...

अर्थात मायक्रोसॉफ्टची ओरीजिनल सीडी असली तरच युनिकोड आपल्या संगणकावर नीट दिसेल, पण ती सीडी बहुतेक वेळा हाताशी नसते. एनएचएमने ही खूप मोठी सोय केली आहे की रिजनल लँग्वेज सपोर्ट सीडी शिवाय यातूनच आपोआप उपलब्ध होतो.

२) नवीन भाषा किंवा की-बोर्ड लेआउट टाकणे खूप सोपे आहे.
३) स्क्रीनवर दिसत राहणारा दोन प्रकारचा की-बोर्ड नवीन लोकांना उपयोगी ठरू शकतो.

अर्थात मायक्रोसॉफ्टचा क्लिष्ट इंडिक सपोर्ट, गुगलचा साधा सोपा आयएमई, तर धपाधप वापरता येणारा बरहा या तिघांपुढे हे नवीन बाळ कितपत टिकेल ते सांगता येत नाही, पण मला मात्र हा पर्याय खूप उपयोगी वाटला.

मायक्रोसॉफ्टशी हातापायी करायची तयारी असेल तर सुशांत देवळेकर यांनी केलेले मार्गदर्शन सर्वोत्कृष्ट.
http://sites.google.com/site/yunikodatunmarathi/dharika

गुगलची सेवा नावाप्रमाणेच सोपी, पण ती काही लोकांना आवडत नाही.
http://www.google.com/ime/transliteration/

बरहाबद्दल काही बोलायलाच नको.
http://www.baraha.com/download.htm

पण वर दिलेला "एनएचएम रायटर" वापरून पहायला काय हरकत आहे?