ईथे व्यासन्गी लोक जास्त दिस्तात.

काही मनोरंजक, विरंगुळा म्हणून असे लिहिले की ते उपक्रमच्या धोरणात बसत नाही म्हणून कटाप केले जाते. उपक्रमला रुक्ष आणि कोरडेच् लेखन अपेक्षित आहे असे वाटते.
ऐहिक

अशी घाई का करता म्हणतो मी? तुम्ही उपक्रमाचे निकष वाचले नाहीत वाटते? साधना कोळीण, मरणा काय तुझा तेगार वाचायला मनोगत आहे.

(मजकूर संपादित)

-राजीव.

हा अभ्यास करायची काय गरज? जे जसे आहे तसे स्वीकारयला जमत नाही का? जरा स्पष्टच बोललो. पण उगाच वादग्रस्त विषय सुरु करायची गरज काय?

काही दिवसापासून उपक्रम वर माहितीची जी जोरदार देवाण घेवाण चालू आहे.

जोरदार नव्हे. महाजालावर फेरफटका मारल्यास जोरदार कशाला म्हणावे ते आपणास कळेल.

ती पाहता उपक्रम जरा गंभीर वाटते आहे.
हो हो. गंभीर वाटते, पण ही बाब मात्र गंभीर नाही. :)

का हेच सर्वांना अपेक्षीत आहे.?
माझे मत -
मला कोणत्याही संकेतस्थळाकडून काही ठरावीक अशा अपेक्षा नाहीत. केप्र वाल्यांनी शेंगदाणा चिक्की बनवावी आणि मगनलाल ने कैरी,लिंबू,मिरची लोणचे बनवावे अशी अपेक्षा मी ठेवत नाही. माझा मतलब दोन्ही गोष्टी त्यांच्या स्वादाला जागतात तो पर्यंत त्यांचा अस्वाद घेणे इतकाच आहे. ( ही वाक्ये रूपकात्मक आहेत, केप्र आणि मगनलाल चिक्कीवाले ह्यांच्याशी माझे कोणतेही व्यावसायिक संबंध नाहीत ;))

ज्या दिशेने आपण सर्व जात आहोत ते योग्यच आहे.असे म्हणण्याचे धाडस मी करणार नाही.त्याचे कारण असे की,जो तो आप-आपल्या आवडत्या विषयावर लिहितो आहे, परंतु अजूनही उपक्रम वर बरंच काही यायचं आहे,जसे की,विनोदी लेख,काही विरंगुळा,साधना कोळीन सारखा लेख,किंवा मरणा काय तुझा तेगार,असं अजून काही वेगळेपण दिसत नाही .का मी निष्कर्षावर येण्याची घाई केली आहे ?आपणास काय वाटते ?

निष्कर्ष काढायची गरज आहे असे मला तरी वाटत नाही. स्पष्टच लिहायचे झाल्यास मनोगत, मायबोली, माझे शब्द वर जे लिखाण आहे ते, मराठीगझल, सुरेशभट.इन् वर जे काव्य आहे ते आणि या सगळ्या ठि़काणी लिहिणार्‍यांच्या ब्लॉग्सवरील लेख या सर्वांसाठी उपक्रम हे वन स्टॉप सोल्युशन नसल्याने प्रत्येक गोष्ट उपक्रमावर असलीच/दिसलीच पाहिजे असे म्हणणे अट्टाहास ठरेल.

(मराठी संकेतस्थळे - काल, आज आणि उद्या या विषयाला वाहिलेले मराठी संकेतस्थळ काढायला हरकत नाही. ;))

ह्या विषयावरची चर्चा वाचली, बरीच भितीदायक वाटली. (मी ईतर कुठल्याही मराठी साईट वर सभासद नाही, हा पहिलाच प्रयत्न होता, पण आता भिती वाटतिये !!!)

सहज म्हणून लेखनविषयक मार्गदर्शन पाहिले -
"या संकेतस्थळावर प्राधान्याने माहितीप्रधान लेखन आणि चर्चा व्हावी हा उद्देश आहे. "
"प्राधान्याने माहितीप्रधान लेख, चर्चा आणि सध्या असलेल्या (आणि भविष्यात येणाऱ्या) समुदायांच्या अंतर्गत होणारे लेखन असे या संकेतस्थळाचे स्वरूप टिकून राहण्यासाठी इतर लेखनप्रकार जसे की स्वरचित कविता, ललित स्वरूपाचे लेखन इ. इथे होणे अपेक्षित नाही. आपल्याकडून ह्या उद्दिष्टांना सुसंगत असेच लेखन होईल याची काळजी प्रत्येक सदस्याने घेणे अपेक्षित आहे. "

माझा काही हलक्या-फुलक्या लिखाणाला विरोध नाही, पण तो कदाचित ह्या संकेतस्थळाचा "मुख्य" उद्देश नाही . अर्थात, ह्याला विरोधही नाही दिसत. हलके-फुलके लिखाण होतच आहे येथे .

काय वाटते?

'थोरामोठ्यांच्या सहवासात...' या माझ्या 'मनोगत्' वर प्रसिद्ध झालेल्या लेखाचा दुवा इथे दिल्याबद्दल मी राजीव ८२ यांचा आभारी आहे. तसेच हे विडंबन आवडले असे लिहिणार्‍या सर्वांचाही. (हे मी प्रथम उपक्रमच्या हवाली केले होते, पण् ते इथल्या धोरणात बसत नसल्याने इथे प्रसिद्ध् झाले नाही)
ऐहिक

ज्यांना निरनिराळ्या विषयावरच्या माहिती आणि विचारांच्या देवाणघेवाणीमध्ये रस आहे, त्यांच्याकरता उपक्रम हे नक्कीच 'काम की चीज है' असे वाटते.

माझ्यासारख्या मंडळींना, ज्यांना फक्त ललितलेखन, काव्य, हलकेफुलके विनोद, टाईमपास, इतर सभासदांच्या उखाळ्यापाखाळ्या, यात आणि फक्त यातच रस आहे, अश्या मंडळींकरता उपक्रम हे कदाचित गंभीर आणि बोअरिंग होत असावे, असे वाटते!

असो! उपक्रमच्या सध्याच्या ध्येयधोरणांचा एक उपक्रमी म्हणून मलाही आदरच आहे.**

आपला,
(टवाळ!) तात्या.

**(तात्या, मेल्या आदर न करून सांगशील कुणाला? ;)

इथे आम्ही काहीही बरळतो - http://tatya7.blogspot.com/

नमस्कार,

मी उपक्रमावर नवीन आहे. या संकेतस्थळावरील पहिल्या शीर्षक ओळीचा म्हणजे "जरि उद्धरणी व्यय न तिच्या हो साचा हा व्यर्थ भार विद्येचा!" या ओळीचा नक्की उद्देश काय आहे?

याबाबतीत मला आलेल्या शंका-

१) कवितेतील मधलीच ओळ वर लिहिण्याचे काय प्रयोजन? लिहायचे तर संदर्भासकट पूर्ण कडवं तरी मांडावे.

२) या ओळीत जो विचार आहे, तो विचार आणि उपक्रम या संकेतस्थळाचा उद्देश यांचा काही संबंध आहे का?

३) या संकेतस्थळावर कवितांना किंवा ललित लेखनाला बंदी असल्यामुळे ही ओळ मला जास्त खटकते.

४) खरा मुद्दा असा आहे की इथे कविता किंवा ललित लेखनाला बंदी का आहे? तसे करणे योग्य आहे का, ही संपादकांची भूमिका तुम्हाला पटते का? कारण "या संकेतस्थळावर प्राधान्याने माहितीप्रधान लेखन आणि चर्चा व्हावी हा उद्देश आहे" अशी संपादकांची भूमिका आहे, पण कविता माहितीप्रधान असू शकत नाही का? शिवाय विनोद, मनोरंजन, विरंगुळा हे विषय खुले आहेतच की.

कृपया आपले मत मांडावे.

हा चर्चाप्रस्ताव जुन्या चर्चेत समाविष्ट केला आहे याची कृपया नोंद घ्यावी -संपादन मंडळ.