फायरफॉक्समध्ये मराठीत टंकलेखन करण्यासाठी बरेच पर्याय उपलब्ध आहेत. पण ओपन ऑफिसमध्ये जर काही टाईप करायचे असेल तर अजूनतरी बरहा हाच एक बरा पर्याय होता. पण आता सी-डेकने "रुपांतर" म्हणून एक एक्स्टिंशन उपलब्ध करून दिले आहे. ते येथून उतरवून घेता येईल.
http://extensions.services.openoffice.org/project/rupantar

तसे पाहिले तर "एक्सलिट हिंदी" (१) व "गुगल ट्रान्सलिटरेट" (२) असे दोन पर्याय आधीही उपलब्ध होतेच. पण त्यासाठी इंटरनेटची जोडणी आवश्यक होती तसेच त्यात बरेच बग्सही होते. त्यामुळे त्यांना बरहा सारखी प्रसिद्धी मिळाली नाही. रुपांतरदेखील फोनेटिक की-बोर्ड वापरत नसल्यामुळे मला त्याचा तसा फारसा फायदा नाही. पण ज्यांना त्यात टंकलेखन करता येते त्यांना ओपन ऑफिसच्या सर्व सुविधा अगदी स्पेलचेक सकट(३) वापरता येतील.

१) एक्सलिट हिंदी
२) गुगल ट्रान्सलिटरेट
३) मराठी स्पेलचेक