डच मेंबर ऑफ् पार्लमेंट् गिर्ट् विल्डर्स् यांनी काही वर्षांपूर्वीच्या आपल्या "मुक्त लोकशाही युरोपियन् जगतातील मुस्लिम उपद्रव" यावर भाषण करताना असं म्हंटलं होतं की इस्लाम हा धर्म आहे या भ्रमात कोणी राहू नये. त्यात देव व इतर संबंधित संकल्पना आहेत हे खरं. पण खर्‍या अर्थानी इस्लाम ही एक राजकीय विचारसरणी आहे. ती एक अशी व्यवस्था आहे जिच्यात प्रत्येक व्यक्ति व समाजासाठी अगदी बारीक सारिक नियमही घालून दिलेले आहेत. तिला मानवी जीवनाच्या प्रत्येक अंगावर ताबा ठेवायचा आहे. शारियासाठी झटणार्‍या इस्लामचं व्यक्तिस्वातंत्र्य व लोकशाही यांच्याशी जुळण्यासारखं नाही. इस्लामची कशाशी तुलनाच करायची असेल तर ती एकपक्षीय हुकुमशाहीचा पुरस्कार करणार्‍या कम्युनिझमशीच होऊ शकते.

१३ जानेवारी २०१० च्या टाइम्स् ऑफ् इंडियात मुस्लिम गटाच्या निषेध मोर्चावर ब्रिटननी बंदी घातली या शीर्षकाची बातमी प्रसिद्ध झाली होती. त्यात असं म्हंटलं होतं की हा गट मुस्लिम म्हणून ब्रिटनचे कायदे आपल्यावर बंधनकारक नाहीत असं मानतो आणि त्याचा ओसामा बिन् लादेन आणि अल् कायदा यांना पाठिंबा आहे.

वरील बातमी आणि जगभरातल्या बिगर इस्लामी राष्ट्रातील मुस्लिमांचा पर्सनल् लॉ विषयीचा हेकेखोरपणा गिर्ट् विल्डर्स् यांचं म्हणणं अधोरेखित करीत नाहीत काय?

आपणास काय वाटतं?