आयुर्वेद,योग, वेद, संस्कृतीचा[ विवाहसंस्था, सण, शेती, काव्य, संगीत, साहित्य काम शिल्पकला, चित्रकला] या पैकी आपण
जगाला काय दिले ? मला वाटते योग[चीन व पूर्व आशिया पुरता मर्यादित], शिल्पकला [पूर्व आशिया] सोडले तर आपण जगाला
[भारत सोडून] काहीही दिले नाही.आपण आपल्या देशात जे विकसित केले ते जगाने स्विकारले तर ती जगाला देणगी झाली. तसे
काही इतिहासात तरी दिसत नाही. कोणी समजावून सांगेल काय ?
शरद

इंग्लंडला गेले असताना आर के लक्ष्मण एकदा सर बर्ट्रांड रसेल यांना भेटायला गेले होते. गप्पाटप्पा झाल्यावर सर रसेल हसत लक्ष्मण यांना म्हणाले,"शोध लावण्याच्या बाबतीत तुम्हा भारतीयांची कामगिरी शून्यच आहे." एकदमच असे वाक्य आल्याने लक्ष्मण गांगरले. चीड दिसू न देता मग त्यांनी तुम्ही म्हणता ते बरोबर नाही, तत्त्वज्ञान, बुद्धिबळ, खगोलशास्त्र वगैरेचं काय असा प्रश्न रसेल यांना विचारला.
खट्याळपणे रसेल उद्गारले," अरे जरा शांत हो. मी तुम्हा भारतीयांना फार मोठे श्रेय देतोय, प्रशंसा करतोय. शून्याची कल्पना हा गणितशास्त्रातील फार मोठा शोध आहे आणि त्याचे सारे श्रेय भारतीय विचारवंतांना जाते."

-सौरभ.

==================

ह्या बद्दल मी बोलत नाही हो. श्री.त्रास यांनी दिलेल्या गोष्टीं पुरताच माझा प्रश्न मर्यादित समजावा.
[समित्पाणी] शरद

आजकाल संस्कृती शब्द ऐकला की दचकायला होते.

सकाळी ६ वाजता आपण भजन, इ न ऐकता जर आयटम सॉंग ऐकले तर त्याचा तिटकारा येतो.
मला तर 'जै हो' कधीही ऐकले तरी चालते बॉ. याचा अर्थ मी भारतीय नाही असा घ्यावा का? किंवा कदाचित माझी संस्कृती बुडाली असावी का?

----
"Is there a pinkish hue?" -- George Costanza

माफ़ करा, श्री. त्रास, आपण योग[मग तो भले पातंजली ,हट, राज वा भक्तियोग असो] आणि योगासने यांची गल्लत तर करत नाही ना ?
आज योगाच्या नावाखाली जगभर योगासने व थोडासा प्राणायाम एवढेच शिकवले जाते. हा भाग साधनांचा एक अल्प भाग आहे. साध्य
नक्कीच नव्हे. आपणास माहित असलेल्या भगिनीला एकदा अवष्य विचारा,यम-नियम म्हणजे काय ? त्यानी इतक्या दिवसात यातील
काय काय साध्य केले आहे ? अष्टांग योगातील ही प्रथम पायरी त्यांनी आत्मसात केली आहे का ? त्यात त्यांची प्रगती किती झाली आहे ?
मॅकडोनाल्डच्या मार्गाने भारतात आलेले जंक फ़ूड ही अमेरिकेची भारताला " देणगी " म्हणता येणार नाही तसेच योगासने ही शारीरिक
कसरत [त्यांचा उपयोग मान्य करूनही] फ़ार मोलाची देणगी आहे असे मला वाटत नाही.
सुपर मार्केटमधील भारतीय अन्न पदार्थ याला भारताची जगाला देणगी म्हणने अम्मळ ---
शरद

सकाळी ६ वाजता आपण भजन, इ न ऐकता जर आयटम सॉंग ऐकले तर त्याचा तिटकारा येतो.

हे असं सर्वसामान्यिकरण का झालेले आहे इथे? मला नाही बॉ तिटकारा येत. माझा मूड असेल तर सकाळी ६ वाजताच का, पाच वाजताही "खल्लास" ऐकेन.

"प्रेम" इश्वरावरील असेल तर ती पवित्र भक्ती असते आणि मानवाच्या देहावर असेल तर भावना असते. आपल्याला सकाळी ६ वाजता इश्वरभक्तीची आस असते; आयटम सॉंगमधून व्यक्त होणाऱ्या भावनेची नसते, हे त्या तिटकाऱ्याचे कारण असते.

काय मतलबी आहोत आपण? सकाळी ६ वाजता इश्वरभक्ती, ७ वाजता लोकल ट्रेनभक्ती, ९ वाजता बॉसभक्ती, १२ वाजता पोटपूजाभक्ती,सं. ५ वाजता हापिसला टाटाभक्ती, सं. ७ वाजता न्यूजचॅनेलभक्ती, रा. ९ वाजता आयटेम साँग भक्ती असे काही असते का? असेल असेल भारतीयांकडे असे वरिजनल भक्तीयोग असणे शक्य आहे. ;-) ह. घ्या.