अगदी असामान्य नसला तरी, झारच्या काळातील एका गरीब, रशियन ज्यू कुटुंबावर बेतलेला हा चित्रपट (खरं तर ब्रॉडवेवरील संगीतिकेचे रूपांतर) नक्कीच पाहण्यासारखा आहे. पाच मुलींचा बाप असणारा परंपराप्रिय गरीब दूधवाला नायक, चढत्या क्रमाने बंडखोरी करून रूढी/धर्माबाहेर लग्न करणार्‍या मुलींच्या बाबत कसा बदलत जातो याचे छान चित्रण आहे. ज्यूंना मिळणारी दुय्यम दर्जाच्या नागरिकांची वागणूक आणि त्यांच्यावर परागंदा व्हायची आलेली पाळी, हा कथानकाचा मुख्य भाग नसला तरी पार्श्वभूमीवर या गोष्टींचे अस्तित्व सतत जाणवत राहते. अधूनमधून येणारे नर्मविनोदी संवाद आणि त्याकाळच्या रशियन ज्यूंचे बारीकसारीक तपशीलांसह उभे केलेले विश्व ही या चित्रपटाची आणखी काही वैशिष्ट्ये.

उत्पत्ती, स्थिती आणि लयाचे आदिम सत्य सांगणारे हे सुंदर गाणेही याच चित्रपटातले -

नंदन
मराठी साहित्यविषयक अनुदिनी

"लायन्स फॉर लॅम्ब्ज्" रॉबर्ट रेडफोर्ड या अभिनेता दिग्दर्शकाचा हा चित्रपट. चित्रपटात रॉबर्ट रेडफोर्ड बरोबर मेरील स्ट्रीप, टॉम क्रुझ् हे नामवंत देखील आहेत.

चित्रपटाची कथा तीन धाग्यात गुंफली आहे. अमेरीका एका अप्रिय युद्धात आहे. एक रिपब्लिकन सेनेटर टॉम क्रुझ एका नामांकीत पत्रकाराला विश्वासात घेउन "अमेरिकेच्या भल्यासाठी चाललेल्या" या युद्धात जनमत करु पहात आहे व त्या करता त्याने खास तिला १ तास मुलाखत द्यायला बोलावले आहे. पत्रकार मेरील स्ट्रीप हिला व्हिएतनाम युद्धाचा अनुभव आहे व तिला असे वाटते आहे की पुन्हा राजकारणी मंडळी आपली महत्वाकांशा पूर्ण करण्यासाठी ही सगळी धुळफेक करत आहेत व पत्रकारांचा वापर करत आहेत. रॉबर्ट रेडफोर्ड एक प्राध्यापक आहे व तो त्याच्या एका हुशार पण आता अभ्यासात दुर्लक्ष करणार्‍या विद्यार्थ्याचे मतपरिवर्तन करु पहात आहे, रेडफोर्डचे दोन होनहार विद्यार्थी देशासाठी व आयुष्यात काही उदात्त करायचे ह्या हेतुने अमेरिकेसाठी सैन्यात भरती होउन युद्धात भाग घेत् आहेत व एका सैनिकी मोहीमेत त्यांच्या तुकडीवर हल्ला होउन ते दोघे लढत आहेत.

सैनिक, विद्यार्थी, प्राध्यापक, पत्रकार, राजकारणी प्रत्येकाची काय भुमीका, कोणता निर्णय असे काहीसे स्वरुप असलेला हा चित्रपट एकदा विकांताला घरी बघायला काही हरकत नाही.

"स्पाय गेम" हा रॉबर्ट रेडफोर्ड व ब्रॅड पीटचा थ्रिलर सिनेमा देखील पहाण्यासारखा आहे. नुकत्याच येउन गेलेल्या "बॉडी ऑफ् लाइज्" ह्या रसेल क्रो व लिओनार्डो असलेल्या सिनेमापेक्षा "स्पाय गेम" जास्त उजवा वाटला.

इण्टू धि वैळ्ड् बघा.

हैयो हैयैयो!

१. फरगेटींग सॅरा मार्शल - पाहिला. चांगला आहे. बघावा. रेटिंग - ३

२. डार्क नाईट - पाहिला. वैताग आला. रेटिंग - १.५

३. वाँटेड - पहाण्याचा निष्फळ प्रयत्न केला. किळस आली. रेटिंग - -३

४. वॉट हॅपन्स इन वेगास - वेळ बरा जाईल असा आहे. रेटिंग - ३

५. यू डोन्ट मेस विद द् झोहान - अरेरे! हसावं का रडावं ते कळले नाही. रेटिंग - -१

६. गेट स्मार्ट - टीपी आहे. आवडला पण आवडण्याचे कारण श्ट्रीक्टली स्टीव कॅरेल आहे हे ध्यानात घ्यावे. रेटिंग - ३.५

७. मामा मिया - ऍबाचे फॅन असाल तर चित्रपट आवडेल. सादरीकरण आवडले नाही. रेटिंग - २.५

८. इंडिएना जोन्स अँड किंगडम ऑफ द क्रिस्टल स्कल - सर्वांनी माफ करा. आवडला असं म्हणावंच लागतं. रेटिंग - ३

९. हॅनकॉक - अर्ध्यापर्यंत ठिक. सुप्पर वुमन आली की पुढे बघितला नाही तरी चालेल. रेटिंग - १.५

रेटिंग्ज प्रियालीची आहेत.

आईस एज १ आणि २
दोन्ही झक्कास आहेत.

एकदंरीतच मराठी /हिंदी चित्रपटासाठी एखादे संकेतस्थळ आहे काय? ज्या संकेतस्थळावर चित्रपट समिक्षा, परिक्षण, गुणांकन इत्यादी असायला हवे.