आपण पहिल्या दोन लेखांमध्द्ये छायाचित्र सुधारण्याकरिता ब्रश,स्टॅंप टूल्स व लेवल्चा यांचा उपयोग कसा करावयाचा याची माहिती घेतली. श्री. घाटपांडॆ यांचे सांगण्यावरून ही माहिती व्हिझार्ड स्वरूपांत देणे जास्त उपयुक्त ठरेल असे वाटते. तशी सुरवात करण्याआधी फ़ोटोशॉपचा उपयोग करून चित्रातील नको असणारे भाग काढून टाकणे, फ़ोटॊ- कॉंपोझिशन व संगणकावर चित्रे[paintings] कशी काढावित याची महिती घेऊ.
नको असलेले भाग म्हणजे डोक्यातून उगवलेली झाडे किंवा खांब, निसर्ग चित्रांत खटकणार्‍या विजेच्या तारा, गर्दीच्या ठिकाणी फ़ोटोत आलेली आगंतुक माणसे इत्यादी.
बहुतेक वेळीं स्टॅप टूल किंवा हिलींग ब्रश काळजीपूर्वक वापरून ,सोर्स पॉईंट योग्य तो निवडून काम भागते.दोन साधी उदाहरणे घेतली आहेत. परत एकदा आठवण करून
देतो कीं १] प्रथम हिस्टरी पॅलेट उघडावयाची, २] Contr+L दाबून नवीन लेअरवर काम करावयाचे.

फ़ोटो कॉंपोझिशन म्हणजे चित्रांत केलेले ठळक [drastic] बदल. वरही आपण बदलच केले पण ते सुधारणा [edition] सदरात मोडणारे होते. इथले बदल हे चित्रात आमुलाग्र बदल करणारे होत. एक साधे उदाहरण घेऊ. कर्दळीचे फ़ूल. त्याचा साधा नेहमीचा रंग. आपण त्याचा रंग बदलून तुम्हाला पाहिजे तो रंग देऊ शकता. तो दुरंगी-तिरंगी करा
वा त्याचा आकार बदला.contर+U दाबून आपणाला hue + saturation ची चौकट मिळते. hue खालील पट्टीवरचा त्रिकोण डावीकडे किंवा उजवीकडे सरकवला की रंग बदलण्यास सुरवात होते. saturation खालच्या पट्टीतला त्रिकोण हलवून आपण रंगाचा फ़िकेपणा- गडद्पणा बदलू शकता. यामुळे चित्रातील सर्वच रंग बदलतात. पण
जर फ़क्त एकच रंग बदलावयाचा असेल तर चौकटीतील master शेजारील बाण दाबल्यावर निरनिराळ्या रंगांची पट्टी दिसते. उदा. लाल, हिरवा, त्यातील पाहिजे तो निवडा.
तेवढ्याच रंगांत फ़रक करा.

स्टॅंप टूलचा उपयोग केलेला गिरिधर बघा. पहिल्या चित्रातल्या बोटापर्यंत दोनही बाजूंनी स्टॅंप टूलचा वापर करून आकाश आणले आहे.वरचा प्रचंड खडक आता लीलया एका बोटावर पेलता आला आहे.

दोन चित्रांमधील भाग एका चित्रात आणणे. हा फ़ार गमतिदार प्रकार आहे. दोन फ़ोटो घ्या. पहिल्यातली एक व्यक्ती select करा.Contr+J ने नवीन लेअरअवर घ्या.
तेथून ओढून [drag] दुसर्‍या चित्रात न्या. Contr+V दाबून मग त्याला दुसर्‍या चित्रांत कुठेही चिकटवा.चित्रातील व्यक्तीही उलट्सुलट फ़िरवा[flip] व त्यांची चित्रातील जागा
बदला. गंमत म्हणून.

समित्पाणी