अमेरिकेतील एनआरआयना जॉब थ्रेट ही मटामधील बातमी अगदी 'मटाछाप' असली तरी त्यात (चक्क!) थोडे तथ्यही आहे हे खरे. त्यातील हे काही परिच्छेद,

अमेरिकी मंदीच्या पार्श्वभूमीवर, तेथील काही मराठीजनांच्या मनाचा कानोसा 'महाराष्ट्र टाइम्स'ने घेतला. अमेरिकेतील मंदीमागे गृहकर्ज क्षेत्रातील समस्या मुख्यत्वे कारणीभूत आहेत. त्याशिवाय, बुश सरकारचे आथिर्क धोरण, आंतरराष्ट्रीय बाजारातील तेलाच्या भडकलेल्या किमती, इराक-अफगाणिस्तानातील अमेरिकन सैन्यावरील अवाढव्य खर्च आणि अध्यक्षपदाची निवडणूक आदी बाबींमुळे मंदीची तीव्रता वाढल्याचे निरीक्षण न्यू जर्सी येथील 'रिसोर्समाइन कॉर्पोरेशन'मधील टेक्नॉलॉजी कन्सल्टंट अमोल जोशी यांनी नोंदवले. मंदीचा फटका सर्वात प्रथम 'ब्लू कॉलर' कर्मचाऱ्यांना बसल्याचे त्यांनी सांगितले. जीई इलेक्ट्रॉनिक्स, आयबीएम, फोर्डसारख्या दिग्गज कंपन्यांसह आयटी कंपन्यांनीही कर्मचारी कपात सुरू केली आहे. त्याची झळ मूळ अमेरिकन कर्मचाऱ्यांसोबत एनआरआयना बसत असल्याचेही ते म्हणाले. अमेरिकेतील नोकऱ्यांत भारतातील आयटी प्रोफेशनल्स तसेच इंजिनीअरांना मुबलक संधी होती. परंतु आता हे चित्र बदलत असल्याचा आपला अनुभव आहे, असे प्लेसमेंट सव्हिर्स देणाऱ्या एडिसन सिटीतील 'लेखा कॉपोर्रेशन'मधील प्रोग्राम ऍनालिस्ट सोनाली कुलकर्णी यांनी सांगितले. मंदीमुळे भारतातून अमेरिकेत नोकरीसाठी येणाऱ्या प्रोफेशनल्समध्ये घट झाल्याचे त्या म्हणाल्या.

बोस्टनच्या 'डेन्टाक्वेस्ट कॉपोर्रेशन'मध्ये प्रोग्राम ऍनलिस्ट असलेले संतोष दाभोळकर यांनीही मंदीमुळे एनआरआयना जॉब थ्रेट असल्याचे मान्य केले. तेथील जॉब कन्सल्टंटस सामान्य परिस्थितीत एका उमेदवाराला महिनाभरात किमान तीन जॉब ऑफर करत होते; मंदीमुळे हे प्रमाण 'महिनाभरात एक जॉब' असे झाले आहे. नवीन कर्मचाऱ्यावर जास्त खर्च करण्यास कंपन्या तयार नाहीत, असे दाभोळकर यांनी सांगितले.

मंदीमुळे कंपन्या प्रकल्प अर्ध्यावर सोडत असल्याने 'ले ऑफ'ची संख्या वाढत असून एनआरआयच्या नोकऱ्यांवर अनिश्चिततेची छाया पडल्याचे कन्सास प्रांतातील जीसीआय कंपनीतील टेक्निकल टीम लीडर हृषिकेश भिडे म्हणाले. भारतातील कंपन्यांचे प्रतिनिधित्व करणाऱ्या एनआरआयच्या व्हिसाची मुदत संपल्यास ती वाढवणे संबंधित कंपन्यांना कठीण जाते. त्यामुळे एनआरआयना भारतात परतावे लागत असल्याचे भिडे यांनी सांगितले.

अमेरिकेत येऊ घातलेली (काही वित्तीय संस्थांच्या मते आलेली) मंदी आणि डॉलरचे घसरते दर या कारणांमुळे एकूणच संधी कमी झालेल्या आहेत. अमेरिकेत नोकरीत स्थिरावलेल्या लोकांना तातडीने काही धोका आहे असे वाटत नाही पण तळ्यात-मळ्यात असलेल्या लोकांना याचा फटका बसू शकतो. याउलट भारतात आयटी वगळता इतर क्षेत्रात अनेक संधी निर्माण झाल्यात आणि त्यांची संख्या आणि 'पे पॅकेज' दिवसेंदिवस वाढते आहे.

तर या विषयावर देशा-परदेशात (अमेरिकेत आणि इतरत्र) असलेल्यांनी आपले अनुभव, पर्स्पेक्टिव (दृष्टिकोन?) आणि पुढे काय होऊ शकते याविषयी मते या चर्चेत सांगावे अशी विनंती.