उपक्रम वाचनमात्र उपलब्ध आहे.
कॉल ऑफ ड्यूटी : मॉडर्न वॉरफेअर
वैद्य
January 8, 2008 - 8:37 pm
 |
हॉलिवूडच्या बिग बजेट चित्रपटांना मागे टाकणारे आजकालचे कम्प्युटर/एक्स् बॉक्स/ पी एस् टू खेळ बघितले, की हा करमणुकीचा विभाग आता 'पोरखेळ' राहिलेला नाही ह्याची प्रचिती येते. चित्रपट माध्यम कितीही करमणूक प्रधान असलं तरी प्रेक्षक हे प्रेक्षकावस्थेतच त्याची मजा लुटू शकतात. संगणकीय खेळांमध्ये मात्र कथानकाचे तुम्हीच नायक आणि तुमच्या इशर्‍यावर सगळ्या घटना घडतात. ही मूलभूत संकल्पनाच ह्या खेळांच्या निर्विवाद यशामध्ये आहे. तसेच एखादा चित्रपट तुमची फार फार तर २-३ तास करमणूक करू शकतो पण हे संगणकीय खेळ मात्र कितीतरी अधिक पटीने (कधी कधी ६० ते ७० देखिल) तासांचे मनोरंजन घेऊन येतात. अर्थातच त्यांमुळे कितीतरी घरांमध्ये आजकाल लहान मुलांपेक्षा त्यांचे आईवडीलच एक्स बॉक्स/निटेंडो ह्यांची मजा लुटताना दिसतात. 'इलेक्ट्रिनिक आर्टस्' 'ऍक्टीव्हिजन' वगैरे स्टुडीओजना युनिव्हर्सल, वॉर्नर ब्रदर्स अश्या प्रथितयश हॉलिवूडच्या स्टुडिओंइतकेच वलय लाभले आहे.
कॉल ऑफ ड्यूटी : मॉडर्न वॉरफेअर हा संगणकीय खेळ ऍक्टीव्हीजन ह्या स्टुडिओची चौथी आवृत्ती आहे. आता पर्यंतच्या सर्व आवृत्त्यांमध्ये दुसर्‍या महायुद्धाची पार्श्वभूमी होती . ह्या नव्या आवृत्तीत मात्र समावेश केला आहे आधुनिक जगतातील युद्धांचा. युद्धस्य कथा रम्य!! थरार साहस वीररस असल्या गोष्टी ठासून भरलेल्या असल्याने युद्धाशी निगडित कथा/ चित्रपट आपण नेहमीच आवडीने पाहतो. मॉडर्न वॉरफेअरच्या मनोरंजनाचे रहस्य देखिल हेच आहे. तीन अंकांमध्ये विभागलेले कथानक हे पूर्णपणे काल्पनिक असले तरी अतिशय वेगवान आहे. पहिला अंक इराक सदृश काल्पनिक देशात घडतो जिथे तुम्ही अमेरिकेच्या मरीन्स शाखेमध्ये भरती होऊन जाता. दुसर्‍या अंकात पूर्व युरोप मधील काल्पनिक मिशन्स मध्ये ब्रिटनच्या स्आस् चे प्रतिनिधित्व करता. दोन्ही अंकांचा शेवट तिसर्‍या अंकात होतो. तिनंही अंकामध्ये थरार वीररस साहस ठासून भरले आहे. जमिनीवरून शत्रूशी लढाई, लपून केलेला गनिमी कावा, विमानातून बॉम्बींग हे सगळे भरपूर अनुभवायला मिळते. निरनिराळ्या बंदुका, रणगाडे, विमाने,ग्रेनेड्स हे मनसोक्त हाताळायला मिळते. डिजीटल तंत्रज्ञानातील क्रांतीमुळे ग्राफिक्स इतके वास्तवदर्शी झाले आहे की बर्‍याच प्रसंगांमध्ये ते रोमांच उभे करते. त्याचबरोबर नेमके पार्श्वसंगीत आणि अल्फा चार्ली टँगो असल्या भाषेत चालणारे संभाषण ह्या दोन गोष्टी वातावरण निर्मिती इतकी अचूक तयार करतात की खेळताना आपण पूर्णपणे गुंगून जातो.
हे सगळे व्यवस्थित चालण्यासाठी तुमचा संगणक मात्र चांगलाच ताकदीचा असला पाहिजे. बर्‍यापैकी नवा प्रोसेसर, २ जी बी रॅम आणि जी फोर्स ७६०० ला समांतर तोडीचा ग्राफिक्स प्रोसेसर कमीत कमी असला पाहिजे. इतकी सामुग्री जर तुमच्या जवळ असेल तर तुम्हाला ह्या मॉडर्न वॉरफेअर चा अप्रतिम अनुभव घेता येईल.
 |
दुवे:
Comments
झकास
माझ्या आवडत्या खेळाबद्दल वाचून फार आनंद झाला पण मॉडर्न वॉरफेअर साठी २ जी बी रॅम आणि जी फोर्स ७६०० ला समांतर गलागते हे ऐकून वीरस झाला. १जीबी रॅम नाहि का हो चालणार ;)
बाकी हा काय किंवा कमांडोज काय असे "स्ट्रॅटेजी" वर आधारीत खेळ खेळणे फारच मस्त असते. :)
-ऋषिकेश
धन्यवाद
अभिप्राया बद्दल धन्यवाद ऋषीकेश!
मिनिमम रिक्वायरमेंट बहुदा १ जी.बी रॅम असावा. वरती दिलेले आकडे हे मी माझ्या संगणकाचे आहेत.. आणि मला सेटींग्ज् बरेच लो करून खेळावे लागले होते.. त्यामुळे बर्‍यापैकी खेळणेबल अनुभव घेण्यासाठी २ जीबी रॅम तरी असावा असे माझे व्यक्तिगत मत आहे.
मॉडर्न वॉरफेअर (आणि सगळेच कॉल ऑफ ड्युटी) हे 'फर्स्ट पर्सन शूटर' विभागात येतात.. 'स्ट्रॅटेजी' विभागातले खेळ जास्त आवडत असतील तर कदाचीत थोडासा विरस होऊ शकतो.
छ्या !!
२ जीबी रॅम !! @#@#@@@# !! गड्या आपला प्याक् म्यान बरा ! हाहाहा ....
कोलबेर तुमचा लेख बाकी आवडला ;-)
वा!
मस्त लेख. विषय जिव्हाळ्याचा असल्याने जास्त आवडला. मी डूम ३ च्या नंतर लढाईचे गेम्स खेळलेलो नाही. नंतर एज ऑफ एम्पायर्स हाती लागला आणि माझ्या आयुष्याचा बराच काळ त्यात गेला. शेवटी जेवण, झोप अशा अत्यावश्यक गोष्टींकडेही दुर्लक्ष व्हायला लागले तेव्हा "दाउ शॅल नॉट प्ले कॉम्पयुटर गेम्स" अशी कमांडमेंट स्वतःवर लागू केली आणि जड अंतकरणाने अनइन्स्टॉल केला. :) अजूनपर्यंत ती कमांडमेंट अबाधित आहे.
माझ्याकडे २ जीबी रॅम आहे पण बरोबरीला व्हिस्टा आहे त्यामुळे आपोआप १ जीबी होत असावे.
अवांतर : लेख वाचून एक वाक्य आठवले, "And lead me not into temptation - I can find it myself!" ;)
----
"काय करणार? जुनी खोड. स्वतःलाही सोडलं नाही. नको ते प्रश्न, नको त्या शंका विचारणारच." -- मास्तर, सामना चित्रपटात.
खी खी
खी खी:)).. असं सगळ्यांच्या बाबतीतच होतं का? आम्ही चार मित्रांनी आशी एन् एफ् एस् सोडताना नंतर एज ऑफ एम्पायर्स सोडताना अश्याच प्रतिज्ञा घेतल्या होत्या ;)
माहिती
माहिती चांगली आहे. पण आपल्याला बॉ या विषयातलं काहीच नाही कळत. कॉलेजात असताना इलेक्ट्रॉनिक खेळ खेळायचो पण खूप वेळ जातो आहे असे लक्षात आले आणि बंद केला. आजूनपर्यंत अशा खेळांना हात लावला नाही.
आपला,
(अ़ज्ञानी) भास्कर
आम्ही येथे वसतो.
धन्यवाद
भास्करराव,
मधल्या काळात तंत्रज्ञानातील प्रगतीमूळे ह्या खेळांच्या स्वरूपात आता अमुलाग्र बदल झाला आहे. एकदा ट्राय करुन बघाच!
स्सह्ही रे ..!
आयला, उपक्रमावर "कॉल ऑफ ड्युटी -४" वरचा लेख वाचुन् अंमळ सुखद धक्का बसला.
आम्ही २ महिन्यापुर्वीच हा गेम इन्स्टॉल केला होता, त्यातले अत्युच्च ग्राफीक्स, काही "टीम कॉर्डीनेशन ऍक्टिव्हीटी" , नवे वेपन्स , स्ट्रॅटेजी वगैरे गोष्टी आवडल्या.
पण् गेम म्हणवा इतका "कठिण" वाटला नाही, जिथे तुमची पक्की लागेल असे एकही मिशन नाही ह्यात. ....
अर्थात हे माझे मत झाले म्हणा पण तरीही "काठिण्य आणि अंगावर काटा" आणण्याच्या हिशोबात हा गेम म्हणावा एवढा "उच्च" नाही ...
अपवाद : फक्त ते "चेकॉव्ह"ला लांबुन् डोक्यात गोळी मारण्याचे मिशन ...!
अवांतरः
सर्वच पातळीत अत्युच्च व भरपुर् आनंद देणारे गेम्स म्हणजे " आय जी आय - १ व २ , रिटर्न टु कॅसल वुल्फस्टाईन " ....
"आय जी आय-२ " तर गेम्सचा बाप आहे, शब्दशः माणुस येडा होतो खेळताना
------
( गेमप्रेमी ) छोटा डॉन
एखाद्याला देव म्हटलं की देवाच्या चुका दाखवता येत नाहीत, चुका दाखवल्या की भक्तांना त्रास होतो.
त्यात अजुन देवाला "स्वेटर" घालणे ही तर अजुनच मजेशीर गोष्ट. असो. ;)
लारा क्रॉफ्ट
टूम्ब रेडर -२ नंतर आम्ही असा कोणताही गेम खेळलो नाही. टूम्ब रेडर मधील थिएटर या लेवललाही ३ दिवस लागले होते).
जबरा होता गेम.
मात्र मारिओ ब्रदर्सची मजा यापैकी कोणत्याही खेळात नाही हे सांगावेसे वाटते. ;))
आपला
आजानुकर्ण मारिओ.
बोलो जाता बरळ, करिसी ते नीट। नेली लाज धीट, केलो देवा॥
मारीयोकर्ण :)
मग मॉडर्न वॉरफेअर खेळून बघाच!
हा धागा पुनर्जिवीत झालेला पाहून अत्यानंद झाला.
मध्यंतरी निटेंडो वी आणि वी फीट वगैरे आणल्यावर संगणकीय खेळ बंदच झाले होते. वी च्या अद्भुत जॉयस्टीक्समुळे टेनीस गोल्फ वगैरे खेळताना प्रचंड धमाल आली. पण आता पुन्हा एकदा aswd ह्या किजवर बोटे शिवशिवू लागली आहेत! ;)
अवांतर : नव्या प्रतिसादाने धागा वर येण्याची सुविधा ठेवल्यास खूप उपकार होतील. छोटा डॉन ह्यांनी खरड केल्यावरच मला ह्या धाग्याव्र नविन प्रतिसाद आल्याचे समजले!
नव्या प्रतिसादाने धागे वर येतात
नवे लेखन वर टिचकी मारून त्यातील लेख/चर्चा यावर गेले तर प्रतिसाद दिलेला धागा वर आला आहे असे दिसेल. नवे लेखन मध्ये फक्त नवे लेखन दिसते.
बोलो जाता बरळ, करिसी ते नीट। नेली लाज धीट, केलो देवा॥
गतकाळाचा आढावा
२८६ वर क्युबेसिक मध्ये स्नेक गेम आणि गोरिला, नंतर ३८६ वर टेट्रिस, पॅक-मॅन, बुक-वर्म, माईन-स्वीपर, ४८६ वर प्रिन्स, मारिओ, अल्लादिन, किन४, रुबिक गेम्स, बायोमेनास, तैपेन आणि मस्त त्रिमितीय खेळ वुल्फ३डी ला कोण विसरू शकेल? सोबत रोड-रॅश होताच.
पेंटियम आल्यावर प्रथम शॅडो वॉरियर, ड्युक, व्ही-कॉप, डूम, क्लॉ, क्लोज कॉम्बट, ब्लड, क्वार्क.
भातुकलीची बोळकी मिळाली, परवा कपाट लावताना,
माझी किती उडाली धांदल, गेल्या काळामागे धावताना... - चंगो.
_______________________________________________
भो भद्र कृतं मौनं कोकिलैर्जलदागमे ।
वक्तारो दर्दुरा यत्र तत्र मौनं हि शोभनम् ।।
सॉलिटेअरला विसरलात
वरील सर्व खेळांनी आमचे कॉलेजजीवन सुसह्य केले होते. वुल्फ ३डी तर डोके गरगरवून टाकणारा अनुभव होता.
या वरील खेळांबरोबरच २डी झॉनिक्स आणि नंतर ३डी एअर झॉनिक्स हे खेळही अगदी व्यसन लावणारे होते.
बोलो जाता बरळ, करिसी ते नीट। नेली लाज धीट, केलो देवा॥
सही
अरे हो की.. हा प्रकार आम्ही पण तास न् तास खेळलेला आहे. पुन्हा कुठे उतरवुन घ्यायला मिळतो का बघतो आता..
(नॉस्टॅलजीक) कोलबेर