उत्तम विषय आहे. प्रतिसादांबद्दल उत्सुकता आहे. दरम्यान तुमचा संगणक आजारी असल्यास उपचार कुठे उपलब्ध आहेत याची सविस्तर माहिती इथे मिळू शकेल.

----
"काय करणार? जुनी खोड. स्वतःलासुद्धा सोडलं नाही. नको ते प्रश्न, नको त्या शंका...विचारणारच." -- मास्तर, सामना चित्रपटात.

किटाणू, विषाणू. जिवाणू आणि अळ्या कोण आणि कसे तयार करते? धंद्याचा विचार करून अनेक संस्थाच हे काम करत असतील का?

अतिशय प्राथमिक स्तरावर विषाणू म्हणजे संगणकाच्या नेहमीच्या कामात अडथळे आणणार्‍या किंवा संगणकाला नेहमीप्रमाणे काम करू न देणार्‍या इ. आज्ञावल्याच असल्याने संगणकाचे आणि आज्ञावली लिहिण्याचे विशेष ज्ञान असणार्‍या लोकांनाच यांची निर्मिती करणे शक्य आहे. सर्किट यांनी म्हटल्याप्रमाणे असे करण्यात विषाणूरोधक प्रणाल्या बनवणार्‍या संस्थांचा सहभाग असण्याची शक्यता कमीच.

आपल्या संगणकाला प्रादुर्भाव झाला आहे हे कसे ओळखावे?

संगणक नेहमी प्रमाणे न चालणे, काही फाईल्स डिरेक्टरीज़ दिसेनाश्या होणे अशी काही लक्षणे आहेत पण खात्री करण्यासाठी (आणि तातडीने योग्य तो उपाय करण्यासाठी) कोणतेही चांगले विषाणूरोधक संगणकावर असणे आवश्यक आहे.

हा प्रादुर्भाव करण्याचे कोण कोणते राजमार्ग आणि छुपे मार्ग आहेत?

घरगुती संगणकांच्या दृष्टीने पाहता विरोपांतून आलेल्या अटॅचमेंट्स, विषाणूबाधित संगणकाला जोडलेले रिमुव्हेबल स्टोरेज (यूएसबी डिस्क इ.) आपल्या संगणकाला जोडणे ही काही प्रमुख कारणे आहेत. बाकी "हजारो पानांचे पुस्तक भरेल इतके .. " मार्ग आहेत हेही खरेच.

हा प्रादुर्भाव रोखण्याचे कोण कोणते राजमार्ग आणि छुपे मार्ग आहेत?

कोणतेही चांगले विषाणूरोधक संगणकावर असावे आणि ते अद्ययावत असावे.

लिनक्स हा हल्ला रोखू शकते का?

लिनक्स ची सुरक्षेला अनुकूल संरचना, आणि आज्ञावल्या ('कोड' ला चपखल पर्यायी शब्द काय?) सर्वांना पाहता येणे शक्य असल्याने त्रुटींचे कमी प्रमाण (विषाणू किंवा कृमी त्रुटींचा फायदा घेऊनच उपद्रव करतात हे लक्षात घेता या मुद्द्याचे महत्त्व कळेल.) इ. प्रमुख कारणांमुळे लिनक्स वर धोक्याचे प्रमाण कमी आहे. म्हणूनच कदाचित ही यादी अतिशय लहान आहे.

चाणक्यराव,

हे सदर सुरू करून उत्तम केलेत. जाता जाता आम्हीही एक प्रश्न विचारू इच्छितो. येथील कुणी त्याबद्दल माहिती दिल्यास आणि इलाज सुचवल्यास आम्ही आभारी राहू..

गेले बरेच दिवस आमच्या संगणकातील डी ड्राईव्ह हा खूप कटकट करतो आहे. त्यातील कोणत्याही फाईल्स् उडवता येत नाहीत आणि त्या ड्राईव्ह मध्ये नव्याने कोणत्याही फाईल्स् वाचवता (सेव्ह करता) येत नाहीत. काय इलाज करावा बरं? आम्ही तर अगदी हैराण होऊन गेलो आहोत! असो..

अवांतर - चाणक्यराव, आपल्या नावाशी निगडीत, नुकतीच इथे एक लेखमाला सुरू झालेली आहे!

असो..

तात्या.

--
न लगे मुक्ति आणि संपदा, मिसळसंग देई सदा!

काहि दिवसांपुर्वी घरच्या संगणकावर फायरफॉक्स एक छोटी खिडकी उघडायची त्यात लिहिलेले असायचे, मी फायरफॉक्सचा द्वेष करत नाही, पण मला फायरफॉक्स आवडत नाही. इंटरनेट एक्सप्लोरर न्याहाळक वापरा. मग फायरफॉक्स न्याहाळकाची खिडकी बंद व्हायची. तपासाअंती कळले कि हा विषाणू यु एस बी मधुन येतो.

आपल्याला असेच काही विषाणू माहित आहेत का?

अवांतरः यु एस बी ला मराठी शब्द काय?

संगणकावरच्या विषाणूंसाठी एव्हीजी हे तीव्र गुणकारी औषध आहे. वैयक्तिक वापरासाठी ते निःशुल्क आहे.

दुवा - http://free.grisoft.com/

स्नेहांकित,
शैलेश

अँटी व्हायरस म्हणजे नक्कि काय आणि अँटी स्पाय म्हणजे काय? आता म्हणाल तुला एवढंपण ज्ञान नाही का? पण हे खर आहे कि स्पायवेअर म्हणजे नक्कि काय असत हे आम्हाला माहित नाही.
बाजारात अनेक विषाणुरोधक प्रणाल्या असतात तसेच फुकट सुद्धा? मग चांगले कोणते?