अतिशय उत्तम कल्पना. नियतकालिके व ऑनलाईन मराठी लेखन यांनी एकत्र काम केले तर ते दोघांच्याही फायद्याचे होईल. नियतकालिकांचा व मराठी संकेतस्थळांचा वाचकवर्ग वाढेल.

-- आजानुकर्ण

कल्पना नक्कीच चांगली आहे आणि आवडली. त्याचे सर्व "लॉजिस्टीक्स" पहावे लागेल इतकेच सांगावेसे वाटले.

उत्तम कल्पना आहे,
मी सामील व्हायला लगेच तयार आहे.

याशिवाय जितक्या मराठी शाळा उपक्रमात येतील तितकेही चांगलेच.
त्यांना युसेबल वाटेल असे आपण काय देवू शकतो असाही विचार यात यावा.

आपला
गुंडोपंत

कल्पना मस्तच.. पण उपलब्ध "रिसोर्सेस्" आणि तिसर्‍यापक्षावरील (म्हणजे नियतकालिके वगैरे) अवलंबित्व यामुळे अंबलबजावणी कितपत जमेल याबाबत साशंकता आहे. तरिही असा उपक्रम सुरु झाल्यास अथवा सुरु करायचा ठरल्यास माझा सक्रिय सहभाग गृहित धरावा कारण कल्पना फारच आवडली आहे

(साशंक तरीही उत्सुक)ऋषिकेश

लेख विचारप्रवर्तक हवेत. त्यांचे विषय काळजीपूर्वक निवडायला पाहिजेत. फॅशन, शृंगार, चालू खेळ-क्रीडा, गुन्हेगारी , गलिच्छ राजकारण, निवडणुका वगैरे तत्कालीन महत्त्व असलेले विषय नकोत. ज्यांची वाचननीयता कालान्तरानेही टिकून राहील असेच लेख पाहिजेत.
विषयवार अनुक्रमणिका पाहिजे. एखादा लेख दोन तीन विषयांना स्पर्श करीत असेल तर त्याचे नाव तितक्या याद्यांत येणे श्रेयस्कर. --वाचक्‍नवी

खालच्या मजल्यावरून आग लागल्यासारख्या हाका ऐकू आल्या म्हणून दरवाजा उघडायला खाली जाणे भाग पडल्याने घाईघाईने प्रतिसाद पाठवला. परिणामी टंकन दोष घडला. अर्थात इतर कारणानेही होऊ शकतो. आत्तापुरती ही सबब! वाचनीयता हा शब्द दहावेळा टंकून डोळ्यात ठसवला. यापुढे निदान हा शब्द टंकताना चूक होणार नाही अशी अपेक्षा आहे.
विदग्ध म्हणजे विद्वान हे नक्की. विश्रब्ध मधला मूळ धातू विश्रम्भ्‌(१ आत्मने). अर्थ विश्वास टाकणे, आत्मविश्वास असणे. विश्रम्भ हे नाम
देखील आहे. अर्थ विश्वास, खात्री, विश्रांती. विश्रब्ध चे शब्दकोशातील अर्थ: विश्वासणारा; विश्वासू; निश्चिंत, निर्भय; धमक असलेला, जोमदार; शांत, निश्चल; नम्र वगैरे.
विश्रब्धशारदा असे एका संस्कृत नियतकालिकाचे नाव होते. तिथे कुठला अर्थ अभिप्रेत होता ते अजूनही माहीत नाही. विद्वान शारदा असाच अर्थ असावा असे धरून सर्वजण चालत असावेत. आता वाटतंय की ती शारदा नम्र आणि विश्वासू (फेथफुल ऍन्ड मोस्ट ओबिडियन्ट) असावी.
तुमच्या विद्वान मित्रांचे काय म्हणणे होते?--वाचक्‍नवी

मराठी असे आमुची मायबोली तिला बैसवूं वैभवाच्या शिरी |
***********************************
"लोकमित्र मंडळ " या कल्पनेला सर्वश्री. आ'कर्ण,विकास, गुंडोपंत,ऋषीकेश,सर्किट,आणि वाचक्नवी यांनी पाठिंबा दर्शविला आहे तो नि:संशय मनःपूर्वक आहे. या संदर्भात काही करणे शक्य असल्यास ते आपण सर्वांनुमते करायचे आहे. प्रथम कार्यकारी मंडळ ठरायला हवे.

त्यात माझेही नाव जोडा. कार्यकारी मंडळ शक्यतोवर भारतात असावे, त्यांना आपल्या खर्‍या नावांसकट/कागदी पत्रांच्या पत्त्यासकट पत्रव्यवहार करता यावा.

सर्वानुमत सुरुवातीला महत्त्वाचे. ते तसेच योग्य आहे. (सर्वानुमत = प्रत्येक सदस्यापाशी नकाराधिकार.)

मंडळ लहान असेपर्यंत सदस्य नकाराधिकाराचा वापर काळजीपूर्वक करतील अशी परस्पर-सुहृद म्हणून अपेक्षा करता येते. मंडळ १० सदस्यांपेक्षा मोठे झाले, की नकाराधिकाराने कामकाज थिजू शकेल.

धनंजय

कल्पना फारच छान आहे. माझे सभासदस्यत्व निश्चित! किंबहुना "खारीचा वाटा" उचलण्यासही उत्सुक.

(खारूदादा) सुनील

कल्पना उत्तम आहे. कार्यकारी मंडळ भारतातील असावे या धनंजयांच्या म्हणण्याशी सहमत.

सर्वांना शुभेच्छा!

म्हणतो. प्रतिसादांशी सहमत आहे. पुढील वाटचालीसाठी मनःपूर्वक शुभेच्छा.
----
"काय करणार? जुनी खोड. स्वतःलासुद्धा सोडलं नाही. नको ते प्रश्न, नको त्या शंका...विचारणारच." -- मास्तर, सामना चित्रपटात.

कल्पना आवडली.
आम्हालाही या उपक्रमात सहभागी करुन घेत असाल तर ,आम्हीही आनंदाने सहभागी होऊ.
काही तरी मदत करु !!!

अवांतर :) आम्हाला वाटले यनांचे नवीन कोडे आले की काय, म्हणून आम्ही केवळ शिर्षकच वाचत होतो इतक्या दिवस.
पण, प्रतिसाद वाढलेले पाहून वाटले सोपे कोडे असावे म्हणुन पेज उघडले तर, आज ह्या उपक्रमाची बातमी वाचली.

श्री धनंजय यांचा " विज्ञानाबाबत माझी पुर्वपिठिका " हा लेख "आजचा सुधारक" या विवेकवादी व चिंतनशील मासिकात डिसेंबर २००७ पान नं ४०८ वर छापून आला आहे.
http://misalpav.com/tracker/27 येथे सुधारक ची काय गोची झाली आहे ते बघा.
अवांतर- श्री धनंजय यांचा लेख "सुधारक" साठी पर्वणीच आहे असे भाकीत आम्ही मागेच केल्याचे स्मरत असेल.

प्रकाश घाटपांडे

आधी बिरूटे सर आणि गुंडोपंत यांप्रमाणे कोडे वाटले होते!
असो. कल्पना आवडली. फक्त असे वाटते की कार्यवाहांना जे काही थोडेफार काम पडेल त्यासाठी सुरूवातीला काही एक ठराविक मानधन मिळावे. उपक्रम, मिपा इत्यादी संकेतस्थळे हे काम सध्या तरी विनामूल्य करीत आहेत, पण एकदुकट्या व्यक्तींकडून अशी अपेक्षा करता येईल असे वाटत नाही. मानधन अगदी कमी असले तरी चालेल, पण प्रकल्प अनेक वर्षे चालावा असे असल्यास थोडे का होईना मानधन द्यावे असे माझे मत आहे.

बाकी भारतातून हे व्हावे याला अनुमोदन, सभासदत्व घेईन आणि थोडेफार आर्थिक सहाय्यही करू शकेन.

मराठी असे आमुची मायबोली तिला बैसवूं वैभवाच्या शिरी |
***********************************
***********************************
आपण सर्व सदस्य इथे येतो. वाचतो. लिहितो. प्रतिसाद देतो. आपल्याला नवी माहिती, ज्ञान मिळते. आनंद होतो. वेळ चांगला जातो. उपक्रमाचे अनेक ज्ञानसमृद्ध , गुणसमृद्ध ,सदस्य आहेत.म्हणून याही पेक्षा अधिक काही व्हावे असे वाटले यास्तव श्री. धनंजय यांच्या लेखाच्या निमित्ताने ही कल्पना मांडली. (व्यवहार्यतेविषयी मी अजूनही साशंक आहे. पण प्रायोगिक तत्त्वावर काही करून बघता येईल असे वाटते.)
.. या ई-मंडळाचे कार्यवाहपद श्री.योगेश आणि प्रा. डॉ.दिलीप बिरुटे हे स्वीकारतील (किंबहुना स्वीकारले आहे) असे आपण गृहीत धरूया. श्री. प्रकाश घाटपांडे यांनी अध्यक्षपदी यावे अशी आपण त्यांना विनंती करूया.(व्यनि.पाठवून आपणा सर्वांतर्फे मी विनंती केलीच आहे.) याविषयी आणखी काही सूचना सदस्यांनी अवश्य कराव्या.
प्रथम "उपक्रम"कर्त्यांची संमती घेणे आवश्यक आहे.

श्री. घाटपांडे यांचे नाव फार चांगले असल्याचे हेही कारण आहे, की या सर्व संकेतस्थळांवर त्यांची जी ओळख आहे, पत्ता आहे, दूरध्वनी आहे, ती सर्व ओळख अन्य प्रसिद्धी माध्यमांतून पडताळण्यासारखी आहे.

उपक्रमावर पूर्ण नाव/पत्ता न देता वावर करणे सोयीचेच नाही, तर सुरक्षिततेच्या दृष्टीने महत्त्वाचे आहे. त्यामुळे अनेक लोक अशा प्रकारे येथे वावरत असतील.

मंडळ मात्र स्थिर प्रसिद्धीमाध्यमांशी संपर्क साधेल. शक्यतोवर त्याचे सदस्य "मनुष्यव्यक्ती" आहेत, अशी नोंद कोणाकडेतरी असावी. सदस्यांनी अध्यक्षांकडे "बाहेरील विरोपाने" संपर्क साधून सदस्यत्व हवे असल्याचे सांगावे. सदस्यत्व मिळताना पैसे पाठवायचे आहेत, ते पाठवताना (धनादेशाने किंवा अन्य पद्धतीने) कार्यवाहाला पैसे पाठवणार्‍याची खरी ओळख कळणारच आहे. (कार्यवाहा-अध्यक्षा-व्यतिरिक्त सदस्याला निनावी राहायची मुभा असावी - पण अशा गुप्त सदस्याला नकाराधिकार वगैरे नसावा...)

उपक्रमावर मंडळाच्या बातम्या चर्चाव्यात हे चांगलेच. पण गूगलवर, किंवा याहूवर सदस्यांचा "बंद" ग्रूप असावा. असे कंपू "फक्त सदस्यांसाठी" असल्याकारणाने बर्‍यापैकी सुरक्षित असू शकतात. याबाबत सर्किट हो/नाही सांगू शकतील.

तूर्तास इतकेच सैरभैर विचार...

स्थानिक वृत्तपत्रांविषयी माहीती मिळवण्या संदर्भात,
आपल्या पैकी 'जयेश ' हे सदस्य जाहिरात क्षेत्रात असल्याने ए बी सीची नक्कीच माहिती देवू शकतील.
या साठी ए बी सी (ऑडीट ब्युरो ऑफ सर्क्युलेशन) चा वार्षीक अहवाल चांगला कामास येईल.

मात्र अशी वृत्तपत्रे निवडतांना ती 'चांगली' आहेत हे पाहून घेणे उत्तम राहील.
तसेच लोकमत सारखी वृत्तपत्रे अनेकदा दिशाभूल करणारी आंकडेवारी प्रसिद्ध करीत असतात, हे ही ध्यानात ठेवणे आवश्यक राहील.
जसे नाशकात त्यांनी खुप जाहिरात केली की त्यांनी एक लाखाच्या पुढे आकडा गाठला. व ते आता नं एक चे दैनिक झाले आहेत.
पण तो आकडा सर्क्युलेशन चा नसून प्रिंट ऑर्डरचा होता!!
पहिला क्रमांक दैनिक गावकरीचा होता नि आहे.

आपला
गुंडोपंत

वा! कार्यकारी मंडळ वाचून आनंद झाला. पैसे कसे पाठवू ते कळवावे :)
बाकी धनंजय यांनी सुचविल्या प्रमाणे एक वेगळा बंद चमु याहु किंवा गुगलवर असावा यास +१
तसच खरे नाव कृपया अध्यक्ष व कार्यकारी मंडळाकडे तरी असावे यांसही +१

(आनंदी) ऋषिकेश

येथे नियतकालिकांमध्ये लेखन करणारे कोणी आहे का? तिथे लेखन पाठवण्याची काय पद्धत असते? प्रकाश घाटपांडेंना थोडी माहिती असावी असे वाटते.

आपण मांडलेली कल्पना उत्तम आहे. मी काही मदत करू शकतो का? काही असेल तर अवश्य सांगा, मीही यथाशक्ति मदत करेन. मला ते आवडेल...

आपलाच,
तात्या.

--
न लगे मुक्ति आणि संपदा, मिसळसंग देई सदा!

मराठी असे आमुची मायबोली तिला बैसवूं वैभवाच्या शिरी |
***********************************
*आपले नियोजित अध्यक्ष श्री. प्रकाश घाटपांडे यांनी अद्यापि होकार कळविलेला नाही.
*श्री.योगेश यांनी बँकेत खाते उघडावे ते मंडळाच्या नावे की वैयक्तिक? मंडळाच्या नावे असेल तर बँकेला ठराव लागेल. मंडळाचे नावही निश्चित करावे लागेल. सध्याचे नाव मी " आपले समजा" म्हणून सुचविले आहे.
*मंडळाचे मुद्रापत्र (लेटर हेड) छापून घ्यावे लागेल.त्याचे स्वरूप (नावे लिहिणे इ. ठरवावे लागेल.
* मंडळाची सभा सध्या पंधरा दिवसांतून एकदा व्हावी. दिवस आणि वेळ अध्यक्षांनी ठरवावे. त्यावेळी शक्य होईल तेवढ्या सभासदांनी लॉग इन व्हावे.

१) अशा प्रकारच्या संकल्पनातून॑च " युनिक फिचर्स" ही पुण्यातील संस्था तयार झाली आहे, १९८९ मध्ये. "अनुभव "हे त्यांचे मासिक व समकालीन प्रकाशन हे त्याचे भावंड शिवाय मिडिया हा वेगळा विभाग त्यांचा आहेच. श्री सुहास कुलकर्णी आता डॉ. यांचा तेव्हापासून परिचय आहे तसेच ती यशस्वी वाटचाल मी बघत आलो आहे.
२) http://mr.upakram.org/node/741 या ठीकाणी सर्किट यांनी मांडलेली अशीच कल्पना अधिक चर्चा न होता का थांबली हे मला समजले नाही. ती पुढे चालू ठेवावी
३) तात्यांनी मांडलेले मुद्दे मला अधिक व्यवहार्य वाटतात. कारण अशा प्रकारच्या मिटींगा मी केलेल्या आहेत. त्याचे नव्याचे नउ दिवस असे होते. धर्मादाय आयुक्तांकडे अशा अनेक नोंदण्या पडून आहेत.
४) याच प्रकारे "गुढचिकित्सा मंडळ" चे १९३५ चे स्कॅन् पुढच्या पोस्टिंग मध्ये टाकतो.
५) मला विवेकवादी म्हणवून घ्यायची भीती वाटते . का? पहा माझे ऑर्कूट प्रोफाईल http://www.orkut.com/Profile.aspx?uid=4023171411045231898

प्रकाश घाटपांडे

===========================
मराठी भाषा हा माझा प्राणवायु आहे.
===========================
ज्या लेखकांना आपले लेखन मटाच्या संकेतस्थळावर प्रसिद्ध करायचे असेल त्यांनी हे वाचावे. अशा ठिकाणी लेख प्रसिद्ध केल्यास तो बर्‍याच वाचकांपर्यंत पोचेल असे वाटते. ह्यात एका पैशाचीही गुंतवणूक नाहीये हे विशेष!

मराठी असे आमुची मायबोली तिला बैसवूं वैभवाच्या शिरी |
***********************************
" लोकमित्र मंडळ " या कल्पनेला अनेक सदस्यांनी उत्स्फूर्त पाठिंबा दिला. त्या सर्वांना धन्यवाद.
'उपक्रम'कारांनी मनःपूर्वक मान्यता दिली. त्यांचेही आभार." जरी उद्धरणी व्यय न तिच्या हो साचा | तरी व्यर्थ भार विद्येचा||" हे उपक्रमाचे, म्हणून पर्यायाने प्रत्येक उपक्रमसदस्याचे ब्रीदवाक्य आहे, असे मी मानतो.

मराठी असे आमुची मायबोली तिला बैसवूं वैभवाच्या शिरी |
***********************************
"लोकमित्र मंडळ "या कल्पनेच्या समूर्तते विषयी प्रारंभापसूनच साशंकता होती. परंतू अनेकांचे सकारात्मक प्रतिसाद वाचून अडचणींतून मार्ग निघेल असे वाटले.
अनेक अडचणींना तोंड देत विष्णुशास्त्री चिपळूणकर (१८५०-१८८२) यांनी न्यू इंग्लिश स्कूलची स्थापना केली. चित्रशाळा प्रेस, आर्यभूषण छापखाना,नवीन किताबखाना यांची मुहूर्तमेढ रोवली. निबंधमाला लिहिली.'केसरी' आणि 'मराठा' ही वृत्तपत्रे काढून जनजागृती केली. आणि वयाच्या बत्तीसाव्या वर्षी ते निवर्तले.
आपल्याला काहीच करता येऊ नये? असो. आपण चर्चाप्रस्ताव टाकू.माहितीपर लेख लिहू. प्रतिसाद देऊ. कोडीं घालू. व्यनि. पाठवू.व्याकरणाचा कीस काढू.मधून मधून लुटुपुटूची भांडणे करू. कशाला हवेत दुसरे नसते उद्योग? गड्या आपुला खेळ बरा !

आधी करून तर पाहू... किमान एका माणसाला (हो बस फॅक्टर १!!)
"काही घडवावेसे" वाटले ना की झाले.
जगातली बहुतेक सगळी उदाहरणे ही बस फॅक्टर १ वरच उभी राहीली आहेत. (नंतर जग आलं असेल त्यात, पण सुरुवात फक्त १ ने झाली आहे!)
अहिंसावादी चळवळ (बस फॅक्टर १ फक्त गांधीजी!)
बांगला देश चे स्वातंत्र्य (बस फॅक्टर १ फक्त इंदिरा गांधी)
भारतात संगणकाला आणणे व पाठपुरावा (बस फॅक्टर १ राजीव गांधी!)
संस्थाने भारतात विलिनिकरण मोहीम (बस फॅक्टर १ फक्त सरदार वल्लभ भाई पटेल)
पाकिस्तानचा जन्म (बस फॅक्टर १ फक्त जीना!)
राजकपूरचे चित्रपट (बस फॅक्टर १ फक्त राज कपूर - संस्था चालू पण तो करिष्मा नाही!)
दादा कोंडके (बस फॅक्टर १ फक्त दादा!)

ममा टीना व्हियेतनाम मधील कार्य (बस फॅक्टर १ फक्त ममा टीना!)
१९००व्या शतकात शिक्षण (बस फॅक्टर १ फक्त ज्योतिबा फुले!)
गावोगाव स्वच्छतेचे महत्व पटवणे (बस फॅक्टर १ फक्त गाडगे महाराज!)

उपक्रम (बस फॅक्टर १ फक्त शशांक जोशी)
मिसळपाव (बस फॅक्टर १ फक्त तात्या)
माझेशब्द (बस फॅक्टर १ फक्त राज जैन)

पब्लीकला येड्यात काढणे (बस फॅक्टर १ फक्त अनिरुद्ध बापु!)
पब्लीकला 'आपले भक्त' करणे (बस फॅक्टर १ फक्त नरेंद्र महाराज!)
पब्लीकला नादी लावणे (बस फॅक्टर १ फक्त सत्यसाईबाबा!)

तुफान मोठा रिलायंसचा व्यवसाय उभा करणे (बस फॅक्टर १ फक्त धीरुभाई)
संगित क्षेत्रात नव्या लोकांना संधी देणारे दालन उघडणे (बस फॅक्टर १ फक्त गुलशन कुमार)

आता असं म्हणू नका की तो १ बस फॅक्टर गेला नि त्या संस्थाही गेल्या!
जास्त बस फॅक्टर वाल्या संस्था डब्यात गेल्या नाहीत का?
अगदी आमच्या प्रकाशरावांनी दिलेले गुढ चिकित्सा मंडळही गेलेच ना?

उलट एकटा माणूस पेटून जे काही करू शकतो ते खासच असते. फक्त ते 'पेटणे' आवश्यक आहे.
पॅशन महत्वाची... ती असेल तर जग इकडचे तिकडे करणे अशक्य नाही... पण ते स्फुल्लींग जोवर चेतवले जात नाही... तोवर कोळसाही इतर कोळश्यासारखा तसाच काळाच दिसतो. पण पेटला की इतरांनाही पेटवतो, असे नाही का वाटत?
वेगळ विचार हवा... राजे हो हा वेगळा विचार महत्वाचा आहे!
दर वेळेला त्या वेगळ्या विचारातून काही येईलच असे नाही... पण म्हणून 'वेगळा विचारच नको' असे आजिबात नको इतकेच!
आणि च्यामारी नाहीच जमले, तर नाही जमले. पुढे कसे जमेल हे तरी पाहता येईल!

एडिसननी नाही का हजार बल्ब बनवून पाहिले? आपणही ऑनलाईन संस्था उभारूनच पाहू.
कुणीकुणाचे तोंड पाहिले नाही म्हणून काय झाले? विचार नि तत्वे एक आहेत हे तर पाहिले ना? बास तर मग!
आपण हजार प्रकारे प्रयत्न करून पाहू... अरे हजार कल्पना तर लढवून पाहू...
एक तर उपयोगी कामाची असेलच ना?

आपला
(१ पॉझिटीव्ह बस फॅक्टर)
गुंडोपंत