बाकी हा उपक्रम उत्तम आहे. लायब्ररीथिंग आणि शेल्फारीच्या धर्तीवर मराठीतही असे संकेतस्थळ सुरु व्हावे असे वाटते.

सहमत आहे. ही संकेतस्थळे ज्या प्रणालींवर आधारित आहेत तशी एखादी मुक्तस्रोत प्रणाली कस्टमायझेशनसाठी उपलब्ध आहे का?

आम्हाला येथे भेट द्या.

"पॉटर"मॅनिया चा स्पर्श मला होऊ शकला नाही. वाचकसंस्कृतिमध्ये एव्हढी मोठी घटना गेल्या १० वर्षांत होऊन गेली ; आणि त्याकडे मी फिरकलोही नाही याची, नाही म्हण्टले तरी खंत वाटते. पण त्याकडे जायला जो वेळ पाहिजे तो मिळत नाही म्हणा किंवा अन्यत्र खर्च होतो म्हणा. तर ज्यांनी हे जे रोलिंगबाईंचे मॅग्नम्-ओपस् वाचले आहे त्यांना विचारावेसे वाटते , की पौगंडावस्थेपलिकडील वाचकांना खेचून घेईल असे काय आहे त्यात ? महान मानल्या जाणार्‍या बृहत्कृतींमधे जसे एक प्रतिविश्व असते, तसे , त्या विश्वाच्या पलिकडे जाऊन टिकून राहतील, चिरंतन ठरतील , अशी मानवी संबंधांची , मानवी अवस्थांबद्द्लची दर्शनेसुद्धा असतात. **"एपिक" कसोटीवर उतरतील अशी काही लक्षणे "पॉटर"मधे दिसतात काय ?

** या कसोटीवर फार मोठ्या प्रमाणावर सच्च्या ठरतील अशा कथा जी एंनी लिहिल्या ; परंतु अर्थातच त्या "बृहत्कृती" नव्हत्या ; म्हणूनच एका समीक्षकाने त्यांचे "महाकाव्याचे सुटे सर्ग" असे फार फार मार्मिकपणें वर्णन केले आहे ...

हा प्रकार आकर्षक वाटतो. तुम्ही हा प्रकार ग्रंथालयात मिळवलात का विकत घेतलात ?

"डायजेस्ट्" वरून येथे एक कबुली (कन्फेशन् ?) द्यावीशी वाटते : अनेक कलाकृती/पुस्तके वाचताना केवळ अशक्य कठीण वाटल्या/वाटतात. परंतु ती "क्लिफर नोट्स्" नावाची पिवळ्या-पिवळ्या रंगाची चोपडी (गुळगुळीत नव्हे ! :-) ) वाचली की बरेचसे संदर्भ ध्यानात यायचे आणि मग पुलंच्या भाषेत म्हण्टल्याप्रमाणे "लखू, फिरून यत्न कर !" असे म्हणावेसे वाटायचे आणि मग मूळ कलाकृतींच्या बालेकिल्ल्यावर टाकायला एक घोरपड मिळाली आहेसे वाटायचे ! आता "विकी" नावाच्या गोष्टीने त्या पिवळ्या चोपड्यांची जागा बहुतांशी घेतली आहे :-)

मलाही प्रवासी अधिक आवडली

अरे बापरे! जबरदस्त पुस्तक! कधीही मन अस्वस्थ झाले की उघडून कुठूनही सुरुवात करतो. 'मलीनर नाईटस' हेही तसेच.
सन्जोप राव

शेजवलकर म्हणजे ते गेल्या शतकातले इतिहासकार काय ? आणि हे पुस्तक म्हणजे बखरवजा दस्तावेज आहेत काय ?

आतापर्यंत वाचलेल्या "त्या"च्या ऑनलाईन लिखाणाकडे पाहून मी "त्या"ला सलाम करतो.

बॉस, सेन यांच्या पुस्तकाबद्द्ल (आणि एकूणच तुम्ही जे लिहिता त्यात) आमची एका वाक्यात, किंवा थोडक्यात अशी बोळवण करू नका. आम्हालासुद्धा चार कण मिळू देत तुमच्याकडून.

हे पुस्तक मलाही माहितीपूर्ण वाटले.माझ्या भावाचे शैलीबद्दल असे मत झाले, की सेन जरा स्वतःच्या चौफेर ज्ञानाची "बेमालूम जाहिरात" करतात, आणि त्यामुळे मूळ मुद्द्यात एका प्रकारचे "बेमालूम विषयांतर" होते. मला ही टीका थोडीशीच योग्य वाटली. तरी पुस्तक तरीही आवडले, ज्ञानात भर घालणारे वाटले.

चांगला उपक्रम, आवडला.

मी या कादंबरीचे भाषांतर आणि मूळ कादंबरीही वाचली आहे. दोन्ही उत्तम. याच नावाचा सॅली फिल्ड आणि आल्फ्रेड मोलिना अभिनीत चित्रपट या कादंबरीवर निघाला होता. तोही पाहण्यासारखा आहे. तुम्हाला शक्य झाले तर जरूर पाहा.

मीराताई आणि चित्राताई यांच्या स्ट्रॉंग रेकमेन्डेशनवरून डॅफ्ने ड्यू मॉरिएची रिबेक्का ही कादंबरी हल्लीच वाचून पूर्ण केली. ताकदीने उभे केलेले कथानक आणि साध्या गोष्टींचेही खुबीने वर्णन करण्याची हतोटी लेखिकेला आहे. कादंबरी अतिशय बंदिस्त आणि ओघवती आहे.

सध्या, याच लेखिकेचे माय कझिन रेचल वाचते आहे.

शक्ती द पॉवर या सुमार चित्रपटाची कथाही नॉट विदाऊट सारखीच आहे.

नॉट विदाऊट माय डॉटर पुस्तक मस्त आहे. शेवटपर्यंत सोडावेसे वाटत नाही. कथानायिकेची सासू तर जबराच भयंकर.

केवळ जबरदस्त पुस्तक आणि त्याचा तितक्याच ताकदिने केलेला अनुवाद

लापिएचे "फ्रीडम ऍट् मिड् नाईट्" वाचले आहे. "बियाँड लव्ह" कादंबरी आहे काय ? (ती अमेझॉनची लिंक नीट चाळायला पाहिजे ...)