गुंडोपंत आपण सांगीतलेली कथा माहीत नव्हती, पण वाचायला आवडेल. त्या माहीती बद्दल धन्यवाद. या वरून मला एच् जी वेल्सच्या कथे वर काढलेला "टाईम मशीन" हा (जूना, नवीन माहीत नाही) चित्रपट आठवला. यात पण नायक असाच पुढच्या काळात जातो आणि त्याला सर्व माणसे मशिनसारखी वागत जे काही मशिन सांगतोय ते ऐकत असतात असे घेतले आहे. ग्रंथालये ओसाड पडलेली असतात वगैरे...

एकदा कुणाचे तरी म्हणणे प्रमाण मानले, तर ती ही एक अंधश्रद्धाच नाही का? सिद्ध झालेले आहे म्हणून शंकाच घ्यायला नको असे काही नाही.

आपले हे विधान देखील पटले. फक्त त्यात इतकेच अजून सांगावेसे वाटते की झापडे न लावता प्रश्न विचारून शंकानिरसन करून घेणे हे गरजेचेच नाही तर आवश्यक आहे पण संशय घेऊन वर्तन मात्र फलदायी वाटत नाही.

त्यामुळे किती अव्यवहार्य दिसत असले, वाटले तरीही कोणत्याही 'सेट सिद्धांतांना' प्रश्न तर विचारलेच पाहिजेत, या मताचा मी आहे!
आपल्याला काय वाटते?

आम्हाला बी त्येच वाटतयं!

आजच्या विज्ञानकथा हे उद्याचे वास्तव असू शकते असे म्हटले तर वावगे ठरु नये.
प्रकाश घाटपांडे

> एकदा कुणाचे तरी म्हणणे प्रमाण मानले, तर ती ही एक अंधश्रद्धाच नाही का?
ज्याचे म्हणणे प्रमाण मानणार त्याची कठोर परीक्षा घेणे भाग आहे. नाहीतर (१) तसे मानून काही तोटा होत असेल तर ती अंधश्रद्धा (२) काहीही तोटा होत नसेल तर तो साहित्यिक आनंद. साहित्यिक आनंद मिळाला तर तसे काही वाईट नाही.

खांदा भक्कम आहे असे बघितल्याशिवाय त्याच्यावर चढू नये. पडायची शक्यता फार. भक्कम आहे असे बघितल्यावर जरूर चढावे, कारण तसे करून त्या उत्तुंग महामानवाला दिसले त्यापेक्षाही दूरवर आपली नजर जाऊ शकते.

रूपक आणखी जास्त चालवायचे म्हणजे असे : नुसते त्या महामानवाने सांगितलेले मानायचे की "दूरवर मला नदी दिसते आहे", तर ती अंधश्रद्धा. त्या महामानवाच्या खांद्यावर चढून नदी तर बघायचीच, नदीपलीकडचे माळरानही बघायचे, हा महामानवाच्या उंचीचा सदुपयोग.

मलाही चटकन टाईम मशीन च आठवला.गुंडोपंत,तुम्ही ओळख करून दिलेली कथा वाचायला आवडेल.
स्वाती

मस्तच.
संपुर्ण पुस्तक कोठे मिळेल ?

राज जैन
*********
"हज़ारों ख्वाहिशें ऐसी की हर ख्वाहिश पे दम निकले,
बहुत निकले मेरे अरमान लेकिन फिर भी कम निकले । "

रोचक चर्चा विषय आहे. पूर्वजांनी जे म्हटले आहे ते डोळे झाकून स्वीकारू नये हे खरेच, पण त्यांनी जे शोधण्यात वेळ खर्च केला आहे तेच आपण परत शोधत बसलो तर रिइन्वेंटींग द व्हील होईल असे मला वाटते आणि प्रगती होणार नाही. कथा रोचक आहे आणि विषय मॅट्रीक्स किंवा टर्मिनेटर यांच्याजवळ जाणारा आहे.
द मशीन स्टॉप्स इथे उपलब्ध आहे.

----
L'enfer, c'est les autres -- Jean-Paul Sartre

ज्यामध्ये जो मेन सर्वर असतो तो सगळे आपल्याच ताब्यात घेण्याचा प्रयत्न करत असतो

हे टर्मिनेटर ३ मध्ये देखील आहे. स्कायनेट नावाचा सर्वर सेल्फ अवेअर होतो आणि जगाचा विध्वंस करतो.

----
L'enfer, c'est les autres -- Jean-Paul Sartre

त्याला आजही मोटर कशी फिरते हे समजत नाही. पुन्हा पुन्हा विचार केला तरीही. पुस्तक वाचले तरीही. शेवटी नाईलाजाने तो पुस्तक बाजूला ठेवतो, (एका वैद्याने (डॉक्टराने) सुचवलेल्या पाकिटातील डोकेदुखीवरच्या गोळ्या (ज्याचे नावही तो लक्षात ठेवू शकत नाही, ज्यात नक्की काय आहे हे त्याला कळणे शक्य नाही) पोटात ढकलून, पंखा चालू करतो व झोपी जातो.)

इथे 'प्रत्यय' येत असल्याने (पंखा, डोकेदुखी थांबणे) तो आधिच कमकुवत असलेल्या मेंदूला ताण देण्याचे टाळतो इतकेच.

इथे खांदा निवडणे महत्वाचे. अन्यथा भोंदू वैद्यासारखा एखादा खांदा तुम्हाला भलतीकडेच पोहोचवेल :)

न्यूटनला वेळ होता, त्यामुळे त्याला हे जमले. 'त्या'ला थोडा अधिक वेळ लागेल, पण न्यूटनने जे केले, ते त्याला जमेलच असे मानण्यात राम नाही.
(त्याला न्यूटनने जे-जे केले ते सारे समजेल असे देखील वाटत नाही :) )

मानवी ज्ञानाने एका मानवी आयुष्यातील ज्ञानार्जनाच्या क्षमता कधीच पार केल्या आहेत असे तो मानतो.

स्वत:चे ज्ञान वाढवण्यासाठी (सवाल पू्छना) वाईट नाही पण खात्री नसल्यास, शक्य तिथे (सवाल उठाना) टाळावे. कसे?

मी कथा वाचली नाही. आता प्लॉट समरी वाचतो. मूळ कथा आहे का इंटरनेटवर पूर्ण?

पूर्वजांच्या खांद्यावर चढून जग बघायला मला आवडेल पण मी ते माझ्या डोळ्यांनी बघेन आणि मला हव्या त्या दिशेला बघेन. खांद्याचा उपयोग फक्त चढण्यासाठी.

- राजीव.

गुंड्याभाऊंची गाडी थाबंल्याली माहिती आहे बॉ. पण हे मात्र भलतच् काहीतरी .... :)

विनोदी दिशा मिळाल्याने चर्चा खमंग वाटत आहे.
जेसनाचे "पूर्वजांच्या खांद्यावर चढून जग बघायला मला आवडेल पण मी ते माझ्या डोळ्यांनी बघेन आणि मला हव्या त्या दिशेला बघेन. खांद्याचा उपयोग फक्त चढण्यासाठी."... हे भारी पटले बुवा.

आपला,
(खांदेकरी) भास्कर

आहे तितुके जतन करावे, आणिक मिळवावे,
महाराष्ट्र राज्यची करावे जिकडे तिकडे ॥