छ्या बुवा! अहो वालावलकरशेठ, तुम्ही खूपच कठीण कठीण कोडी घालता! :)

आपल्याला काय तुमचं हे कोडं सुटत नाय बाबा! :)

आपला,
(बाद झालेला) तात्या.

प्रश्नांची अर्धवट उत्तरे येतायत, त्यामुळे पाठवावेसे वाटत नाही. सर्व सुटल्यावर व्यनिने ....
(काही दिवस इथे न आल्याने गाडी रुळावर यायला वेळ लागणार असं दिसतंय)

मराठी असे आमुची मायबोली तिला बैसवूं वैभवाच्या शिरी |
***********************************
श्री. धनंजय यांनी दोन्ही कोड्यांची उत्तरे अचूक शोधली आहेत. विशेषतः टेनिस सामन्यांची संख्या तोंडी काढण्यावा युक्तिवाद त्यांनी थोड्या प्रयत्नांती शोधून काढलाच.
हॉकीच्या गोलफलकांसाठी त्यांनी लांबची रीत वापरली. खरेतर समीकरणांचा विचार आवश्यक नाही. थोडा तर्क चालवल्यास उत्तर सहज येऊ शकते.
...........................
खेळाडूंची संख्या विषम असताना काय करावे अशी थोडीशी अडचण श्री, वाचक्नवी यांना वाटते.समजा १९ जण आहेत . तर पहिल्या फेरीचे ९ सामने होतील. एका खेळाडूला 'बाय' मिळेल. नंतर ९ विजेते आणि 'बाय' खेळाडू मिळून दहात दुसर्‍या फेरीचे ५ सामने. नंतर ३र्‍या फेरीचे २ सामने, एकाला बाय. अशा प्रकारे सामने होतात.
या प्रकाराला नॉक औट स्पर्धा म्हणतात कारण खेळाडू एकदा पराभूत झाला की तो स्पर्धेबाहेर फेकला जातो. किंबहुना एक सामना झाला की एक (आणि एकच) खेळाडू स्पर्धेतून बाद बाद होतो.

मराठी असे आमुची मायबोली तिला बैसवूं वैभवाच्या शिरी |
***********************************
टेनीस सामन्यांची नेमकी संख्या किती ते शोधण्यात श्री. वाचक्नवी यशस्वी ठरले आहेत्.

मराठी असे आमुची मायबोली तिला बैसवूं वैभवाच्या शिरी |
***********************************
"तो टेनीस सामन्यांचा प्रश्न जरा अवघड वाटतोय."
"बरं. आपण पाहूया. १२६ स्पर्धक आहेत्.अंतिम विजेता कोण हे ठरण्यासाठी किती स्पर्धक पराभूत व्हायला हवेत.?"
"१२५ जण हरायला हवेत. अंतिम विजेता हा एकमेव अपराजित खेळाडू असतो."
"अगदी बरोबर! १२५ जणांचे आव्हान संपुष्टात आले की उरेल तो अंतिम विजेता. आता एक सामना झाला की एक खेळाडू बाद होतो. म्हणून १२५ स्पर्धकांचे आव्हान संपुष्टात येण्यासठी १२५ सामने होतील हेच उत्तर."
"आं. इतके सोपे? अ.टे. स्पर्धेत सानिया मिर्झा तिसर्‍या फेरीत हरली.म्हणजे तिचे आव्हान तीन सामन्यांनंतर संपले."
"हो. पण पहिल्या सामन्यात सानियाशी जी खेळली ती हरली. दुसर्‍यात दुसरी मुलगी हरली. तिसर्‍या सामन्यात सानिया स्वतः हरली. म्हणजे तीन सामन्यांत तीन मुली हरल्या.एक सामना झाला की एकजण हरणारच."
"हो. १२६ स्पर्धक. १२५ जणांचे आव्हान संपण्यासाठी १२५ सामने होतील हे अगदी स्पष्ट आहे. त्यावर तुम्ही एवढे कशाला सांगता आहात? आहे काय त्यात?"

मराठी असे आमुची मायबोली तिला बैसवूं वैभवाच्या शिरी |
***********************************
श्री. विसुनाना यांनी सहाही सामन्यांचे गोलफलक अचूक लिहिले आहेत. मात्र त्यांनी युक्तिवाद लिहिला नाही.

मराठी असे आमुची मायबोली तिला बैसवूं वैभवाच्या शिरी |
***********************************
असे दिले आहे की " उत्तरविभाग संघ या स्पर्धेत एकच सामना जिंकू शकला. दोन सामन्यांत त्या संघाला हार पत्करावी लागली."
उ.विभागाला हरवणारे दोन संघ कोणते? अर्थात पू. आणि प. कारण द.चे गोल शून्य.म्ह. उ.वर लागलेले ६ ही गोल पू. आणि प. चे . उ.हे २ सामने हरला. म्हणजे त्याने या दोन संघांवर मिळून (६-२= ४) पेक्षा अधिक गोल केले नाहीत.(विजयासाठी न्यूनतम गोलाधिक्य एक.) उ. ने केलेली गोलसंख्या ७ असल्याने त्या संघाने द्. विरुद्ध तीन गोल केले हेच खरे.यावरून सामन्यांचे गोलफलकः
उ. वि.द...........३-०
पू.वि द...........०-०
प. वि. द..........०-०
प.वि उ............५-४
पू.वि प............१-१
पू.वि.उ.............१-०