आज पाकिस्तानचा स्वातंत्र्यदिन त्यांना पण शुभेच्छा! :-)

आपल्या तिरंग्याइतकं देखणं या जगात दुसरं काहीही नाही!

सारे जहा से अच्छा हिंदोस्तान हमारा..

पण, परंतु, लेकीन,

गरिबी, भ्रष्टाचार, बेकारी, अशिक्षितता, यासारखे अनेक प्रश्न सध्या (किंबहुना गेली ६० वर्ष) आपल्या तिरंग्याला एखाद्या जळवेसारखे चिकटलेले आहेत. परंतु या सर्वांवर कडी केली आहे ती बेसुमार लोकसंख्यावाढीने! प्रचंड लोकसंख्या हा आपल्या देशाला झालेला कॅन्सर आहे.

वरील सर्वांतून आपला तिरंगा लवकरात लवकर मुक्त होवो हीच प्रार्थना!

१९४७ साली आपण तो ब्रिटिशांच्या ताब्यातून मुक्त करून घेतला खरा, परंतु वरील सर्व शत्रू हे इतर कोणत्याही परकीय शत्रुपेक्षा अधिक बलवान आहेत, भारताला पार पोखरून काढणारे आहेत/काढत आहेत!

असो, १५ ऑगस्टच्या निमित्ताने तिरंग्याला माझे लाख दंडवत! तो आहे म्हणून मी आहे, तो आहे म्हणून माझं अस्तित्व आहे!

तात्या.

हमे देखना है ! कुछ करना है ! कभी तो करना है !
सुनते,सुनते,हमरी उमर साठ साल की हो गयी.

भारत के इस तिरंगेको मेरा भी प्रणाम.

! "भारताच्या स्वातंत्र्याच्या हिरक महोत्सवानिमित्त सर्वांना हार्दिक शुभेच्छा" !
! जय हिंद ! जय महाराष्ट्र !
आपला
कॉ.विकि

वंदे त्वामहम्, यशोयुताम् वंदे, यशोयुताम् वंदे!

-- आजानुकर्ण ______

जयहिंद! भारतमाता की जय! वंदेमातरम्!

वन्दे मातरम्

सुजलां सुफलां मलयजशीतलाम्

शस्य श्यामलां मातरम् ।

शुभ्र ज्योत्स्न पुलकित यामिनीम

फुल्ल कुसुमित द्रुमदलशोभिनीम्,

सुहासिनीं सुमधुर भाषिणीम् ।

सुखदां वरदां मातरम् ॥ वन्दे मातरम्…

सप्त कोटि कन्ठ कलकल निनाद कराले

निसप्त कोटि भुजैब्रुत खरकरवाले

के बोले मा तुमी अबले

बहुबल धारिणीं नमामि तारिणीम्

रिपुदलवारिणीं मातरम् ॥ वन्दे मातरम्…

तुमि विद्या तुमि धर्मं, तुमि ह्रदि तुमि मर्मं

त्वं हि प्राणाः शरीरे

बाहुते तुमि मा शक्ति,

ह्रदये तुमि मा भक्ति,

तोमारे प्रतिमा गडि मंदिरे मंदिरे ॥ वन्दे मातरम्…

त्वं हि दुर्गा दशप्रहरणधारिणी

कमला कमलदल विहारिणी

वाणी विद्यादायिनी, नमामि त्वाम्

नमामि कमलां अमलां अतुलाम्

सुजलां सुफलां मातरम् ॥ वन्दे मातरम्…

श्यामलां सरलां सुस्मितां भुषिताम्

धरणीं भरणीं मातरम् ॥

वन्दे मातरम्

कृपया ह्यांना विसरु नका.

जालियनवाला बाग हत्याकांड स्मारक

जालियनवाला बाग हत्याकांड स्मारक

जय हिंद !

राज जैन
*********
मी सध्या स्वाक्षरी शोधत आहे सध्या मीळाली की येथे लिहीनच.

भारताला स्वातंत्र्य व लोकसत्ताक गणराज्य मिळवून देणार्‍या सर्व (विशेषता उपेक्षीत) स्वातंत्र्यसैनीकांना ल़क्ष लक्ष प्रणाम!

आजच्या व येणार्‍या पिढीला त्यांच्या त्यागाचे, बलीदानाचे मोल कळो तसेच खर्‍या अर्थाने भारताला सुखी व समृध्द करायची प्रेरणा, बुध्दी मिळो.

भारतमाता की जय!

चेहऱ्यावर कृतार्थ भाव, डोळ्यांत क्रांतीची चमक!

अमित गोळवलकर - सकाळ वृत्तसेवा
पुणे, ता. १४ - स्वातंत्र्यलढ्यातील एक पर्व असलेल्या देहूरोड बॉंब खटल्यातील एक वीर उद्या स्वातंत्र्याचा हीरकमहोत्सव कृतार्थपणे अनुभवणार आहे. ....
अनंत विठ्ठल आगाशे (वय ९४) हे त्यांचे नाव. १९४२ मधील देहूरोड बॉंब खटल्यात शिक्षा झालेल्यांपैकी हयात असलेले ते एकमेव. त्यांना या खटल्यात मदत करणारे त्यांचे मित्र रामभाऊ जोशीही त्यांच्या आनंदात सहभागी आहेत.

स्मृती आणि दृष्टी दोन्ही वयोपरत्वे क्षीण झाल्या असल्या, तरीही त्यांच्या डोळ्यांतील क्रांतीची चमक कायम आहे. वनाजसमोर पुष्कर अपार्टमेंट येथे ते चिरंजीव गुणवंत व चंद्रशेखर यांच्याबरोबर राहतात. पुण्याच्या इतिहासाचे अभ्यासक मंदार लवाटे यांच्याकडून त्यांच्याबाबत माहिती मिळाली. छायाचित्रण हा आगाशे यांचा व्यवसाय होता. प्रख्यात नवयुग फिल्म कंपनीसाठी त्यांनी "वंदेमातरम', "लाखाची गोष्ट', "थोरातांची कमळा', "पेडगावचे शहाणे' आदी चित्रपटांचे छायाचित्रण केले. याचवेळी ते क्रांतिकार्यातही सहभागी होते. कॅमेऱ्याशी निगडित तांत्रिक ज्ञानाचा त्यांना बॉंबची रचना बदलण्यासाठी उपयोग झाला. क्रांतिकारक भास्कर कर्णिक, नारायण विष्णू आठवले यांनी देहूरोडच्या दारूगोळा कारखान्यातून जे बॉंब बाहेर आणले, त्यावरील सील बदलण्याचे काम आगाशे यांनी बेमालूमपणे केले. याच बॉंबचा पुढे कॅपिटॉल चित्रपटगृहात स्फोट करण्यात आला. ३१ जानेवारी १९४३ रोजी पहाटे त्यांना अटक करण्यात आली. क्रांतिकारकांच्या गटाने कारखान्यातून एवढे साहित्य लंपास केले, की तिचा वापर करून त्यांना लहानशी फॅक्‍टरी उभी करता आली असती, असे त्यांच्यावर ठेवण्यात आलेल्या आरोपपत्रात म्हटले होते. बॉंब व त्यासाठीची सामग्री तांबडी जोगेश्‍वरीचे मंदिर, तसेच अन्य काही ठिकाणी लपविण्यात आली होते. मंदिराचे तेव्हाचे पुजारी भालचंद्र बेंद्रेही उत्तम छायाचित्रकार. त्यांच्याच "डार्करूम'मध्ये बॉंब आणि अन्य साहित्य लपविले जाई. पुढे बेंद्रेही पकडले गेले. रामचंद्र तेलंग, वामन कुलकर्णी यांनाही अटक झाली. भास्कर कर्णिक यांनी फरासखान्यातच विष पिऊन आपले जीवन संपवले. त्यामुळे या खटल्यातील इतरांची मान फासातून वाचली.

अनंत आगाशे पूर्वी शिवाजी रस्त्यावर राजा परांजपे राहत असलेल्या इमारतीत राहत असत. त्यांचे मित्र रामभाऊ जोशी (वय ९२) ब्रिटिश पोलिस दलात होते. आगाशे यांना पकडल्यानंतर सुदैवाने त्यांच्या घराची झडती पोलिसांनी घेतली नाही. त्याच काळात जोशी ठाण्यात नेमणुकीला होते. आगाशे व इतरांच्या अटकेची बातमी "सकाळ'मध्ये वाचल्यानंतर त्यांना धक्का बसला. ते आगाशे यांना भेटण्यासाठी फरासखान्यात आले. आगाशे यांनी त्यांच्याकडील एक पेटी उघडून दाखविण्यास नकार दिला होता. फरासखान्यात भेट झाल्यानंतर जोशी यांना या पेटीचे रहस्य उलगडले. पेटीतील कॉफीच्या बाटलीत स्फोटक द्रव्ये असल्याची माहिती आगाशे यांनी दिली आणि हा पुरावा नष्ट करण्याची विनंतीही केली. बाहेर येऊन जोशी यांनी तातडीने ती बाटली नष्ट केली. वास्तविक पाहता या बाटलीची माहिती जोशी यांनी आपल्या वरिष्ठांना दिली असती, तर त्यांना बढती मिळाली असती. पण, जे काही चालले आहे ते चांगलेच आहे, ही भावना बाळगणारे जोशी यांनी तो विचारही मनात येऊ दिला नाही. आगाशे आणि जोशी यांच्यातली मैत्री आजही टिकून आहे. जोशी १९७५ मध्ये निवृत्त झाले.

सुमारे दोन वर्षे ब्रिटिशांच्या तुरुंगात काढल्यानंतर आगाशे यांच्यासह काही जण सुटले. त्यानंतर आगाशे यांनी पुन्हा छायाचित्रणाच्या कारकिर्दीला प्रारंभ केला. स्वातंत्र्यसैनिकांसाठीचे पेन्शन आगाशे यांनी नाकारले. एका जिल्हाधिकाऱ्यांनी स्वतः फॉर्म भरून त्यांचे पेन्शन सुरू केले. स्वातंत्र्यप्राप्तीच्या रौप्यमहोत्सवी वर्षात तत्कालीन पंतप्रधान इंदिरा गांधी यांनी आगाशे यांचा ताम्रपट देऊन सत्कार केला. ते वगळता स्थानिक पातळीवर मात्र त्यांचे कार्य अद्यापही इतिहासाच्या पानांतच दडलेले आहे.

भारताचा पहिला राष्ट्रध्वज मादाम कामा यांनी स्टुटगार्टमध्ये (जर्मनी) भरलेल्या आंतरराष्ट्रीय सोशॅलिस्ट कॉंग्रेसच्या अधिवेशनात फडकावल्याच्या घटनेला आज (बुधवारी) शंभर वर्षे होत आहेत.

.....

पहिल्या राष्ट्रध्वजांची आज पुण्यात ऐतिहासिक भेट!

श्रीपाद ब्रह्मे / सकाळ वृत्तसेवा
पुणे, ता. २१ -
मादाम कामांचे सहकारी बॅ. सरदारसिंह राणा यांच्याकडेही त्याच काळात तयार केलेला, पण काहीसा वेगळा राष्ट्रध्वज होता. त्यांचे नातू खासदार राजेंद्रसिंह राणा उद्या पुण्यात होणाऱ्या खास कार्यक्रमात हा ध्वज घेऊन येणार आहेत. मादाम कामा यांनी फडकविलेला ध्वज पुण्यातच लोकमान्य टिळक संग्रहालयात आहे. हाही ध्वज उद्याच्या कार्यक्रमात मिरवणुकीने आणण्यात येणार आहे. एका अर्थाने मादाम कामा आणि बॅ. राणा यांच्या अतुलनीय पराक्रमाची प्रतीके असणारे दोन ध्वज शंभर वर्षांनी पुन्हा एकमेकांना भेटणार आहेत.

जन्मदा प्रतिष्ठानने या ध्वजप्रदर्शनाच्या शताब्दीनिमित्त उद्याचा कार्यक्रम आयोजित केला आहे. बालगंधर्व रंगमंदिरात सायंकाळी साडेपाच वाजता होणाऱ्या या कार्यक्रमात "राष्ट्रध्वज - प्राचीन ते अर्वाचीन' या मिलिंद सबनीस लिखित पुस्तकाचे प्रकाशनही होणार आहे.

"जन्मदा'चे मकरंद केळकर व सचिन जोशी यांनी या ध्वजांच्या भेटीसाठी विशेष प्रयत्न केले आहेत. पहिल्या राष्ट्रध्वजाच्या प्रदर्शनाच्या शताब्दीनिमित्त त्यांनी १५ ऑगस्टपासून "ध्वजसप्ताह' साजरा केला, त्याचीही सांगता उद्याच्या समारंभात होते आहे. या ध्वजसप्ताहाचे वैशिष्ट्य म्हणजे तो १५ ऑगस्टला स्टुटगार्ट येथून सुरू करण्यात आला. तेथील विद्यापीठात खास आयोजित करण्यात आलेल्या कार्यक्रमात शंभर ते दोनशे भारतीयांच्या उपस्थितीत हा ध्वज पुन्हा प्रदर्शित करण्यात आला होता. त्यासाठी "जन्मदा'तर्फे "अभिजित एअर सेफ्टी फाउंडेशन'च्या सौ. कविता गाडगीळ खास दूत म्हणून तेथे उपस्थित राहिल्या होत्या. तेथील कार्यक्रमासाठी सौ. प्राची नवघणे, शशांक घाणेगावकर व परीक्षित खोपडे यांनी साह्य केले.

--------------------------------------------------------------
कॅप्टन लक्ष्मींचा संदेश
उद्याच्या कार्यक्रमासाठी "जन्मदा'ने आझाद हिंद सेनेच्या कॅप्टन लक्ष्मी सहगल व लेफ्टनंट मानवती पांड्ये (आर्या) यांचे खास संदेश कानपूरला जाऊन आणले आहेत. पुण्यातील ध्वजाची प्रतिकृती तेथे कॅप्टन लक्ष्मी यांच्या हस्ते फडकविण्यात आली. त्यांचा संदेश आणि स्टुटगार्टमधील कार्यक्रमाची क्षणचित्रे उद्याच्या कार्यक्रमात दाखविण्यात येणार आहेत.
--------------------------------------------------------------

"वंदे मातरम्‌'वरून "झी' कार्यालयावर भाविसेचा मोर्चा

मुंबई, ता. २२ - "सारेगामापा'च्या पाकिस्तानी स्पर्धकांनी भारतीय देशभक्तीपर गीते गाण्यास दिलेल्या नकाराच्या मुद्द्यावरून आज "झी'च्या वरळीतील कार्यालयाबाहेर रणकंदन माजले. मात्र या आंदोलनाची दखल घेऊन पुरेसा पोलिस बंदोबस्त ठेवण्यात आलेला असल्यामुळे कोणताही अनुचित प्रकार घडला नाही.

भारतीय स्वातंत्र्यदिनानिमित्त "झी'वर प्रसारित झालेल्या "सारेगामापा' कार्यक्रमात पाकिस्तानी गायकांनी भारतीय देशभक्तीपर गीते गाण्यात नकार दिल्याचे प्रसिद्ध झाल्यामुळे भारतीयांच्या भावना दुखावल्या होत्या. वाहिनीतर्फे ही निव्वळ अफवा असल्याचे स्पष्ट करण्यात आले असले तरी त्यावर कोणाचाही विश्‍वास बसणे कठीण झाले होते. ही "झी'चीच चाल असल्याचे बोलले जात होते आणि या रागाचे पर्यवसान आज "भाविसेने'तर्फे एका मोर्चात झाले. या मोर्चेकऱ्यांत कारगिल युद्धातील शहीद जवान मनीष पितांबरे यांचा भाऊ गिरीश पितांबरे आणि रेल्वे बॉम्बस्फोटांत डावा हात गमावलेल्या महेंद्र पितळे यांचा समावेश होता.
या वेळी भाविसेचे अध्यक्ष अभिजित पानसे आणि मोर्चेकऱ्यांनी "सारेगामापा'चे प्रोजेक्‍ट हेड संतोष शेंडे यांना एक निवेदन दिले. "काश्‍मीर हा भारताचा भाग आहे का?' आणि "मुंबईतील बॉम्बस्फोटांत सहभागी असलेल्या "आयएसआय' संघटनेचा आपण निषेध करता का?' असे प्रश्‍न पाकिस्तानी स्पर्धकांना विचारावेत. मग ते काय उत्तर देतात ते पाहू, असे आवाहन पानसे यांनी शेंडे यांना केले. ""कला आणि क्रीडेला प्रांतांच्या सीमा नसाव्यात, असे बाळासाहेब ठाकरे यांचे म्हणणे आहे; मात्र पाकिस्तानी स्पर्धक भारताची सुंदर गीते गाण्यास नकार देऊन एक वेगळीच भिंत उभारत आहेत, याला आमचा आक्षेप आहे आणि त्याचा आम्ही निषेध करतो. "झी'ने या स्पर्धकांची त्वरित या कार्यक्रमातून हकालपट्टी करावी,' असे पानसे यांनी नमूद केले. "झी'ने याबाबत त्वरित निर्णय न घेतल्यास "झी'ला आमच्या भाषेत समजवावे लागेल, असा इशाराही पानसे यांनी दिला आहे.
"झी नेटवर्क'चे उपाध्यक्ष आशीष कौल या प्रकरणी म्हणाले, "भारतीय देशभक्तीपर गीते पाकिस्तानी स्पर्धकांनी गायली नाहीत ही निव्वळ एक अफवा होती. ती कोणी पसरवली, याबाबत आम्हाला काहीच कल्पना नाही. आम्हाला आमच्या देशाचा अभिमान आहे. दोन्ही देशांत शांतता नांदावी आणि मैत्रीचे संबंध निर्माण व्हावेत हाच आमचा उद्देश आहे.'