पण ते छापून येईलच असे नाही असे आपणास का वाटते?

कारण वृत्तपत्रांत वाचकांच्या पत्रव्यवहारासाठी जागा मर्यादित असते. त्यामानाने पत्रांची आवक खूप ज्यास्त असते. साधारणपणे दहा पत्रे पाठवल्यास दोन पत्रे छापून येतात असा माझा अनुभव आहे.

मला आणखी एक प्रश्न पडला आहे. आयोगाच्या शिफारसींची अंमलबजावणी कोर्टाच्या आदेशाच्या अंमलबजावणीप्रमाणे सक्तीची असते का?

हेच म्हणतो मी .दंगलीतील दोषींवर कारवाई व्हावी असे आपणास वाटत नाही का?

एक प्रश्न- दंगलीतील दोषींवर कारवाई व्हावी असे आपणास वाटत नाही का?

दंगलीतीलच काय कुठल्याही दोषींवर, कोणीही असेल तरी कारवाई हवी. मग ती नंदीग्राम मधे निरपराध शेतकर्‍यांना (ज्यात ऐकल्याप्रमाणे मुसलमान जास्त होते) मारणार्‍या कम्यूनिस्ट सरकारच्या निर्णय घेणार्‍यांवर पण. स्वतंत्र भारतात कायदे हातात घेऊन सरकारी आणि सामन्य लोकांचे बळी घेणार्‍या नक्षलवाद्यांचे स्मारक बांधणार्‍यांच्या काय आरत्या ओवाळायच्या? त्याचा आपण विरोध करता का?

पण मुंबई दंगलीच्या बाबतीत एक प्रश्नः राधाबाई चाळीला ज्यांनी आग लावली , त्यानंतर अजून काही "हिंदू धर्मीय" म्हणून लोकांवर हल्ले केले आणि तसे होत असताना ४८ तास जेंव्हा सरकार निवांत बसले ते दंगल चालू होयचे कारण होते. ज्यांना प्रतिक्रीया म्हणून अशावेळेस शठ्यंप्रतिशठ्यम् योग्य वाटते त्यांनी ते तसे केले. मला ते योग्य वाटत नाही आणि त्याचे मी समर्थनही करत नाही. म्हणूनच म्हणले की होऊदेत कारवाई. पण ज्या राजकारण्यांना ते योग्य वाटत नाही, असे सत्तेतील अथवा विरोधातील राजकारणी बहुसंख्यांवरील हल्ल्यावर त्यांना "शांतीपूर्ण" मदत करायला गेल्याचे आठवत नाही . तेंव्हा काय किंवा नंतरच्या बाँबस्फोटात काय, हे म्हणणार की ही रामजन्मभूमीची प्रतिक्रीया आहे. मग कायदे हातात घेऊन वाटेल ते केले तर चालते. (याला फक्त न्या. कोद्यांनी योग्य उत्तर आत्ता दिले).

शिवाय इतके जर श्रीकृष्ण अहवालाचे पडले होते तर, युतीला सत्तेतून बाहेर घालवल्यावर विलासराव आणि काँग्रेसची दुसरी टर्म संपायला येईपर्यंत वाट का पाहीली? बरे असे पहाल की गेली सहा वर्षे बिचारे महाराष्ट्र चांगला करण्यात व्यस्त आहेत तर: गेटवे ऑफ इंडीया, लोकल, अजून काही बाँबस्फोट, शेतकर्‍यांच्या आत्महत्या, वीजेचा तुटवडा, इथपासून ते आता वक्फबोर्डाच्या जागेतील कोट्यावधी रुपयांचा कथीत भ्रष्टाचार. थोडक्यात स्वतःच्या पापाचे घडे भरत आले आणि त्यातच न्या. कोदे यांचे कर्तव्य कठोर निर्णय. काहीतरी दाखवायला हवेच, निदान परमपूज्य (परम - मोठे, पूज्य - शून्य, परमपूज्य "मोठे शून्य") सोनीयाजी गांधींनी तरी. महात्म्यानंतर आपल्या देशात फक्त त्याच आहेत...मी जर त्यांच्या जागी असतो तर स्वतःचा राष्ट्रपती उमेदवार निवडून येणार याची १००% खात्री असताना, अजून "अशा" शिवसेनेची मते मागायला गेलो नसतो. तेंव्हा यांची तत्वे वगैरे कुठे गेली? आता अफझल गुरू बरोबर अजून चार लोकांना फाशी देण्याची वेळ येणार, मग त्यांचे दयेचे अर्ज, मग तीच लांबवण, मग परत शिवसेना ओरडणार - त्यासाठी आधीच गप्प करता आले तर बरे, म्हणून ही उपरती - त्यात ना धड निरपराध बळींना न्याय ना त्यांच्या कुटूंबियांना न्याय...

मला सांगा उद्या श्रीकृष्ण अहवाल वगैरे बडबड जशी अचानक सुरू झाली तशीच अचानक थांबली आणि काहीच केले गेलेले दिसले नाही, अथवा तो अहवाल लक्षात घेऊन त्यातील निवडक (पण राजकीय दृष्ट्या दूर्बल म्हणजेच राजकारणी सोडून) लोकांवरच फक्त या काँग्रेस सरकारने कारवाई केली तर आपण तेंव्हा काय म्हणणार?

आपण कट्टर हिंदुत्ववादी आहात का आपल्या लेखावरून तसे वाटले.

बरं, कोर्डेसाहेबांनी असे लिहीले म्हणून लगेच त्यांना कट्टर हिंदूत्ववादी म्हणायचे याला काय अर्थ आहे? (कोर्डेसाहेब कोण आहेत, त्यांचे राजकीय विचार काय आहेत वगैरे मला काही माहीत नाही.) पण ज्या विचारधारेमुळे गेल्या शतकात कदाचीत हिटलरने केला त्याहूनही अधीक नरसंहार केला त्या कम्यूनिस्ट विचारधारेचे आपण आहात म्हणून कॉम्रेड म्हणून बिरूद आपण अभिमानाने लावताना पाहून मात्र सखेद आश्चर्य वाटते. जर एखाद्या शब्दाचा शिवीसारखा वापरच करायचा असेल तर तो कुठल्या हे जरा लक्षात घ्या.

विकी यांस,

आपण कट्टर हिंदुत्ववादी आहात का आपल्या लेखावरून तसे वाटले.

मी हिंदू आहे आणि भविष्यांत आमच्या वंशजांतील पुरुषांवर सक्तीने सुंता करण्याची व स्त्रियांवर सक्तीने पडद्यांत राहाण्याची पाळी येऊ नये अशी माझी इच्छा आहे. सध्याच्या निधर्मी राजकारण्यांचे मुस्लिमानुनयी 'निधर्मी" राजकारण व हिंदूंचा मुसलमानांच्या बाबतींतला भोळसट आशावाद तशी पाळी आणील असे वाटते. असे वाटणे म्हणजे कट्टर हिंदुत्ववाद असेल तर मी कट्टर हिंदुत्ववादी आहे.

कॉम्रेड साहेब,

माझ्यापुरते आपल्या "इथे मुस्लीमविरोधी बरेच दिसत आहेत. त्यांनी तसे न घाबरता स्प्ष्ट लिहावे " विधानाचे स्पष्टीकरणः

मी मुस्लीमविरोधी नाही, मी कम्यूनिझम विरोधी आहे आणि ते मी लपवलेले नाही. माझा कम्यूनिझमचा विरोध हा बाकी काही चांगले आहे म्हणून कम्यूनिझम चांगले नाही असा नाही, तर कम्यूनिझम हा 'on its own' वाईट आहे असा मुद्दा आहे. मी व्यक्तीगत हल्ले चढवत नाही. पण मी कुठल्याही, कोणीही कायदा हातात केलेल्या हिंसेला विरोध करतो. मग ते हिंदू असो, मुस्लीम असो, भांडवलशाही असोत अथवा कम्यूनिस्ट. आपण असे स्पष्ट बोलून इतरांच्या हिंसे बरोबरच, "कम्यूनिस्टांच्या कायदा हातात घेऊन हिंसा करण्याच्या नीतीला आणि त्यामुळे तयार होणार्‍या देशविघातक शक्तींना विरोध करतो", असे स्पष्ट म्हणायला तयार आहात का?

नसलात तर तसे न घाबरता स्प्ष्ट लिहावे . तरीही निदान आपण आपल्या विचारधारांशी प्रामाणीकच ठराल, पण गप्प बसालात तर मात्र नाही.

मला वाटत नाही की उपक्रम सारख्या संकेतस्थळावर वैचारीक देवाणघेवाण करणारी मंडळी कोणत्या तरी एखाद्या समुदायाचा रंग/धर्म/जात यासारख्या कारणावरून द्वेष करत असतील! माझा तरी वैयक्तिक पातळीवर धर्मांधतेला आणि दहशतवादाला विरोध आहे.

तसा औरंगजेब हा खूप धार्मिक आणि कुराणाचे नियमितपणे पठण आणि अभ्यास करणारा होता.निदान इतिहास तरी असेच सांगतो. औरंगजेबाला १७ व्या शतकातील ओसामा बीन लादेन असे म्हटले तर त्यात चूक काय? भगवद्गीतेचा नियमितपणे अभ्यास करणारा रक्ताचे पाट वाहणारा दहशतवादी माझ्या तरी माहितीत नाही. आपल्या माहितीत असल्यास जरूर सांगावे. तेव्हा माझा विरोध आहे त्यांना जे लोक असे समजतात की जे महंमदाला मानत नाहीत त्यांच्या कत्तली करा, आणि अशा कत्तली करून जन्नतमधील ७२ अप्सरांचा उपभोग घेता येतो किंवा ज्या प्रदेशात इस्लामचे राज्य नाही तो अपवित्र प्रदेश आहे! माझ्या आधीच्या प्रतिसादात म्हटल्याप्रमाणे उत्तर प्रदेश-बिहार सारख्या राज्यांमध्ये राहणार्‍या मुसलमानांनी १९४६ साली मुस्लिम लीगला मते दिली होती. याचा अर्थ त्यांनी भारताच्या फाळणीला पाठिंबा दिला होता. माझा विरोध आहे अशा मुसलमानांना की ज्यांनी आमच्या देशाच्या फाळणीला पाठिंबा दिला आणि तरीही भारतात राहिले.कोणालाही व्यक्तिगत पातळीवर विरोध नाही.माजी राष्ट्राध्यक्ष कलाम,माजी सरन्यायाधीश अहमदी,परवीरचक्र विजेते अब्दुल हमीद, माजी उपराष्ट्रपती महंमद हिदायतुल्ला यासारख्या भारताच्या सुपुत्रांचा मला अभिमानच आहे. आणि तरीही मला कोणी मुस्लिमविरोधी म्हणत असेल तर जरूर म्हणा.

मुद्दा थोडा श्रीकृष्ण आयोग अहवालापासून दूर जातो आहे. तरीही सांगतो की माझा व्यक्तिगत पातळीवर कुमार केतकर,प्रफुल बिडवाई,अरूंधती रॉय यासारख्या ढोंगी धर्मनिरपेक्षतावाद्यांनाही विरोध आहे. कुमार केतकरांच्या मते मार्च १९९३ चे बॉम्बस्फोट 'हिंदू अतिरेक्यांनी' बाबरी 'मशिदी'चा विध्वंस केल्यामुळे झाले. डोळ्यावर झापडच लावायचे ठरवले तर असे अनेक तर्क लढवता येऊ शकतील.भारतात इस्लामी धर्मांधतेचा हैदोस इ.स. ६३६ पासून म्हणजे महंमद-बीन-कासीमच्या हल्ल्याच्या ७६ वर्षांपासून चालू आहे. अधिक माहितीसाठी इथे टिचकी द्या. त्यावेळी कोणत्या बाबरीचा विध्वंस झाला होता? तसेच कुमार केतकर पूर्वी महाराष्ट्र टाईम्सचे संपादक असताना त्यांचा असाच एक अग्रलेख श्रीकृष्ण आयोगाचा अहवाल प्रसिध्द झाला तेव्हा वाचला होता.(सन १९९८) त्यात त्यांनी जावईशोध लावला होता की 'इस देश मे रेहना होगा तो वंदे मातरम केहना होगा' यासारख्या 'जातीय' घोषणांमुळे धार्मिक तेढ वाढली.याविषयीची आपली मते जाणून घ्यायला आवडेल.

---विल्यम जेफरसन क्लिंटन (मोनिकाचा पूर्वीचा प्रियकर)

त्या विकास ने एक कविता लिहीली आहे त्याला असे सांगावेसे वाटते की शिवरायांच्या सैन्यात मुसलमानही होते. इतिहास त्याने वाचला की नाही.

अहो साहेब, मला जरा नीट समजून सांगता का, की मी आपण लावलेल्या संदर्भात कुठली कविता लिहीली? आणि सरसकट मुसलमानांच्या विरुद्ध नक्की काय बोललोय ते? मी तर अगदी विषयापासून स्पष्ट म्हणले की मी मुस्लीमविरोधी नाही पण कम्यूनिझमविरोधी आहे. या अहवालाबाबत पण काँग्रेस राजकारण करत आहे आणि आपल्यासारख्यांना "खुळे" बनवत आहे. त्यांनी केले तर न्यायाप्रमाणे करूदेत माझा काही विरोध नाही, हे पण स्पष्ट केले होते. पण ते काही करणार नाही हे आपल्याला भारतीय राजकारणाची जरातरी माहीती असेल तर समजायला हवे.

म्हणून मूळ वाद हा हिंसा मग ती कोणीही केली असो, ती चूकच असे स्पष्ट पण मानणे महत्वाचे असे मी म्हणलो. त्यावर आपल्याला, कम्यूनिस्टांचे कायदा हातात घेण्याबद्दलचे आणि हिंसा करण्याबद्दल निषेध करायची विनंती केली. अर्थातच आपण त्याला बगल देऊन काहीतरी असंबद्ध माझ्याबद्दल आणि इतरांबद्दल वरती लिहीले. कारण स्पष्ट आहे: कम्यूनिस्टांचे कायदा हातात घेणे, हिंसा करणे, राष्ट्रविघातक कारवाया करणे या सर्वाला आपण तयार आहात कारण आपल्याला आपल्या "जय हिंद, जय महाराष्ट्रा" पेक्षा "जय कम्यूनिझम" मोठा वाटतो, मग त्याच्यानावाने होत असलेली हिंसा ही कायद्यापेक्षा मोठीच (आपल्या नजरेत) असणार!

तुम्हाला काय वाटते, "हे राज्य व्हावे हे तो श्रींची इच्छा" असे म्हणणार्‍या आणि स्वतःची तलवार ही "भवानीमातेचा" प्रसाद समजून स्वतःच्या लोकांच्या आणि हिंदवी स्वराज्याच्या विरोधकांना मोडण्यासाठी वापरणारा, देशात प्रथमच "हिंदवी स्वराज्य" (बाकीच्यांची राज्ये त्या त्या राजांच्या घराण्याच्या नावाची अथवा स्वतःच्या नावाची असायची, शिवाजी हा एकटाच...) स्थापन करणारा आणि स्वतःला "गोब्राम्हणप्रतिपालक" (पूजक नव्हे) अशी पदवी लावणारा शिवाजी आज असता तर काय कम्यूनिस्ट असता? तुम्ही कशाला त्याच्या गप्पा मारता. ज्यांचा आदर्श डोळ्यासमोर ठेवता त्यांचेच बोला - म्हणजे मार्क्स, लेनीन, स्टॅलीन, माओ आणि डेंग....कारण तुमचे बसू पण दसरा आला की काली पूजा करणार आणि पॉलीटब्यूरोमधे बसले तरी सदर्‍याच्या आत जानवी लपवून घालणार...

मी परत आपल्याला एकच साधा प्रश्न विचारतो: "आपल्याला हिंसा ही कम्यूनिस्टांसकट कोणी ही केली तरी अमान्य आहे आणि त्यासंदर्भात समान न्याय लागावा असे वाटते की फक्त तथाकथीत हिंदूंनीच केलेली हिंसेला न्याय मिळावासा वाटतो"?

पुर्नसंपादीतः

आत्ता लक्षात आले की आपण मी शिवराय कवीभूषणाच्या चार ओळी लिहील्या त्याला कविता म्हणाला असाल. तसे असले तरी वरील प्रतिसादात फरक पडत नाही. त्या ओळी: "काशीजी की कला गई, मथूरा मस्जीद हूई, शिवाजी ना होते तो सुन्नत होती सबकी " या शिवराय भूषणाने लिहीलेल्या होत्या. त्याचा संदर्भ , "सुंता करायला मोघलाई लागून गेली आहे ती तर केव्हाच संपली. " या आपल्याच प्रतिसादातील आपण लिहीलेल्या वाक्याशी होता.

त्या सरकारची भुमिकाच किंवा विचारधारा हिदुत्ववादी होती आणि आहे आपण ते लक्षात घ्या.
अस्स? मग त्यांना सत्तेत आणणारे सुद्धा हिंदुत्वावादीच होते ना? आज राष्ट्रवादी (क्ष - काँग्रेस) आणि काँग्रेस सत्तेत आहे ते फक्त त्यांच्या सत्तेच्या भुके पोटी. महाराष्ट्रात राजकारणा बद्दल बोलायचेच असेल तर महाराष्ट्रवादी बनुन बोला.
आता काही प्रश्न आहेत त्यांची उत्तरे द्या...

1. महाराष्ट्रात कम्युनिस्ट सत्तेत का नाहीत?
2. कम्युनिस्टजर निधर्मवादी आहेत तर ते भारतात स्वबळावर सत्तेत का येत नाहीत?
3. कम्युनिस्टांचा झेंडा घेउन मिरवणारे बर्धन महाराष्ट्रातल्या सर्व सामान्य शेतकर्‍यांच्या आत्महत्या बघून काही बोलत का नाहीत?
4. कम्युनिस्ट लोकं पुढे येउन माहिती तंत्रज्ञान क्षेत्रातल्या कामगार (अभियंता-बी पी ओ कर्मचारी) लोकांना संघटीत करून संघटना उभी करून त्यांचे प्रश्न का सोडवत नाहीत.

हे प्रश्न आधी सोडवा मग इतर लोक कोण आहेत त्या बद्दल बोला.

श्रीकृष्ण आयोग आणि कम्युनिष्ठ् पक्षाचा सबंध काय. चर्चा चाललीय कशावर आणि घसरता आहेत कशावर काय म्हणावे ह्यांना.

श्रीकृष्ण आयोगाचा "राजकारणासाठी" होणारा वापर बोलल्या नंतर आपण ती चर्चा हिंदूत्ववादावर नेली. तेथे आपण म्हणत असलेली घसरण चालू झाली. पुढे "दंगलीतील दोषींवर कारवाई व्हावी असे आपणास वाटत नाही का?" असा प्रश्न विचारलात.

थोडक्यात चर्चेचा रोख आपण श्रीकृष्ण अहवालावरून हिंदूत्ववादावर नेलात जे मला आक्षेपार्ह वाटले. वर दंगलीतील दोषींवर कारवाई होण्याच्या बाजूने असणे अथवा विरुद्ध असणे यावर प्रश्न विचारलात. त्यावर माझी प्रतिक्रीया होती की या सर्वाचे मूळ हिंसा आहे मग ती कोणीही कोणत्याही कारणासाठी केली असोत.

म्हणून पुढे म्हणले की याच नाही तर कुठल्याही दंगलीत अथवा हिंसे संदर्भात हिंसा करणार्‍यांवर कारवाई झाली पाहीजे आणि पुढे आपल्याला विनंती केली की कम्यूनिस्टांनी केलेली हिंसा आपल्याला योग्य वाटते का अथवा त्याचा आपण निषेध कराल का? जो पर्यंत आपण स्वतः उल्लेख करत असलेल्या माणूसकीशी प्रामाणीक राहून, हिंसा करणार्‍या कम्यूनिस्टांचा निषेध करत नाहीत आणि संधी मिळताच हिंदूंना बडवताय, तो पर्यंत आपण माणूसकी दाखवत नसून त्याच्या बुरख्याखाली पक्षपात दाखवत आहात. म्हणून म्हणतो की उगाच हिंदूत्ववाद्यांना वगैरे शिव्या देणे बंद करा निषेध करायचाच असेल तर तो कुठल्याही हिंसेचा करा.

अर्थातच "हे सत्य आपल्याला कटू ठरले" आणि म्हणून अजूनपण कम्यूनिस्टांच्या हिंसेचा आपण निषेध करायला तयार नाहीत... कारण कम्यूनिझम हा आपल्यासाठी रिलीजन झाला आहे आणि तुम्हाला माहीतच आहे की "रिलीजन ही एक अफूची गोळी आहे!"

-----------------------------

थोडेसे या चर्चेच्या विषयास अवांतर, पण त्यातील वादविवादाशी संबंधीतः रिडीफ वर, रॉच्या माजी संचालकांचा बी. रामन यांचा "China's interest is our Interest" हा लेख वाचा आणि आजही कम्यूनिस्ट आजही कसे वागताहेत ते वाचून् तुम्हाला "राष्ट्रधर्म पाळण्याच्या दृष्टीकोनातून बरोबर वाटत आहे का ते सांगीतलेतर बरे होईल.