आजकाल खेडेगावात,ग्रामपंचायतीविषयी उसासीनतेचे सूर ऐकायला मिळतात,अल्पभुधारक,आणि भूमिहीन शेतक-यांचे प्रश्नाबाबत,शासन स्तरावर फारसे काही प्रयत्न होतांना दिसत नाही.त्यातल्या त्यात शहराकडे रोजीरोटीसाठी माणसांचे लोंढे वाढत आहेत,गांधीजींच्या खेड्याकडे चला,ही हाक स्वप्नच ठरले, तरिही,काही गावांनी मात्र व्यवस्थेत बदल करण्याचा प्रयत्न केला,त्या पैकी एक चंद्रपूर जिल्ह्यातील राजगड या गावातल्या ग्रामपंचायतीने समुहशेतीचा माध्यमातुन रोजगार देण्याचा प्रयत्न केला.
संत गाडगेबाबा ग्रामस्वच्छता अभियानामधे भाग घेतल्यानंतर या गावाचे रुप बदलले,या गावच्या ग्रामपंचायतीचे सरपंच चंदू पाटील यांनी पुढाकार घेऊन एक समुहशेतीचा प्रयोग घेतला, या गावात शेती नसणा-या अंदाजे चाळीस कुटुंबांना रोजगार मिळाला पाहिजे या उद्देशाने या ग्रामपंचायतीने येथील शेती करारावर घेतली आणि गावात ज्यांना शेती नाही अशा लोकांना बटाईने जशी शेती देतो त्याप्रमाणे गावातल्या लोकांना शेती कसायला दिली.या शेतीतील उत्पन्न जे येईल त्यातला काही वाटा ग्रामपंचायतीला द्यायचा आणि काही कुटुंबांना द्यायचा असे ठरले,या प्रयोगातुन गावातल्या भुमिहीनांना या निमित्ताने रोजगार मिळाला. आणि त्या गावाच्या ग्रामपंचायतीला फायदाही झाला.
समूहशेतीबरोबर या गावात,चराईबंदी,कु-हाडबंदी,नशाबंदी,( नशाबंदीवर,जे मत असेल ते कृपया खरडवहीत लिहीणे) गुटकासेवन बंदी,नसबंदी,असे ठराव केले आहेत.पडिक जमिनीत बांबूची लागवड करुन त्याच्या विक्रीतून गावाचा विकास करण्याचा प्रयत्न केला आहे. महिन्यातुन एकदा श्रमदानातुन वृक्षसंवर्धनाचा विडा उचलला आहे. गावाच्या सांघीक निर्णयातुन गावाचा विकास कसा होऊ शकतो,या गावाने दाखवून दिले आहे, असाच जर विचार अनेक गावांनी केला आणि तो बक्षीसानंतरही त्या गावात हाच कायापालट राहिला तर खेड्याकडे चला ही हाक देण्याची गरज राहाणार नाही असे वाटते.

सूचना:- सदरील बातमी एका मासिकात आलेली होती.त्या बातमीवरुन हा लेख.(सापडले तर मासिकाचे नाव सांगतो)