.......आमच्या कादंबिनी सहनिवासात दोन इमारती असून एकूण चौवीस सदनिका (फ्लॅट्स) आहेत.त्यांत चौवीस कुटुंबे राहातात. स्वातंत्र्यदिन आणि प्रजासत्ताकदिन हे राष्ट्रीय सण आम्ही मोठ्या उत्साहात साजरे करतो.
.......गतवर्षीच्या स्वातंत्र्यदिनी सहनिवासातील दहा वर्षांखालील बालकांचा एक कार्यक्रम आयोजित करण्याचे ठरले होते.भाग घेणार्‍या बालकांची एकूण संख्या एकतीस (३१) होती.ही संख्या मोठी असल्याने मुलांचा (बॉईज) एक आणि मुलींचा एक असे दोन गट केले. प्रत्येक गटाने आपला स्वतंत्र कार्यक्रम सादर केला.मुलींच्या गटाचा कार्यक्रम फारच छान झाला.
.......या सर्व एकतीस (३१) बालकांना आमच्या सहकारी संस्थेने पारितोषिके दिली. प्रत्येक मुलीच्या पारितोषिकाची रक्कम समान आणि पूर्ण रुपयात होती.ती प्रत्येक मुलाच्या (बॉय) पारितोषिकाच्या रकमेपेक्षा सात(७) रुपयांनी अधिक होती.या एकतीस (३१) पारितोषिकांसाठी एकूण चारशे सत्तर रुपये (४७०रु) लागले.
तरः(१) कार्यक्रमात भाग घेणार्‍या मुलींची संख्या किती?
.....(२)प्रत्येक मुलीच्या पारितोषिकाची रक्कम किती?

*************************************************************************
हे कोडे बीजगणिती समीकरण लिहून सोडवावे लागेल. दोन अव्यक्ते (अन्नोन्स ) आणि एकच समीकरण मिळेल. अव्यक्ताची किंमत धन पूर्णांक संख्या (+ इंटीजर) असण्याचे बंधन आहे. अशा समीकरणांना डायोफंटी समीकरणे म्हणतात.ती सोडवण्याची विशिष्ठ रीत आहे. योग्य गणिती विचाराने अशी समीकरणे सोडविता येतात.
(उत्तर कृपया व्यनि. बे)