भाषेचे ज्ञान अगदीच तोकडे असल्याने तीन तीन शब्द शोधणे शक्य होईल असे वाटत नाही पण प्रश्नांची मजा वाटली म्हणून निदान एक उत्तर प्रत्येक प्रश्नाचे देते.

१) असे तीन शब्द जे एकाच व्यंजनापासून (वा त्याच्या बाराखडीपासून) तयार होतात, पण ते चार अक्षरी आहेत. - लालेलाल
२) असे तीन शब्द जे तीन अक्षरी आहेत आणि त्यांतील तीनही अक्षरे ही जोडाक्षरे आहेत. (शब्द अर्थपूर्ण असले पाहिजेत.) - वृद्धत्व, ब्रह्मज्ञ, ब्राह्मण्य

३) असा अर्थपूर्ण एकाक्षरी शब्द, ज्यातील अक्षर हे जोडाक्षर असेल. - ब्र !!

तंतोतंत, बोंबाबोंब

प्रियाली आणि तो यांची कमाल आहे. मला चार् अक्षरी व एकाच व्यंजनापासून् बनलेला एकही शब्द आठवला नव्हता.

तीन अक्षरी - जोडाक्षरी - प्रद्युम्न, श्रीकृष्ण

एकाक्षरी जोडाक्षरी - श्री

२) असे तीन शब्द जे तीन अक्षरी आहेत आणि त्यांतील तीनही अक्षरे ही जोडाक्षरे आहेत. असे आणखी काही

प्रच्छन्न, प्रत्यक्ष, प्रकृष्ट,

व्यक्तिश: ही चालेल ना?

राग येतो?- जोगिया असू दे

तूर्तातूर- लवकर् , सत्वर्
लललल, चचचच (उद्गारवाचक् आहेत ..)हे दोन्ही शब्द् निराशाजन उद्गार् दर्शवतात्.
त्रिपुंड्र्, प्रित्यर्थ, मृदंग्या

त्रि, श्री, ब्र,

केवळ ब च्या वापरानेच बाब, बाबा, बोंब, बिब्बा, बांबू, बाबू, बिंब (बिंबा, बेबी) असे अर्थपूर्ण शद्ब बनतात,

तात, ताता, तुती, (तात्या) त्यातलेच;)

'तो'

मराठी असे आमुची मायबोली तिला बैसवूं वैभवाच्या शिरी |
***********************************
तीन आणि चार अक्षरी शब्द अनेकांनी सुचवले आहेत. एकाक्षरी राहिले. 'ब्र' हा शब्द नव्हे. ते केवळ अक्षर आहे. त्याविषयी नंतर .

एकाक्षरी :
त्वां (त्वां काय कर्म करिजे लघुलेकराने| बोलोनिया मग धनू धरिले कराने |)
म्या (काय म्या पामरे| बोलावी उत्तरे|
भ्रू (भिवई..उच्चभ्रू )
श्री ( लक्ष्मी)
द्यु (स्वर्ग,आकाश)

त्या येथे येत होत्या.

ह्या बाईंना सांगावे.

ब्र हा शब्द का नाही बरे?

धृष्टद्युम्न (म्+न) हा नीट दिसत नाही म्हणून फोड

अवांतर- हा शब्द न अडखळता चार वेळा सुस्पष्ट उच्चारता आला तर ब्रेथ अनालायझर ची गरज नाही.

प्रकाश घाटपांडे

आता लेडी यनावाला? छान, छान !!

'स्त्री' कुणालाच कशी आठवली नाही बरे?

तंतोतंत, लालेलाल आणि बोंबाबोंब! एकदम तंतोतंत!

’ब्र’ मराठी का नाही बुवा?

तूर्तातूर आणि लललल म्हणजे काय?

संन्यस्त आणि शास्त्रार्थ यांच्यात अनुक्रमे ’सं’ आणि ’शा’ जोडाक्षरं कुठे आहेत?

आता एकाक्षरी शब्द, ज्यात जोडाक्षर नाही, पण तो अर्थपूर्ण आहे... असे बरेच आहेत म्हणा. बघू आपल्याला किती आठवतात.

श्रीमंत गोपिकाबाई पेशवे

मराठी असे आमुची मायबोली तिला बैसवूं वैभवाच्या शिरी |
***********************************
ब्रु (२उ.प) बोलणे हा संस्कृत धातु आहे. तो ब्रवीमि ब्रूवः ब्रूमः | असा ( परस्मैपदी) चालतो. त्यातील "ब्रवीमि "(वर्त.प्र.पु.ए.व.) चा अर्थ "मी बोलतो/बोलते " असा होतो.
एखाद्या विषयावर चर्चा चालू असता जर कोणला काही मतप्रदर्शन करायचे असेल तर हात वर करून त्याने "ब्रवीमि" असे म्हणायचे.' ब्रूहि'(तू बोल) अशी संमती मिळाल्यावर बोलायचे. पुनःपुन्हा बोलून चर्चेत प्रत्यवाय आणणार्‍याला " "ब्र (ब्रवीमि चे पहिले अक्षर) अपि मा ब्रूहि " असे सांगितले जात असावे. त्याचे मराठीकरण "ब्र सुद्धा उच्चारू नकोस "असे झाले. ब्र हे केवळ अक्षर आहे असे मी म्हणतो ते या अर्थी.
अर्थात ब्र चा अर्थ अवाक्षर, चकारशब्द असा होऊ शकेल आणि तो एकाक्षरी शब्द मानता येईल हे मान्य आहे.