तात्या,
कार्यक्रमासाठी हार्दिक शुभेच्छा.

- योगेश

कार्यक्रम यशस्वी होवो हीच शुभेच्छा!
सन्जोप राव

तात्या,
कार्यक्रमासाठी माझ्याही हार्दिक शुभेच्छा !

आम्हाला तर काय यायला जमणार नाय. कार्यक्रमाचे चित्र-ध्वनीमुद्रण करून सीडी बनवा. एम्.पी.४ करून जालावर द्या. तुमची जबाबदारी हां. बघा बुवा.

तात्या, कार्यक्रमासाठी हार्दिक शुभेच्छा.

[अवांतर - "१५ जुलै रोजी कालिदास दिनही आहे आणि योगायोगाने आषाढाचा पहिला दिवसही आहे!". हे वाक्य गंमतीत लिहिले नाही, असे धरून चालतो. पण 'आषाढस्य प्रथम दिवसे...' या ओळीमुळेच आषाढाचा पहिला दिवस 'कालिदास दिन' म्हणून साजरा करतात. असो, छिद्रान्वेषीपणाबद्दल क्षमस्व.]

तात्या,
कार्यक्रमासाठी हार्दिक शुभेच्छा!

आशा आहे कार्यक्रम तबकडीवर आणण्यासाठीची सर्व सोय आपण आधीच केली असेल!
आपला
गुंडोपंत

कार्यक्रमासाठी हार्दिक शुभेच्छा

मराठी असे आमुची मायबोली तिला बैसवूं वैभवाच्या शिरी |
***********************************
श्री.तात्या यांसी सप्रेम नमस्कार.
कवी : कालिदास
संगीत : तात्या
या कर्यक्रमाला उपस्थित राहून श्रवणसुख अनुभवता आले असते तर मला अतीव आनंद झाला असता. तात्या, आपल्या या कार्यक्रमाला माझ्या मनःपूर्वक शुभेच्छा ! संगीत तुमचे आहेच. पण कार्यक्रमाचे दिग्दर्शन आणि सूत्र संचलन सुद्धा तुमचेच आहे. नि:संशय तात्या ग्रेटच आहेत!

तात्या

कार्यक्रमाला शुभेच्छा!

जाता जाता - कालिदासाची रास कन्या असावी. १५ जुलैला शनि सिंहेत प्रवेश करतो आहे आणि कन्या राशीची साडेसाती सुरू होते आहे म्हणून विचारले.

विनायक

शुभेच्छांकरता सर्वांचे आभार..

जे कार्यक्रमाला येऊ शकणार नाहीत त्यांच्याकरता काही चाली मी जालावर चढवून इथे त्यावर लिहीनच.

वालावलकरशेठ,

तात्या, आपल्या या कार्यक्रमाला माझ्या मनःपूर्वक शुभेच्छा ! संगीत तुमचे आहेच. पण कार्यक्रमाचे दिग्दर्शन आणि सूत्र संचलन सुद्धा तुमचेच आहे. नि:संशय तात्या ग्रेटच आहेत!

शुभेच्छांबद्दल मनापासून आभार. कार्यक्रमाचे दिग्दर्शन माझे असेल परंतु सूत्रसंचालन मात्र धनश्रीच करणार आहे. कार्यक्रमाची निर्मिती मात्र संपूर्णतः माझी आहे.

नि:संशय तात्या ग्रेटच आहेत!

हे आपण उपहासाने लिहिले नसावे असे मी मानतो! :),

किंवा कदाचित आपण दोघे एकाच जिल्ह्यातले असल्यामुळे आपण माझे जरा जास्तच कौतुक केले आहे असेही म्हणता येईल! :)

असो, परंतु आपल्यासारख्या भाषाप्रभू, आणि व्यासांगी व्यक्तिमत्वाने मला ग्रेट म्हणावे हा मी माझा सन्मान समजतो!

धन्यवाद...

तात्या अभ्यंकर.

अरे वा, कार्यक्रम एकूण चांगलाच रंगणार असं दिसतंय. पण रात्री ८.३० ला ठेवलात. :( मला कसं यायला जमेल? :( असो, इथूनच तुमच्या कार्यक्रमाला शुभेच्छा!
राधिका

तात्या,
कार्यक्रमासाठी शुभेच्छा!
स्वाती

उशीर झाला, पण तरीही - कार्यक्रमासाठी शुभेच्छा

- दिगम्भा

स्वाती आणि दिगम्भा,

धन्यवाद..

तात्या.

संस्कृत पंडित पराडकर साहेब कार्यक्रमाला येणार आहेत. अर्थात, वयपरत्वे त्यांना कितपत जमेल ही शंकाच आहे.

पं भाई गायतोंडे, पद्मश्री डॉ एन राजम आणि ठाण्या-मुंबईतले संस्कृत व संगीत क्षेत्रातील इतरही काही मान्यवर सदर कार्यक्रमाला उपस्थित राहणार आहेत.

वरील मान्यवरांनी कार्यक्रमाला आवर्जून येण्याचे मान्य केले आहे हा मी माझा सन्मान समजतो!

सर्व उपक्रमींना कार्यक्रमाचे पुन्हा एकदा आमंत्रण!

आपला
तात्या अभ्यंकर.

मराठी असे आमुची मायबोली तिला बैसवूं वैभवाच्या शिरी |
***********************************
आषाढाचा पहिला दिवस. आज तात्यांचा कर्यक्रम. ते संगीत दिग्दर्शक तसेच सूत्रधारही आहेत्. आपण त्यांना शुभेच्छा देऊन सुयश चिंतिलेच आहे.
मेघदूताचा परिचय बहुतेकांना आहे.एका यक्षाकडून अपराध घडला. त्याचा स्वामी कुबेर याने त्याला रामगिरी आश्रमात वर्षभर एकटे रहाण्याची शिक्षा दिली.प्रिय पत्नीचा असा दीर्घकाळ विरह यक्षाला असह्य.आषाढाच्या पहिल्या दिवशी त्याला पर्वत शिखरावर उतरलेला मेघ दिसला.त्या मेघाकरवी पत्नीला निरोप. रामगिरी ते कैलास कोणत्या मार्गे जायचे, वाटेत काय दिसेल याचे कथन म्हणजे मेघदूत काव्य.
मेघदूताची मराठीत अनेक भाषांतरे झाली. चिंतामणराव देशमुख (सी.डी) यांचेही समवृत्त भाषांतर आहे. त्यातील पहिली दोन कडवी आणि मूळ मेघदूतातील दुसरे कडवे पुढील प्रमाणे.:

................................................................................................................................

*
तस्मिन् अद्रौ कतिचिदबलाविप्रयुक्तः स कामी|
नीत्वा मासान् कनकवलयभ्रंशरिक्तप्रकोष्ठः|
आषाढस्य प्रथमदिवसे मेघम् आश्लिष्टसानुम्|
वप्रक्रीडापरिणतगजप्रेक्षणीयं ददर्श |२|
*********

ठळक ओळींचा अन्वय आणि अर्थः
आषाढस्य प्रथमदिवसे............आषाढ महिन्याच्या पहिल्या दिवशी
(सः कामी यक्षः).................. त्या (कामविव्हल यक्षाने)
आश्लिष्टसानुम्...................पर्वत शिखराला बिलगलेल्या (आणि)
वप्रक्रीडा--...............नदीतटावरील वाळूच्या उंचवट्याला धडक मारण्याचा खेळ करण्यासाठी--
परिणतगजप्रेक्षणीयम्........खाली वाकलेल्या हत्ती प्रमाणे प्रेक्षणीय दिसणार्-या
मेघम् ददर्श................मेघाला पाहिले.
(मराठी अर्था साठी उजवीकडच्या ओळी क्रमाने वाचव्या)

मराठी असे आमुची मायबोली तिला बैसवूं वैभवाच्या शिरी |
***********************************
श्री.तात्या यांस सप्रेम नमस्कार.
अठराशे सत्तावनच्या स्वातंत्र्य युद्धाला १५० वर्षे झाली त्यानित्त आयोजित एका कार्यक्रमाला गेलो होतो. तिथे श्री. निनाद बेडेकर यांचे भाषण झाले.भाषणाच्या ओघात तात्या टोपे, तात्याराव सावरकर यांची नांवे आली. त्यावेळी श्री. बेडेकर म्हणाले "तात्या या नावाची मराठी माणसे ग्रेटच असतात, असे माझे निरीक्षण आहे." (मला साहित्यसम्राट तात्यासाहेब केळकर यांचेही नाव आठवले).त्या इतिहास संशोधकाचे शब्द माझ्या स्मरणात राहिले.तेच मी लिहिले. उपहास किंवा गंमत करता येते. पण हा वेळ प्रसंग त्यासाठी नव्हता. त्यामुळे तसे लिहिण्याचा प्रश्नच नाही.
आपला,
यनावाला.

कालचा 'आषाढस्य प्रथम दिवसे..' हा कार्यक्रम उत्तम झाला हे खरे तर मराठी संगीत रंगभूमीचे अनभिषिक्त सम्राट नारायणराव बालगंधर्व यांच्याच आशीर्वादाचे फळ आहे असे मानले पाहिजे! कारण कालच नारायणरावांचा स्मृतिदिन होता हा आमच्याकरता आम्ही एक चांगला योगायोगच मानतो. १५ जुलै १९६७ रोजी नारायणराव हे जग सोडून गेले.

'नाथ हा माझा', 'सुजन कसा मन चोरी', 'मधुकर वन वन', 'रूपबली तो नरशार्दुल', 'स्वकुल तारक सुता', 'जोहार मायबाप जोहार', 'नयने लाजवीत', 'दया छाया', इत्यादी एकाहून एक सरस शिल्प घडवणार्‍या नारायणरावांना मानाचा मुजरा! त्यांची लडिवाळ गायकी, स्वरलयावरील हुकुमत माणसाला आयुष्यभराकरता बांधून ठेवते, मोहवून टाकते!

'आषाढस्य प्रथम दिवसे..' ही एक फुलांची लहानशी ओंजळ मी नारायणराव बालगंधर्वांना समर्पित करत आहे.

'असा बालगंधर्व आता न होणे...'

आपला,
(बालगंधर्वप्रेमी) तात्या.

या कार्यक्रमाबद्दल दै. लोकसत्ताच्या ठाणे वृत्तांतात आलेली माहिती येथे वाचता येईल.