छान लिहिलं आहेस.

मिथून राशीचं सध्या बरं आहे कारे? ;)
एखादी लय भारी पोरगी पटवायची असेल तर् मिथून राशीला सध्या बरे दिवस आहेत का रे? ;)

नाही, मी आपलं असंच विचारलं हो!

आपला,
(कुठे काही चान्स मिळतोय का ते पाहणारा!) तात्या.

विषय भलतीकडे जातोय. मूळ मुद्दा बाजूला ठेवून अनावश्यक गोष्टींचे चर्वण सुरू आहे.

गाडी रूळावर आणा.

आपला,
(मुद्देसूद) धोंडोपंत

धोंडोपंत,

कुंभ राशीच्या लोकांना या मंगळप्रवेशामुळे चांगला/ वाईट काय फरक पडेल ते सांगितलेत तर बरे होईल.

- (कुंभ राशीची ) प्राजक्ती

प्राजक्ती,

कुंभ ही शनीची रास. कुंभ ही राजराशी आहे. हे लोक अत्यंत बुध्दिमान असतात. ही वायुतत्वाची रास आहे. त्यामुळे हुषारी ही उपजत असते.

शनी चे "पॉझिटिव्ह" गुण ह्या राशीत आहेत. निगेटिव्ह मकरेत आहेत.

कुंभ राशीचे लोक् हे अत्यंत विचारपूर्वक कृती करणारे असतात. कोणत्याही विषयात हे घुसले की त्याचे सखोल ज्ञान आत्मसात करण्याकडे ह्यांचा कल असतो. त्याचप्रमाणे ह्या लोकांना तौलनिक अभ्यास करण्याची आवड असते.

यांना उधळपट्टी करायला आवडत नाही. चारचौघांसोबत हॉटेलात गेले, तर बील आल्यावर एकदम त्यावर झडप घालून् "मी देतो... मी देतो"... करणार नाहीत. शांतपणे लोकांना पैसे द्यायची "संधी" देतील.

मिथुन सुध्दा कुंभेसारखी वायुतत्वाची अत्यंत हुषार रास. पण त्यावर बुधाचा अंमल असल्यामुळे मिथुन राशीचे लोक उतावळे असतात.

त्यांचा हा धसमुसळेपणा कुंभेत नाही.

मंगळाचे गुण हे शनीच्या अगदी विरुध्द आहेत. मंगळ म्हणजे एक घाव दोन तुकडे. शनीमहाराज एकदम संथ. त्यामुळे कुंभेत मंगळ येतो तो त्याच्या शत्रूच्या घरात येतो. तेथे तो फारशी चांगली फळे देत नाही.

कुंभ रास पत्रिकेत कोणत्या स्थानात आहे? हे समजल्यावर त्यावरून मंगळाचे गोचरीचे फलादेश सांगता येतील.

आणि हो, कुंभेत सध्या राहू आणि हर्षलमहाशयही ठाण मांडून बसले आहेत. त्यांच्यावरून मंगळाचे भ्रमण फारसे सुखदायी नाही.

पण वर सांगितल्याप्रमाणे रास कोणत्या स्थानात आहे त्या स्थानाच्या कारकत्वावरून मंगळ भ्रमणाचे निश्चित परिणाम सांगता येतील.

आपला,
(ग्रहांकित) धोंडोपंत

धोंडोपंत,

आपण दिलेल्या माहितीबद्दल अनेक धन्यवाद!
कुंभ रास पत्रिकेत कोणत्या स्थानात आहे हे मात्र मला माहित नाही. या राशीत मंगळ किती दिवस असणार आहे?

प्राजक्ती

प्राजक्ती,

कुंभेत मंगळ ०७ मे २००७ पर्यंत आहे.

७ मे रोजी रात्री ९.०५ ला तो मीनेत जाईल.

आपला,
(गणिती) धोंडोपंत

ठीक आहे..म्हणजे दीड महिना या राशीत् आहे..माहितीबद्दल धन्यवाद!

आपली,
(आभारी)प्राजक्ती

श्रीयुत धोंडोपंत यांस सप्रेम नमस्कार
सचिनच्या संदर्भात सभासदांनी विचारलेले प्रश्न निरुत्तर करणारे आहेत.त्यांत चेष्टेचाही सूर आहे.पण ती चेष्टा फलज्योतिषाची आहे.धोंडोपंतांच्या आत्मसन्मानाला धक्का लागेल असा एकही शब्द कोणी लिहिला नाही.लिहिणारही नाहीत. कारण सर्वजण सुबुद्ध आहेत.आपण सर्व 'उपक्रम'कुटुंबाचे (परिवाराचे) सदस्य आहोत याची सर्वांना जाणीव आहे.आता आणखी कांही उदाहरणे:

** लोकसभेच्या २००४ च्या निवडणुकीत भाजपला बहुमत मिळेल ,त्यांचे सरकार येईल, श्री.बाजपेयीच पंतप्रधान होतील ; असे भविष्य सर्व सुप्रसिद्ध ज्योतिषांनी केले होते.ते सपशेल खोटे ठरले.
** त्यावेळी डॉ.मुरलीमनोहर जोशी केंद्रीय मंत्री होते.ते निवडून येतील आणि त्यांना महत्त्वाचे मंत्रिपद मिळेल कारण त्यांचे सर्व ग्रह उच्चीचे आहेत असे भाकीत बत्तीस(३२) नामांकित भविष्यवेत्त्यांनी वर्तविले होते.प्रत्यक्षात डॉ.जोशी यांचे डिपॉझिट गेले.
** मागे अष्टग्रहीच्यावेळी पृथ्वीवर उत्पात घडतील असे सांगत ज्योतिषांनी उच्छाद मांडला होता.प्रत्यक्षात काहीच विपरीत घडले नाही.
**गेल्यावर्षी टी.व्ही.वरील मुलाखतीत एका प्रख्यात ज्योतिषाने सांगितले होते की जून २००६ मधे महाराष्ट्राचे मुख्यमंत्रिपद राष्ट्रवादी कॉंग्रेसकडे जाईल.तसे मुळीच घडले नाही.
या आणि अशा अगणित अनुभवांवरून सिद्ध होते की ज्योतिष हे शास्त्र नाहीच.आहे तो चुकीच्या गृहीतकांवर आधारित केवळ कल्पनाविलास.
आपला,.......यनावाला

माझ्या मित्राला व त्याच्या होणार्‍या बायकोला मंगळ आहे. तर् अधिकृत लग्नाआधी त्यांनी आधी केळीच्या झाडाशी पाट लावावा की पिंपळाच्या?

तो राहतो तेथे एकही असे झाड उपलब्ध नाही. तर मग झाडाचे चित्र काढून् त्याच्याशी पाट लावला तर् चालेल का्?

-मंगळ पांडे

समजा तुम्ही एका विस्तीर्ण माळावर पूर्वाभिमुख उभे आहात.अजून सूर्योदय व्हायचा आहे,तुमच्या समोर शंभर मीटर अंतरावर एक मोठे वर्तुळाकार मैदान आहे.मैदानाच्या परिघावरून चालत चालत एक माणूस फेरी घालत आहे.सूर्यबिंब क्षितिजावर आले आहे. एवढ्यात मैदानाला फेरी घालणारा माणूस तुम्ही आणि सूर्य यांच्या मधे आला.त्याला सूर्यबिंबाची पार्श्वभूमी लाभली म्हणजे त्याने सूर्यबिंबावर प्रवेश केला असे म्हणणार काय? खरे तर त्या माणसा पासून सूर्य १५कोटी किमी. अंतरावर आहे.
मंगळ त्याच्या कक्षेत फिरताना अशा ठिकाणी येतो की त्याला कुम्भ राशीतील नक्षत्रांची पार्श्वभूमी लाभते.आपल्याला वाटते मंगळाने कुंभेत प्रवेश केला.खरे तर तो कुंभेलील सर्वात जवळच्या तार्‍या पासूनही अब्जानुअब्ज किलोमीटर दूर असतो.
आपल्याला सर्वात जवळचा तारा म्हणजे सूर्य.तो इथून ५०० प्रकाश सेकंद (८मि.२० से) अंतरावर आहे. प्रकाशाचा वेग ३लक्ष किमी. प्रतिसेकंद आहे.दुसरा कोणताही तारा इथून पाच प्रकाश वर्षांपेक्षा कमी अंतरावर नाही.काही तारे तर सहस्रावधी प्रकाश वर्षे दूर् आहेत. या अंतराचा विचार करता मंगळाची कक्षा नगण्य आहे. मंगळ त्याच्या कक्षेत कुठेही असला तरी तो कुंभ राशी पासून कित्येक अब्ज कि.मी .दूरच असतो.हे सर्व वैज्ञानिक वास्तव आहे.
तेव्हा मंगळाचा कुंभेत प्रवेश हा केवळ दृक् भ्रम आहे. तारे इतके दूरस्थ आहेत की आपल्या सूर्यमालेतील कोणत्याही ग्रहावर
कोणत्याही राशीतील कोणत्याही नक्षत्राचा काही सुद्धा परिणाम होण्याची सुतराम शक्यता नाही

" त्या तिकडे काळोखात त्या झाडा खाली बागुलबुवा बसला आहे. त्याचे डोळे मोठे मोठे आहेत. त्याच्या कडे एक पोते आहे.
मुलांनी हट्ट केला तर तो येतो. त्यांच्यावर डोळे वटारून रागावतो आणि ऐकली नाहीत तर त्यांना पोत्यात घालून भूर घेवून जातो."
असे लहान मुलांना सांगणे

आणि

"आत्ता कुंभेत राहू आणि हर्षल हे ग्रह ठाण मांडून् बसले आहेत.

ह्या लोकांनी २९ मार्च नंतर फार सावधान रहावे असा सल्ला आहे. कारण मंगळ हा कलहप्रिय ग्रह आहे. तो लग्नात आल्यावर माणसाला भांडणे करायला प्रवृत्त करतो. रागीटपणा देतो, हट्टीपणा देतो.
लग्नातल्या मंगळाची पूर्ण् दृष्टी सप्तमावर पडत असल्याने ह्या लोकांनी वैवाहिक बाबतीत फार दक्ष रहावे. जोडीदाराशी होणारे लहान सहान मतभेदही अशा ग्रहस्थितीत घटस्फोटापर्यंत पोहोचवू शकतात."
असे अनभिज्ञ लोकांना सांगणे
यांत तत्त्वतः काही भेद नाही.