इथेही खाप पंचायत अवतरली का?
आडनाव एक असले तर जात आणि गोत्र एकच असण्याचा संभव असतो. जात एक निघाली तर उत्तमच,पण पुढे गोत्रही एकच निघाले तर मात्र प्रश्न येईल कारण शास्त्रास सगोत्रविवाह मान्य नाही. तुम्ही सांगता तसे तुमचे नातेसंबंध जवळजवळ नाहीतच, असले तरी अति-अतिदूरचे, तेव्हा वडीलधार्‍यांनी सुज्ञपणाने लग्नास संमती देणे योग्य ठरले असते.

दोघांचही रक्त (रक्तगटासाठी आणि इतर व्याधींसाठी) तपासून घ्या. काही समस्या नसेल आणि तुम्ही दोघं सज्ञान असाल तर खुषाल लग्न करू शकता.

खूपदा इतर कारण तोंडावर सांगून अपमान करण्यापेक्षा वडीलधारी मंडळी अशी कारणे पुढे करतात हा अनुभव आहे. त्यामुळे विरोध करण्यासाठी वेगळं काही कारण नाहीना याची (प्रेयसीला विचारून) खात्री करून घ्या. विरोध असण्याची खूप कारणं असू शकतात. पण मोठ्यामंडळीसाठी शारिरीक कारणं (उदा. व्यक्तीमत्व रुबाबदार नसणं, खूप बारीक किंवा खूप जाड असणं, रंग काळा असणं, टक्कल असणं, उंची कमी असणं, चश्मा असणं, तोतरेपणा वगैरे) सहसा नसतात व आर्थिक कारण असण्याची शक्यता जास्त असते. त्यामुळे तुमच्या प्रेयसीने जर अ‍ॅरेंज मॅरेजच्या बाजारात उडी मारली तर (पार्डन माय लँग्वेज) तीच्या अ‍ॅसॅट्स नुसार तीला तुमच्यापेक्षा चांगला (दिसायला चांगला, पगार आणि शिक्षण जास्त, नोकरी चांगली वगैरे) नवरा मिळेल असं तुम्हाला वाटतं का? याची उत्तरं मिळवण्याचा प्रयत्न कर. त्यानुसार पुढचा सल्ला देइन.

-तुझाच दादा :)

आडनाव जर टायटल किंवा व्यवसाय (जोशी/पाटील/देशमुख/कुळकर्णी/भोई/सुतार/कुंभार) स्वरूपाचं असेल तर ते एक असणे याला काही अर्थ नाही.

बाकी इतरांनी सांगितलं आहेच.

उत्तर भारतीय लोकांत हे असे काहीसे चालते म्हणे. "मेहरा" आडनावाची माझी एक पंजाबी मैत्रिण सांगे की सर्व मेहरा आडनावाचे लोक आमचे बंधू असल्याने समान आडनावाच्या लोकांशी आम्ही लग्न करत नाही तर "देसाय"/देसाई आडनावाचे गुजराथी फक्त त्याच आडनावाच्या लोकांशी "सहसा" लग्न करतात.

बाकी, या गोष्टी महत्त्वाच्या नाहीत. ही केवळ कारणे आहेत.

>> कृपया मला मदतीची अपेक्षा आहे.... तिच्या पालकांना कसं समजाऊ मी ????

माझ्या मते याबाबत थेट मदत कोणीही करू शकणार नाही. पण मी काही टिप्स देऊ शकतो ज्या कदाचित आवडतील.
लग्नाबाबत थोडे थांबलं तर उत्तम. आधी तुम्ही दोघ एकमेकावारच प्रेम पुरेसे परिपक्व होऊ द्यात. सर्व गोष्टींचा साकल्याने विचार करा आणि तुम्हाला एकमेकांची साथ नक्की हवी आहे हा विचार पक्का करा. पालकांशी बोलत राहा. त्यांना विचार करायला वेळ द्या. कुठल्याही परिस्थितीत संवाद थांबवू किंवा बिघडवू नका.

केवळ आडनाव सारखे आहे म्हणून तुम्ही भाऊ बहीण आहात याला कोणताही शास्त्रीय (वैज्ञानिक) आधार नाही. जनुकीयरित्या एकाच आडनावाचे लोक खूप वेगळे किंवा वेगळ्या आडनावाचे / जात्तीचे लोक खूप सारखे असू शकतात. सध्याच्या वैज्ञानिक आकलनानुसार फक्त रक्तगट महत्वाचा असतो. विशिष्ट परिस्थितीत रक्तगट होणार्या संततीवर परिणाम करू शकतात. याबद्दलची माहिती तुम्ही डॉक्टरांकडून मिळवा.

वेळेनुसार गोष्टी बदलत राहतात आणि विरोध योग्य नसेल तर तो गळून पडतो. त्यामुळे शांत आणि समंजसपाने मार्ग काढा.

मुळात लग्न हे केवळ संततीसाठीच करायचे आहे काय?
नसल्यास हे गोत्र, रक्तगट, आडनाव, नाव, जात वगैरे कशानेही काय फरक पडतो?

जर त्या व्यक्तीबरोबर कायम एकत्र रहायचे असेल - त्यात अनंद मिळत असेल - तर लग्न म्हणताच केवळ या बाबींनाच प्राधान्य का?

त्यापेक्षा तुमचा स्वभाव व त्या व्यक्तीचा स्वभाव किती 'कंपॅटिबल' आहे. आजचा प्रियकर म्हणून कोणतीही जबाबदारी नसताना तुमचे प्रम उद्याच्या मिरच्या-कोथिंबिर जगात एक जबाबदार नवरा म्हणून कितपत निभावू शकाल (आनि व्हायसेव्हर्सा) वगैरे बाबींवर लग्नाचा निर्णय घ्यावा हे सुचवतो

एक प्रश्न विचारतो, तुमचे व भावना या दोघांचे सध्या वय वर्षे किती आहे? कॉलेजच्या कितव्या वर्षाला आहात?

एखाद्या ज्योतिषाला दक्षिणा कम लाच द्या. तो घरच्यांना सांगेन कि सगोत्र विवाह नाही. तसेच पत्रिका जुळते आहे असे ही सांगेल. नाही तर पत्रिका हा मोठा अडथळा घरचे उभे करतील.

अनामिक,

अजिबात न घाबरता बिन्धास्त लग्न करा. एक आड्नाव किंवा एक गोत्र असल्यामुळे काहिहि होत नाही.
संतती ला सुद्धा काही problem नाही.