हाच प्रतिवाद पुढे वाढवून आत्ताच्या जर्मन लोकांना नाझी असल्याचा अभिमान बाळगता येईल का या विचारात पडलो आहे.

उच्चवर्णीय अभिमानाच्या प्रवृत्तीचे उदाहरण म्हणून जे दोन् दुवे कोट केले आहेत ते वाचल्यावर मला मराठी भाषा मुळापासून पुन्हा शिकायला लागणार असे वाटू लागले आहे.

नितिन थत्ते

खरे तर मला धागाकर्त्याचे लेखन सूक्ष्मपणे जातीयवादी किंवा त्याचे समर्थन करणारे वाटते असे म्हणायचे होते. पण म्हटले कशाला थेट लिहायचे. हा त्यांचा बहुधा पहिलाच धागा आहे.¹ असो. बाकी तुम्ही म्हणता ते योग्यच आहे. अपघाताने लाभलेल्या जातीचा/धर्माचा अभिमान बाळगणे मूर्खपणाच आहे. पण असा मूर्खपणा करणाऱ्यांपेक्षा किंवा सटकणाऱ्यांपेक्षा त्याचे तुम्ही म्हणता तसे हुच्चभ्रू वकिली/समर्थन जादा खटकते. असो. कंपूबाजीपायी माणसाचे किती अधःपतन होते नाही. नको त्या खुळचट गोष्टींचे समर्थन करणे. जिथे बोलायला हवे तिथे मूग गिळून गप्प बसणे वगैरे वगैरे. असोच.

आणि आजकाल इंटरनेटावर जवळपास सगळेच उच्चवर्णीय समूह (ब्राह्मण, मराठा वगैरे वगैरे) आपला वर्णाभिमान, जात्याभिमान वगैरेंचे प्रदर्शन करण्यासाठी बॅन्डविड्थ उधळताना दिसतात. जरा फेसबुक, ओर्कुटवर, ब्लॉगजगतात थोडी सैर केली की जातीधर्मावरवर आधारित किती आणि कशाप्रकारचे समुदाय आहेत ते कळते आणि आपण आणखी मागे जात आहोत असे वाटायला लागते. उच्चवर्णीयांना शिव्याशाप देणारेही बरेच ग्रूप आहेत ते वेगळेच. असो. हा वेगळ्या चर्चेचा विषय आहे.

^{1. मधुलेखा ह्यांची वाटचाल बघितल्यावर कळले की हा त्यांचा पहिला धागा नाही.}

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"