ममता धन्य आहे. डाव्यांना हाकलायला चांगली होती. पण ती काही उजवी नाही. सिंगुरची केस सुद्धा हरली आहे.

>>रिटेलमधील एफडीआयसंबंधी कायदा पारित करण्यासाठी बहुमत हवे ना. 90 च्या दशकातली 'किमया' येत्या 2 वर्षांत साधणे कठीण दिसते.

सहमत आहे. ९० च्या दशकात नरसिंह राव आणि भाजपसुद्धा यांनी मीडियाचा फोकस बाबरी मशिद आणि हिंदू मुस्लिम दंगली यांवर राहील याची काळजी घेतली होती. त्यामुळे मनमोहन सिंग यांना पूर्ण स्वायत्तता मिळाली होती.
कदाचित एखादे माही/प्रिन्स* अधूनमधून विहिरीत पडत राहिले तर काही जमू शकेल.

(अशाच प्रकारे अर्थव्यवस्थेला निर्णायक डावे वळण १९६९-७५ च्या दरम्यान लागले. त्याहीवेळी लोकांचे लक्ष अर्थव्यवस्थेऐवजी बांगला देश, युद्ध आणि अणुस्फोट यांकडे राहील याची काळजी घेतली गेली होती. अर्थात डावे वळण घेण्याबाबत बराचसा राजकीय कन्सेन्सस त्या काळात होताच. पण ज्यांचा डावीकडे वळायला विरोध असण्याची शक्यता होती ते पाकिस्तानची ठेचलेली नांगी आणि 'बलवान' भारत साजरा करण्यात मशगूल होते).

*यांच्याबाबत जे वैयक्तिक झाले त्याबद्दल दु:ख आहे आणि अर्थव्यवस्था सुधारण्यासाठी अश्या गोष्टी घडवून आणाव्यात असे सुचवण्याचा हेतू नाही.

नितिन थत्ते