कोड्यात काही चुका असाव्यात. त्या विसरून. त्यांचे बिल ७० रु झाले होते व त्यांनी २५ रु प्रत्येकी दिले (म्हणून मालकाने ५ रु परत केले).

मुळात बिल ७०/३ झाले होते= २३.३३३३ पैसे (२५ नव्हे)

त्या ऐवजी त्यांनी २४ रु दिले म्हणून तिघांनी प्रत्येकी ६६.६६ पैसे जास्त दिले म्हणजे ६६.६६ गुणिले ३ = २०० पैसे (२ रु) जास्त दिले ते वेटरने खाल्ले.

२४ गुणिले ३ या गुणाकारात वेटरकडचे २ रु इन्क्लूडेड आहेत.

नितिन थत्ते

पांढर्‍यात -
२४ गुणिले ३ या गुणाकारात वेटरकडचे २ रु इन्क्लूडेड आहेत... हे छान उत्तर.

श्री. नितीन यांना प्रतिसाद होता हा.
---------------------
-धनंजय कुलकर्णी

गणित करतांना आपण चुकतो.

तीन मित्र एका हॉटेलात जातात. प्रत्येकी २५रू त्यांना बिल येते. एकूण रक्कम = ७५
वेटर ते पैसे घेउन मालकाकडे जातो. मालक ५ रू वापस देतो.

वेटर स्वता:कडे २ रू ठेवतो आणि तीघांना प्रत्येकी १ रू देतो.

आता इथे : १ रू वापस मिळाल्यामूळे तिघांनी खरे पाहता २४ रूं च दिले आहेत.
म्हणजेच २४ x 3 = 72 + त्या वेटर कडे २ रू. = ७४ .. ??? कसे काय.

उत्तर

वेटर कडचे २ रू बिलात आहेत

तेव्हा
२४ x 3 = 72 (त्या वेटर कडे २ रू. धरुन)+ परत मिळालेले ३ रू=७५

ह्या लोकांनी तर ७५ दिले होते..( ३/- परत मिळालेले ७५-३=७२ ) बिल ७२/-

कॉमर्सचे प्राथमिक ज्ञान असलेला मुलगा कोणाचे पैसे गेले आणि कोणाला पैसे मिळाले याचा बरोबर हिशेब ठेवेल आणि त्यात अशी गल्लत करणार नाही
पैसे गेले = २४ गुणिले ३ = ७२
पैसे मिळाले : मालकाला ७० + वेटरला २ = ७२
हिशोब संपला.
७५ हा आकडा अप्रस्तुत आहे.

त्याचा हिशोब मांडायचाच झाला तर असा होईल
एकंदर बिल : ७५
मालकाला मिळाले : ७० + मालकाने दिलेली सूट : ५ = ७५
यात नोकराचा संबंध येत नाही

आता इथे : १ रू वापस मिळाल्यामूळे तिघांनी खरे पाहता २४ रूं च दिले आहेत.

इथे, 'तिघांनी २४ रुपये कुणाला दिले आहेत?' असा प्रश्न विचारुन पाहिला आणि त्याचे उत्तर शोधताना कोडे सुटले.

पांढर्‍या शाईमधे उत्तर न लिहिता ठळकपणे लिहिण्याच्या आगाऊपणा बद्दल थत्त्यांचा सौम्य निषेध.

तीन मित्र एका हॉटेलात जातात. प्रत्येकी २५रू त्यांना बिल येते. बिलाची एकूण रक्कम = ७५ होते. मित्रातील एक जण ८० रुपये बीलाच्या ताटलीत ठेवतो.
वेटर ते पैसे घेउन मालकाकडे जातो. मालक ५ रू वापस देतो.
इथ पर्यंत सगळे ठिक वाटते. पण..

वेटर स्वता:कडे २ रू ठेवतो आणि तीघांना प्रत्येकी १ रू देतो.
मला ह्या वाक्यात चूक दिसते. वेटर स्वतःकडे आधीच कसे काय पैसे ठेवतो? बडीशेपच्या ताटलीत २ रुपये ठेवले असे मानले तर ३ रुपये परत मिळत आहेत. मग बाकीची डोकेफोड कशासाठी आहे? हे कळले नाही.

ही शब्दांशब्दांतली फसवेगिरी मोठी गमतीदार आहे. उत्तर सोपे असल्याकारणाने पुन्हा देत नाही. पण या कोड्याने आपण कधीकधी कसे काय फसतो याचे संभाव्य कारण बघूया.

हॉटेलात बिलाकरिता ३ मित्र पंचवीस-पंचवीस असे ७५ रुपये नोकराला देतात. मालक नोकराला २५ रुपये परत करतो. नोकर १०रुपये खिशात ठेवतो, आणि मित्रांना पाच-पाच रुपये देतो.
आता इथे : ५ रू वापस मिळाल्यामूळे तिघांनी खरे पाहता २० रूं च दिले आहेत.
म्हणजेच २० x ३ = ६० + त्या वेटर कडे १० रू. = ७० .. ??? कसे काय.

हॉटेलात बिलाकरिता ३ मित्र पंचवीस-पंचवीस असे ७५ रुपये नोकराला देतात. मालक मित्रांचा आप्त असतो, आणि त्या दिवशी त्यांना फुकटाची पार्टी द्यायचे मालक ठरवतो. नोकराला ७५ रुपये परत करतो. नोकर ७५रुपये खिशात ठेवतो, आणि मित्रांना शून्य-शून्य रुपये देतो.
आता इथे : ० रू वापस मिळाल्यामूळे तिघांनी खरे पाहता २५ रूं च दिले आहेत.
म्हणजेच २५ x ३ = ७५ + त्या वेटर कडे ७५ रू. = १५० .. ??? कसे काय.

वरील पहिल्या उदाहरणात आपण फसल्यास क्षणभरच फसू, आणि शेवटच्या उदाहरणात बहुतेक कोणीच फसणार नाही.
यावरून लेखामध्ये लिहिलेल्या उदाहरणात आपल्याला फसवणारी बाब काय आहे, हे चटकन लक्षात यावे.

गफलत बिफलत काही नाही. मला तरी वाटते. तीघे मित्र पैशाला चिकट होते, मनाने दळीद्री होते. एकमेकांचे मित्र म्हणवत एकत्र खावून झाल्यानंतर बील देताना सगळ्यांनी आप-आपले पैसे द्यायचे ठरले असावे म्हणजे प्रत्येकी २५/-. देताना एकाच मित्राने ८० रुपये देय म्हणून दिले. ५ रुपये परत आल्यानंतर वेटरला कमीत-कमी टिप कीती द्यायची? हे सुचले नसल्यामुळे सगळ्यात दळीद्री असलेल्या व्यक्तीच्या मनात हे कोडे जन्माला आले.